ପାଣିକୋଇଲି, ୨୯/୦୯: ଘରର ଝରକା ତାଡ଼ି ୬ଲକ୍ଷ ୬୦ ହଜାର ଟଙ୍କା ସହ ସୁନା ବାହୁଟି,କାନଫୁଲ,୨ଟି ମୁଦି ଚୋରି କରିନେଲେ ଦୁର୍ବୃତ୍ତ । ଯାଜପୁର ଜିଲ୍ଲା ପାଣିକୋଇଲି ଥାନା ଅନ୍ତର୍ଗତ ବଜାରରେ ଏଭଳି ଘଟଣା ଘଟିଛି ।

ସୂଚନା ମୁତାବକ, ପାଣିକୋଇଲି ଥାନା ଅନ୍ତର୍ଗତ ବଜାରରେ କାର୍ତ୍ତିକ ଚରଣ ସେଠୀ ଓ ତାଙ୍କ ପତ୍ନୀ ହାରାମଣି ସେଠୀ ଏକ ଘର ଭଡ଼ା ନେଇ ରହୁଥିଲେ । ଦୁଇ ଦିନ ପୂର୍ବରୁ କୌଣସି କାରଣରୁ ବ୍ୟାଙ୍କରୁ ୬ ଲକ୍ଷ ୬୦ ହଜାର ଟଙ୍କା ଉଠାଇଥିଲେ କାର୍ତ୍ତିକ ।  ସେ ଟଙ୍କାକୁ ଘରେ ରଖିଥିଲେ । ପ୍ରତ୍ୟେକ ଦିନ ସେ ରୁମ୍‌ରେ କାର୍ତ୍ତିକ ସେଠୀ ଶୁଅନ୍ତି ।  ହେଲେ ଦୁର୍ଭାଗ୍ୟର କଥା ଯେ, ସେପ୍ଟେମ୍ୱର ୨୮ ତାରିଖ ରାତିରେ କାର୍ତ୍ତିକ ସେଠୀଙ୍କ ମୁଣ୍ଡ ବୁଲାଇବାରୁ ସେ ତାର ପାଖ ରୁମ୍‌ରେ ଶୋଇପଡ଼ିଥିଲେ । ତାଙ୍କ ପତ୍ନୀ ମଧ୍ୟ ଉକ୍ତ ରୁମ୍‌ରେ କାର୍ତ୍ତିକଙ୍କ ସହ ଶୋଇଥିଲେ । ହେଲେ ଯେଉଁ ଘରେ ଟଙ୍କା ଓ ଅଳଙ୍କାର ଥିଲା ସେଦିନ ସେଘରେ କେହି ଶୋଇନଥିଲେ । ଏହାର ସୁଯୋଗ ନେଇ କିଛି ଦୁର୍ବୃତ୍ତ ରାତିରେ ଝରକା ତାଡ଼ି ଘର ଭିତରେ ପଶିଥିଲେ । ଘରେ ଥିବା ଆଲମୀରା ଭାଙ୍ଗି ୬ଲକ୍ଷ ୬୦ ହଜାର ଓ ସୁନା ବାହୁଟି, କାନଫୁଲ, ୨ଟି ମୁଦି ନେଇ ଫେରାର ହୋଇଯାଇଛନ୍ତି । ସକାଳୁ ଉଠି ସେ କବାଟ ଖୋଲିବା ବେଳକୁ କବାଟ ନ ଖୋଲିବାରୁ ଝରକା ପାଖକୁ ଗଲାବେଳକୁ ଝରକା ଖୋଲା ଅବସ୍ଥାରେ ଅଛି । ଏ ଦୃଶ୍ୟ ଦେଖିଲା ମାତ୍ରେ ସାଙ୍ଗେ ସାଙ୍ଗେ ପାଣିକୋଇଲି ପୋଲିସ ଷ୍ଟେସନ ଯାଇ ଏକ ଲିଖିତ ଅଭିଯୋଗ କରାଇଥିଲେ କାର୍ତ୍ତିକ । ଉକ୍ତ ଅଭିଯୋଗ ଆଧାରରେ ଘଟଣାସ୍ଥଳରେ ପାଣିକୋଇଲି ପୋଲିସ ଘଟଣାର ତଦନ୍ତ କରୁଛି ।