କଟକ, ୦୧/୦୨ : ନୂଆ ପୋଲିସ ଡିଜି ଭାବେ ବରିଷ୍ଠ ପୋଲିସ ଅଧିକାରୀ ଅରୁଣ ଷଡ଼ଙ୍ଗୀ ଦାୟିତ୍ଵ ଗ୍ରହଣ କରିଛନ୍ତି। ଏହା ପରେ ସେ ବରିଷ୍ଠ ପୋଲିସ୍ ଅଧିକାରୀମାନଙ୍କ ସହ ଏକ ବୈଠକ କରିଛନ୍ତି। ଏହି ବୈଠକରେ ଅପରାଧ ମୁକ୍ତ ସମାଜ ଓ ନିରପେକ୍ଷ ନିର୍ବାଚନ ନେଇ ଆଲୋଚନା ହୋଇଛି।
ଏନେଇ ପୋଲିସ ଡିଜି କହିଛନ୍ତି ଯେ, ମୁକ୍ତ, ଅବାଧ ଓ ନିରପେକ୍ଷ ନିର୍ବାଚନ କରିବା ହେଉଛି ପୋଲିସର ମୁଖ୍ୟ କର୍ତ୍ତବ୍ୟ। ପୋଲିସ ଏନଫୋର୍ସମେଣ୍ଟକୁ ବୃଦ୍ଧି କରାଯିବ। ୱାରେଣ୍ଟ ଥିବା ଅପରାଧୀମାନଙ୍କୁ ଧରିବା ସହ ମାଦକ ଦ୍ରବ୍ୟ ଉପରେ ନିୟନ୍ତ୍ରଣ ଆଣିବା ପାଇଁ ପଦକ୍ଷେପ ଗ୍ରହଣ କରାଯିବ। ୫ ଦିନ ଭିତରେ ୩୦ଟି ଜିଲ୍ଲାରେ ପାଖାପାଖି ୩ ହଜାର ୱାରେଣ୍ଟକୁ କାର୍ଯ୍ୟକାରୀ କରାଯାଇଛି।
