ନୂଆଦିଲ୍ଲୀ,୧୨।୨: ହଲଦାନୀରେ ହିଂସାର କାରଣ ପାଲଟିଥିବା ବେଆଇନ ମଦ୍ରାସା ସ୍ଥାନରେ ଏବେ ପୋଲିସ ଷ୍ଟେସନ୍ ତିଆରି ହେବ। ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି ସୋମବାର ଏହି ଘୋଷଣା କରିଛନ୍ତି। ଧାମି ଏହା ମଧ୍ୟ କହିଛନ୍ତି ଯେ, ଦେବଭୂମିର ଶାନ୍ତି ସହ ଖେଳୁଥିବା ଲୋକଙ୍କୁ ଛଡା ଯିବନି। ହଲଦାନୀରେ ବେଆଇନ ମଦ୍ରାସା ଓ କଥିତ ମସଜିଦ୍କୁ ଭଙ୍ଗାଯିବା କାରଣରୁ ସୃଷ୍ଟି ହୋଇଥିବା ହିଂସା କାରଣରୁ ୫ ଜଣଙ୍କର ମୃତ୍ୟୁ ହୋଇଛି ଓ ୩୦୦ ରୁ ଅଧିକ ଆହତ ହୋଇଛନ୍ତି।
ପୁଷ୍କର ସିଂହ ଧାମି ସୋମବାର ଏକ ଭିଡିଓ ଟ୍ବିଟ୍ କରି ଏହି ସୂଚନା ଦେଇଛି। ସେ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଲେଖିଛନ୍ତି, ବନଭୁଲପୁରା, ହଲଦାନୀରେ ଯେଉଁଭଳି ବେଆଇନ ଅଧିଗ୍ରହଣକୁ ହଟାଯାଇଛି ସେଠାରେ ଏବେ ପୋଲିସ ଷ୍ଟେସନ୍ ତିଆରି କରାଯିବ। ଉପଦ୍ରବୀ ଓ ଦଙ୍ଗାକାରୀଙ୍କ ପାଇଁ ଆମ ସରକାରଙ୍କ ଏହା ସ୍ପଷ୍ଟ ବାର୍ତ୍ତା। ଦେବଭୂମିର ଶାନ୍ତି ସହ ଖେଳୁଥିବା କୌଣସି ବ୍ୟକ୍ତି ଛଡାଯିବନି, ଏଭଳି ଉପଦ୍ରବୀଙ୍କ ପାଇଁ ଉତ୍ତରାଖଣ୍ଡରେ କୌଣସି ସ୍ଥାନ ନାହିଁ।
ହରିଦ୍ବାରା ଋଷିକୂଲ୍ୟ ମୈଦାନରେ ଆୟୋଜିତ ‘ନାରୀ ଶକ୍ତି ମହୋତ୍ସବ’କୁ ସମ୍ବୋଧିତ କରି ଉତ୍ତରାଖଣ୍ଡର ମୁଖ୍ୟମନ୍ତ୍ରୀ ପୁଷ୍କର ସିଂହ ଧାମି କହିଛନ୍ତି, ବନଭଉଲପୁରାର ଏକ ବଗିଚାରେ ଅଧିଗ୍ରହଣ ଥିଲା। ଏହି ଅଧିଗ୍ରହଣ ବେଳେ ବହୁ ଏକର ଜମି ବାହାରିଛି। ଏହି ଭୂମିରେ ହିଂସାକାଣ୍ଡ ଓ ପଥରମାଡ ହୋଇଥିଲା। ଏଠାରେ ଉପଦ୍ରବ ହୋଇଥିଲା। ପୋଲିସକର୍ମୀଙ୍କୁ ଆକ୍ରମଣ କରାଯାଉଛି। ସାମ୍ବାଦିକ ଭାଇମାନଙ୍କୁ ମଧ୍ୟ ଆକ୍ରମଣ ହୋଇଥିଲା। ମୁଁ ମା’ ଗଙ୍ଗାଙ୍କ ପବିତ୍ର କୂଳରେ ଘୋଷଣା କରୁଛି ସେହି ସ୍ଥାନରେ ପୋଲିସ ଥାନା ତିଆରି କରାଯିବ।’
