ଫିରିଙ୍ଗିଆ , ୧୮।୯ : ମନୁଷ୍ୟ ଅଧିକ ଦିନ ଧରି ମାନସିକ ଚାପରେ ରହିଲେ ତାହା ମାନସିକ ଅସୁସ୍ଥତା ଆଡକୁ ଗତି କରିଥାଏ । ଏହାର ସଠିକ୍ ପରିଚାଳନା କରିବାକୁ ହେଲେ ଚାପରେ ରହୁଥିବା ସମୟରେ ବ୍ୟବହାରରେ ସକରାତ୍ମକ ଚିନ୍ତା ଆଣିବାକୁ ହେବ  ।  ଏହି ପରିପ୍ରେକ୍ଷିରେ ବେସିକ୍ ନିଡ୍ ଇଣ୍ଡିଆ, ବାଙ୍ଗାଲୋର ଓ ସ୍ୱେଚ୍ଛାସେବୀ ଅନୁଷ୍ଠାନ ସ୍ୱାତୀ ଙ୍କ ମିଳିତ ସହଯୋଗ ରେ କନ୍ଧମାଳ ଜିଲ୍ଲାର ଫୁଲବାଣୀ ଓ ଫିରିଙ୍ଗିଆ ବ୍ଲକର ୩୦ ଗୋଟି ପଂଚାୟତ ରେ ମାନସିକ ରୋଗୀଙ୍କୁ ଚିହ୍ନଟିକରଣ କରାଯାଇଛି।  , ସେମାନଙ୍କ ର ଚିକିତ୍ସା ଓ ସ୍ଥାୟୀ ଜିବନଜିବିକା ନିମନ୍ତେ ଗୋଷ୍ଠିସ୍ତରୀୟ ମାନସିକ ସ୍ୱାସ୍ଥ୍ୟ ବିକାଶ  କାର୍ଯ୍ୟକ୍ରମ ବିଗତ ତିନି ବର୍ଷ ହେବ କାର୍ଯ୍ୟକାରୀ ହୋଇଆସୁଛି  । ଏହାର ସୁଫଳ ପାଇଁ ଆଜି ଅନୁଷ୍ଠାନଙ୍କ ବନ୍ଧଗଡ ସ୍ଥିତ ତାଲିମ କେନ୍ଦ୍ର ଠାରେ ଏକ ଦିନିକିଆ ଚାପ ନିୟନ୍ତ୍ରଣ ପରିଚାଳନା ସହିତ ନେଟଓାର୍କିଂ ବୈଠକ ଅନୁଷ୍ଠିତ ହୋଇଯାଇଛି  ।

 ଏହି ବୈଠକରେ କନ୍ଧମାଳ ଜିଲ୍ଲା ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମର କ୍ଲିନିକାଲ୍ ସାଇକୋଲୋଜିଷ୍ଟ ତପଶ୍ୱିନି ଆଚାର୍ଯ୍ୟ  ମନୁଷ୍ୟ କେତେବେଳେ ଚାପ ରେ ଆସିଥାଏ ତାହା ଉଦାହରଣ ମାଧ୍ୟମରେ ବୁଝାଇବା ସହ ସେଥିରୁ ମୁକୁଳିବା ପାଇଁ ନିଜର ଚିନ୍ତାଧାରାକୁ ସକରାତ୍ମକ କରିବା ସହିତ ମନଭିତରକୁ ଅବାଧରେ ପ୍ରବେଶ କରୁଥିବା ନକରାତ୍ମକ ଚିନ୍ତାଧାରାକୁ ଦୂରେଇ ମାନସିକ ଚାପରୁ ମୂକୁଳିବାର ଉପାୟ ଜଣାଇଥିଲେ  । ତତ୍ ସହିତ ମାଳତୀ ବେହେରା ମାନସିକ ଅସୁସ୍ଥ ବ୍ୟକ୍ତିଙ୍କୁ ସରକାରଙ୍କ ଦ୍ୱାରା ଇ.ସଞୀବନୀ ମାଧ୍ୟମରେ ଯୋଗାଇ ଦିଆଯାଉଥିବା ସେବା ସମ୍ପର୍କରେ ସୂଚନା ଦେଇଥିଲେ  । ଫୁଲବାଣୀ ସମନ୍ୱୀତ ଶିଶୁ ବିକାଶ ଅଧିକାରୀ ବୈଜୟନ୍ତୀ ପ୍ରଧାନ ଯୋଗଦେଇ ନିଜର ଚାପ କୁ ବିଭିନ୍ନ ଉପାୟରେ ନିୟନ୍ତ୍ରଣ କରିପାରିଲେ ନିଶ୍ଚିତ ମାନସିକ ଅସୁସ୍ଥତାରୁ ରକ୍ଷା ପାଇପାରିବା ବୋଲି କହିଥିଲେ  ।  ଫିରିଙ୍ଗିଆ ପ୍ରେସ୍ କ୍ଲବର ସମସ୍ତ ସଭ୍ୟ ମାନେ ଯୋଗ ଦେଇଥିଲେ। ସଭାପତି ଉତମ ଖମାରୀ ସ୍ଥାନୀୟ ଅଂଚଳ ରେ ମାନିସୀକ ଅସୁସ୍ଥତାରେ ରହୁଥିବା ପରିବାର ମାନଙ୍କୁ କିଭଳି ଚିକିତ୍ସା ପାଇଁ ଯୋଡାଯାଇ ପାରିବ ତାହାର ପ୍ରଚାରରେ ଗଣମାଧ୍ୟମ ନିଶ୍ଚିତ ସହାୟତା ର ହାତ ବଢାଇବ ବୋଲି କହିଥିଲେ । ଓଡିଶା ଜିବିକା ମିଶନ୍ ର ବ୍ଲକ୍ ଜୀବିକା ସଂଯୋଜକ ରୁବିନା ନାୟକ ସ୍ୱୟଂସହାୟକ ଦଳ ମାଧ୍ୟମରେ ମାନସିକ ଅସୁସ୍ଥ ବ୍ୟକ୍ତି ଙ୍କ ପରିବାର ଙ୍କୁ ସାମିଲ କରି ତାଙ୍କ ପରିବାର ର ଆର୍ଥୀକ ସ୍ଥିତି କୁ ସୁଦୃଢ କରିବାକୁ ଚେଷ୍ଟା କରାଯିବ ବୋଲି କହିଥିଲେ  । ବେସିକ୍ ନିଡ୍ ଈଣ୍ଡିଆ ର ରାଜ୍ୟ ସଂଯୋଜକ ରାଜିବ କର୍ମୀ  ନେଟଓାର୍କିଂ ବୈଠକ ରେ ସମସ୍ତ ଙ୍କ ସହଯୋଗରେ ଅବହେଳିତ ହୋଇ ରହିଯାଉଥିବା ମାନସିକ ଅସୁସ୍ଥ ବ୍ୟକ୍ତି ଥିବା ପରିବାରଙ୍କୁ ସମାଜ ର ମୂଖ୍ୟ ସ୍ରୋତରେ ସାମିଲ କରି ହେବ ବୋଲି କହିଥିଲେ   । ସଂପାଦକ ହରି ଶଙ୍କର ରାଉତ କାର୍ଯ୍ୟକ୍ରମ କୁ ପରିଚାଳନା କରିଥିବା ବେଳେ ସଂଯୋଜକ ବୈକୁଣ୍ଠ ଚନ୍ଦ୍ର ଦାଶ ଓ କ୍ଷେତ୍ର ସଂଯୋଜକ ଆଲୋକ ସାମନ୍ତରାଏ ସହଯୋଗ କରିଥିଲେ  ।    ପରିବାର ସହାୟକ ଗୋଷ୍ଠୀ ରୁ ଆସିଥିବା ଅରୁଣ କୁମାର ନାୟକ ମାନସିକ ସ୍ୱାସ୍ଥ୍ୟ କାର୍ଯ୍ୟକ୍ରମ କୁ ସୂଦୁର ପ୍ରସାରୀ କରିବାକୁ ଗଣମାଧ୍ୟମ ପ୍ରତିନିଧି ମାନଙ୍କୁ ଅନୁରୋଧ କରିଥିଲେ  ।