ନୂଆଦିଲ୍ଲୀ,୦୬/୦୬: ରାଷ୍ଟ୍ରପତି ଦ୍ରୌପଦୀ ମୁର୍ମୁ ବୁଧବାର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସମେତ ବିଦାୟୀ ମନ୍ତ୍ରୀ ପରିଷଦ ପାଇଁ ରାଷ୍ଟ୍ରପତି ଭବନରେ ଡିନର ପାର୍ଟି ଆୟୋଜନ କରିଥିଲେ । ଏଥିରେ ଉପ ରାଷ୍ଟ୍ରପତି ଜଗଦୀପ ଧନଖଡ଼ ଓ ଲୋକସଭା ବାଚସ୍ପତି ଓମ୍‌ ବିର୍ଲା ମଧ୍ୟ ସାମିଲ ହୋଇଥିଲେ । ଡିନର ପାର୍ଟିରେ ସ୍ୱରାଷ୍ଟ୍ର ମନ୍ତ୍ରୀ ଅମିତ ଶାହ,  ପ୍ରତିରକ୍ଷା ମନ୍ତ୍ରୀ ରାଜନାଥ ସିଂହ, ସଡ଼କ ପରିବହନ ମନ୍ତ୍ରୀ ନୀତିନ ଗଡକରୀ, ଅର୍ଥମନ୍ତ୍ରୀ ନିର୍ମଳା ସୀତାରମଣ, ଶିକ୍ଷା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ  ପ୍ରମୁଖ ଯୋଗଦେଇଥିଲେ । ଏହା ପୂର୍ବରୁ ପ୍ରଧାନମନ୍ତ୍ରୀ ମୋଦି ରାଷ୍ଟ୍ରପତିଙ୍କୁ ଭେଟି ଇସ୍ତଫା ପତ୍ର ପ୍ରଦାନ କରିଥିଲେ । ରାଷ୍ଟ୍ରପତି ଏହାକୁ  ଗ୍ରହଣ କରି ନୂଆ ସରକାର ଗଠନ ହେବା ପର୍ଯ୍ୟନ୍ତ ଦାୟିତ୍ୱ ସମ୍ଭାଳିବାକୁ  କହିଥିଲେ । ଏଥିସହ ପ୍ରଧାନମନ୍ତ୍ରୀଙ୍କ ପରାମର୍ଶକ୍ରେମେ ସପ୍ତଦଶ  ଲୋକସଭାକୁ ଭଙ୍ଗ କରିଦେଇଥିଲେ । ଜୁନ୍‌ ୧୬ରେ ସପ୍ତଦଶ ଲୋକସଭାର  କାର୍ଯ୍ୟକାଳ ଶେଷ ହେବାର ଥିଲା । ମୋଦିଙ୍କ ଇସ୍ତଫା ଗ୍ରହଣ କରାଯିବାର  କିଛି ଘଣ୍ଟା ପରେ ରାଷ୍ଟ୍ରପତି ଭବନରେ ଡିନର ପାର୍ଟି ଆରମ୍ଭ ହୋଇଥିଲା ।