ନୂଆଦିଲ୍ଲୀ,୧୬।୫: ଆମ୍ ଆଦମୀ ପାର୍ଟି ସାଂସଦ ସ୍ବାତୀ ମାଲିଓ୍ବାଲଙ୍କୁ ଦିଲ୍ଲୀ ସିଏମ୍ ହାଉସରେ ର୍ଦୁବ୍ୟବହାର ମାମଲା ଏବେ ଚର୍ଚ୍ଚାରେ ରହିଛି। ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ଘନିଷ୍ଠ ବିଭବ କୁମାରଙ୍କ ଉପରେ ମାଲିଓ୍ବାଲଙ୍କୁ ମାରପିଟ୍ କରିଥିବା ଅଭିଯୋଗ ରହିଛି। ଜାତୀୟ ମହିଳା କମିଶନ ତାଙ୍କୁ ସମନ ପଠାଇଛି। ଏହା ଭିତରେ ମହିଳା ନେତାମାନେ ଲଗାତାର ମାଲିଓ୍ବାଲଙ୍କ ସମର୍ଥନରେ ଆଗକୁ ଆସିଛନ୍ତି।
ଏବେ କଂଗ୍ରେସ ନେତ୍ରୀ ପ୍ରିୟଙ୍କା ଗାନ୍ଧିଙ୍କୁ ଯେତେବେଳେ ପଚରା ଯାଇଥିଲା, ସେ କହିଛନ୍ତି ମୁଁ ୟୁପିରେ ଏବେ ଅଛି। ତେବେ କୌଣସି ମହିଳା ସହ ଅତ୍ୟାଚାର ଯଦି ହୁଏ ଜଣେ ମହିଳା ଭାବରେ ତାଙ୍କ ସପକ୍ଷରେ ନିହାତି ଠିଆ ହେବି। ବିଜେପି ନେତାମାନେ ଏହି ପ୍ରସଙ୍ଗରେ କିଭଳି କହୁଛନ୍ତି ? ବିଜେପି ହାଥରସ୍ ଉପରେ କିଛି କହିନଥିଲା। ଉନ୍ନାଓ କେସ୍ରେ କିଛି କରିନଥିଲା। ବିଜେପି ଆମର ମହିଳା ରେସଲରଙ୍କ ପ୍ରସଙ୍ଗରେ ମଧ୍ୟ ମୁହଁ ଖୋଲିନି।
ପ୍ରିୟଙ୍କା କହିଛନ୍ତି, ଯଦି ଭୁଲ ହୋଇଛି ତେବେ ମୁଁ ସେହି ମହିଳାଙ୍କ ସହ ଅଛି। ଯଦି ମାଲିଓ୍ବାଲ ମୋ ସହ କଥା ହେବାକୁ ଚାହାନ୍ତି, ତେବେ ମୁଁ କଥା ହେବି। ଯଦି କେଜ୍ରିଓ୍ବାଲଙ୍କୁ ଜଣା ଏହି ମାମଲାରେ ବିଷୟରେ ତେବେ ମୋତେ ଆଶା ଅଛି ସେ କିଛି ଉପଯୁକ୍ତ କାର୍ଯ୍ୟାନୁଷ୍ଠାନ ଗ୍ରହଣ କରିବେ। ସେ କିଛି ନା କିଛି ସମାଧାନର ବାଟ୍ ଖୋଜିବେ, ଯାହାକି ମାଲିଓ୍ବାଲ ମଧ୍ୟ ଗ୍ରହଣ କରିପାରନ୍ତି। ମୁଁ ସବୁବେଳେ ମହିଳାଙ୍କ ଉପରେ କୌଣସି ଅତ୍ୟାଚାର ସହ୍ୟ କରେନି। ଏହି ମାମଲାରେ ମଧ୍ୟ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ଦରକାର।