ଭୁବନେଶ୍ୱର,୨୮/୦୫: ପ୍ରଫେସର ଡାକ୍ତର ସନ୍ତୋଷ କୁମାର ମିଶ୍ର ହେଲେ ଡାଇରେକ୍ଟର ମେଡିକାଲ ଏଜୁକେସନ୍‌ ଆଣ୍ଡ ଟେନ୍ରିଂ (ଡିଏମ୍‌ଇଟି)। ଏନେଇ ସ୍ୱାସ୍ଥ୍ୟ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ପ୍ରଫେସର ମିଶ୍ର ଏମ୍‌କେସିଜି ମେଡିକାଲ କଲେଜର ଅଧ୍ୟକ୍ଷ ଦାୟିତ୍ୱ ତୁଲାଉଛନ୍ତି । ପ୍ରଫେସର ମିଶ୍ରଙ୍କ ସ୍ଥାନରେ ଏମ୍‌କେସିଜି ମେଡିକାଲ କଲେଜ ଅଧୀକ୍ଷକ ପ୍ରଫେସର ଡାକ୍ତର ସୁଚିତ୍ରା ଦାଶ ଅଧ୍ୟକ୍ଷ ଭାବେ ଦାୟିତ୍ୱ ତୁଲାଇବେ ।  ପୂର୍ବରୁ ଡିଏମ୍‌ଇଟି ଦାୟିତ୍ୱରେ ଥିବା ସରୋଜ କୁମାର ମିଶ୍ରଙ୍କୁ ସ୍ୱାସ୍ଥ୍ୟ ବିଭାଗ ସ୍ୱତନ୍ତ୍ର ସଚିବ ପଦବିକୁ ଫେରାଇ ନିଆଯାଇଛି । ନିର୍ବାଚନ କମିଶନ ନୂତନ ନିଯୁକ୍ତି ନେଇ ଅନୁମତି ପ୍ରଦାନ କରିଛନ୍ତି । 

ସୂଚନାଯୋଗ୍ୟ, ଜଣେ ପ୍ରାଶାସନିକ ଅଧିକାରୀଙ୍କୁ ଡିଏମ୍‌ଇଟି ନିଯୁକ୍ତି ନେଇ ଡାକ୍ତରୀ ସଂଘ ମଧ୍ୟରେ ଅସନ୍ତୋଷ ପ୍ରକାଶ ପାଇଥିଲା । ସରୋଜ କୁମାର ମିଶ୍ରଙ୍କ ସ୍ଥାନରେ ଅଭିଜ୍ଞ ପ୍ରଫେସରଙ୍କୁ ଡିଏମ୍‌ଇଟି ପଦବିରେ ନିଯୁକ୍ତି ନେଇ ଦାବି କରାଯାଇଥିଲା । ଏନେଇ ସଂଘ ପକ୍ଷରୁ ସ୍ୱାସ୍ଥ୍ୟ ବିଭାଗ ପ୍ରମୁଖ ଶସନ ସଚିବଙ୍କୁ ଦାବିପତ୍ର ପ୍ରଦାନ କରାଯାଇଥିଲା ।