ଚନ୍ଦାହାଣ୍ଡି ,୪।୮ :  ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ସଦର  ଗ୍ରାମ ଝରିଆ ସାହିର ବୁଲୁ ପାଣିଗ୍ରାହୀଙ୍କ ଘରେ ନିଆଁ ଲାଗି ସମସ୍ତ ଆସବାବପତ୍ର  ପୋଡି ପାଉଁଶ ହୋଇଯାଇଛି। ପ୍ରାୟ ଘରେ ଥିବା ୨ ଲକ୍ଷ ଟଙ୍କା ସାମଗ୍ରୀ ପୋଡି ନଷ୍ଟ ହୋଇଯାଇଛି। 

 ଚନ୍ଦାହାଣ୍ଡି ସଦର ଝରିଆ ସାହିର ବୁଲୁ ପାଣିଗ୍ରାହୀ ମେଡିକାଲରେ କ୍ୟାଣ୍ଟିନ ଦେଇଥିବାରୁ  ତାଙ୍କ ଘରେ ତାଙ୍କ ବୁଢୀ ମା’ଏବଂ ସେ ରହି ଥାନ୍ତି l ବୁଲୁ  କ୍ୟାଣ୍ଟିନକୁ ଚାଲିଗଲେ ତାଙ୍କ ମା‘ ଏକାକୀ ରୁହନ୍ତି l ରବିବାର ନ ମା’ ପାଖ ଭଉଣୀ ଘରେ ରହି ଥିବା ସମୟ ରେ ଘରେ ନିଆଁ ଲାଗି ଧୂଆଁ ବାହାରୁ ଥିବା ଦେଖି  ପାଖ ପଡୋଶୀ ଲୋକ ବୁଲୁକୁ ଖବର ଦେଇଥିଲେ l ସେ ଘରକୁ ଆସି ଦେଖିବାରୁ ଘରେ ଥିବା ଦୁଇଟି ଟିଭି ଫ୍ରୀଜ଼, କୁଳର ଏସି ଆସବାପତ୍ର ପୋଡି ପାଉଁଶ ହୋଇ ଯିବା ସହ  ଘର ଛାତରେ ନିଆଁ ଲାଗି ଜଳୁଥିବା ଦେଖି ଦମକଳ ବାହିନୀକୁ ଫୋନ  କରିଥିଲେ। ସେମାନେ ନିଆଁକୁ ଆୟତ୍ତ କରିଥିଲେ l ଘରେ ଥିବା ୨ ଲକ୍ଷରୁ ଉର୍ଦ୍ଧ୍ବ ଟଙ୍କାର ସମ୍ପତ୍ତି ପୋଡି ନଷ୍ଟ ହୋଇ ଯାଇ ଥିଲା l  ବିଦ୍ୟୁତ ସଟ ସର୍କିଟରୁ ନିଆଁ ଲାଗି ଘର  ପୋଡି ଥିବା ନେଇ ଅନୁମାନ କରାଯାଉଛି l

 ଚନ୍ଦାହାଣ୍ଡି ତହସିଲଦାର ସହଦେଵ କୁଟ୍ରୁକାଙ୍କ ନିର୍ଦେଶ କ୍ରମେ ଚନ୍ଦାହାଣ୍ଡି  ଏଆରଆଇ  ଅନନ୍ତ କୁମାର ସିନ୍ନା ଘଟଣା ସ୍ଥଳକୁ ଯାଇ ସବିଶେଷ ତଥ୍ୟ ସଂଗ୍ରହ କରିବା ସହ ଦୁଇଟି ପଲିଥିନ  ପ୍ରଦାନ କରିଛନ୍ତି l  ଖବର ପାଇ ଚନ୍ଦାହାଣ୍ଡି ବିଡିଓ ରାମକୃଷ୍ଣ ନାୟକ ଘଟଣା ସ୍ଥଳକୁ ଯାଇ ବିପନ୍ନ ପରିବାରକୁ ଭେଟିଛନ୍ତି l ଏ ଦିଗରେ ଜିଲ୍ଲା ପ୍ରଶାସନ ଏକ ସ୍ୱତନ୍ତ୍ର ଦୃଷ୍ଟି ଦେଇ ପଦକ୍ଷେପ ନେବାକୁ ସାଧାରଣରେ ଦାବୀ କରାଯାଇଛି l