ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ବିଳାସପୂର୍ଣ୍ଣ କାରରେ ଏକାଠି ବୁଲୁଛନ୍ତି କିମ୍ ଜୋଙ୍ଗ୍ ଉନ୍-ପୁଟିନ୍, ବନ୍ଧୁତ୍ବର ପ୍ରତିକ ଦେଖାଇବାକୁ ଭିଡିଓ କରିଛନ୍ତି ଭାଇରାଲ୍…

ନୂଆଦିଲ୍ଲୀ: ୟୁକ୍ରେନ ସହ ଯୁଦ୍ଧ ମଧ୍ୟରେ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ଉତ୍ତର କୋରିଆ ଗସ୍ତ କରିଛନ୍ତି । ଏହି ସମୟ ମଧ୍ୟରେ ଉତ୍ତର କୋରିଆର ସର୍ବୋଚ୍ଚ ନେତା କିମ ଜୋଙ୍ଗଙ୍କ ସହ ତାଙ୍କର ସାକ୍ଷାତକୁ ବେସ୍ ଚର୍ଚ୍ଚା ହେଉଛି । ଆଉ ସବୁଠୁ ବଡ କଥା ହେଲା ଏହି ସମୟ ମଧ୍ୟରେ ପୁଟିନ ବନ୍ଧୁତ୍ୱର ପ୍ରତୀକ ଭାବରେ କିମଙ୍କୁ ଏକ ବହୁମୂଲ୍ୟ ଲିମୋଜିନ୍ ଆରସ୍ ସିନେଟ୍ କାର୍ ଦେଇଛନ୍ତି । ଏହି କାରଟି ରୁଷିଆର ରୋଲ୍ସ ରୋଏଲ ନାମରେ ମଧ୍ୟ ଜଣାଶୁଣା । ବର୍ତ୍ତମାନ ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି । ଭିଡିଓରେ ଏହି ମୂଲ୍ୟବାନ କାରକୁ ରୁଷର ରାଷ୍ଟ୍ରପତି ଭ୍ଲାଦିମିର ପୁଟିନ ଚଳାଉଛନ୍ତି ଏବଂ କିମ ଜୋଙ୍ଗ ଉନ ତାଙ୍କ ପାଖରେ ବସିଛନ୍ତି । ଏହି ଭିଡିଓ ମାଧ୍ୟମରେ ରୁଷ ଏବଂ ଉତ୍ତର କୋରିଆ ମଧ୍ୟରେ ଘନିଷ୍ଠତା ବୃଦ୍ଧି ପାଇଥିବା ଦର୍ଶାଇବାକୁ ଚେଷ୍ଟା କରାଯାଇଛି ।

ଏହି ଭିଡିଓକୁ ପ୍ରଥମେ ରୁଷରେ ପ୍ରସାରିତ କରାଗଲା । ଭିଡିଓରେ ଦେଖାଯାଉଛି ଯେ, କଳା ରଙ୍ଗର ଏହି ବହୁମୂଲ୍ୟ ଗାଡିକୁ ପୁଟିନ୍ ଚଳାଉଛନ୍ତି । ଉଭୟ ନେତା ଗସ୍ତ ସମୟରେ କଥାବାର୍ତ୍ତା ଏବଂ ହସୁଥିବା ନଜର ଆସିଛନ୍ତି । ସେପ୍ଟେମ୍ବର ୨୦୨୩ ରେ କିମ ଏବଂ ପୁଟିନ ରୁଷରେ ସାକ୍ଷାତ ହୋଇଥିଲେ । ସେହି ସମୟରେ ପୁଟିନ କିମଙ୍କୁ ତାଙ୍କର ଆରସ୍ ସିନେଟ ଲିମୋଜିନ୍ କାର ଦେଖାଇଥିଲେ । ଏହା ପରେ ଫେବୃଆରୀରେ ପୁଟିନ ଏହି କାରକୁ କିମଙ୍କ ପାଇଁ ପ୍ୟୋଙ୍ଗୟାଙ୍ଗକୁ ପଠାଇଥିଲେ । ଏବେ ପୁଟିନ ପୁଣି ଥରେ କିମ ଜୋଙ୍ଗଙ୍କୁ ଏହି ମୂଲ୍ୟବାନ କାର ଉପହାର ଦେଇଛନ୍ତି ।




କିମ ଜୋଙ୍ଗଙ୍କ ପାଖରେ ଅନେକ ମୂଲ୍ୟବାନ ବିଦେଶୀ ଯାନ ଅଛି । କୁହାଯାଉଛି ଯେ, ଏହି ଯାନଗୁଡିକ ଉତ୍ତର କୋରିଆକୁ ଚୋରା ଚାଲାଣ କରାଯାଇଛି । ସୂଚନାଥାଉକି, ମିଳିତ ଜାତିସଂଘ ସୁରକ୍ଷା ପରିଷଦ ଉତ୍ତର କୋରିଆକୁ ବିଳାସପୂର୍ଣ୍ଣ ସାମଗ୍ରୀ ରପ୍ତାନି ଉପରେ ପ୍ରତିବନ୍ଧକ ଲଗାଇଛି । ଏହାପୂର୍ବରୁ କିମ ଜୋଙ୍ଗଙ୍କୁ ମାୟାବାକ୍ ଲିମୋଜିନ୍, ମର୍ସିଡିଜ୍, ରୋଲ୍ସ ରୋଏସ୍ ଫାଣ୍ଟମ୍ ଏବଂ ଲେକ୍ସସ୍ ସ୍ପୋର୍ଟସ୍ ୟୁଟିଲିଟି ଗାଡିରେ ଦେଖିବାକୁ ମିଳିଥିଲା ।

 

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.