ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ସେୟାର ମାର୍କେଟରେ ହ୍ରାସ ହେବା ଘଟଣା ନେଇ ମୋଦି-ଶାହଙ୍କୁ ଦାୟୀ କଲେ ରାହୁଲ

ନୂଆଦିଲ୍ଲୀ, ୭/୬: ଜୁନ ୪ରେ ଲୋକସଭା ନିର୍ବାଚନ ଫଳ ଦିନ ବମ୍ବେ ଷ୍ଟକ ବଜାରର ସେନସେକ୍ସ ୪,୩୦୦ ପଏଣ୍ଟ ହ୍ରାସ ପାଇଥିଲା । ନିବେଶକମାନେ ୩୦ ଲକ୍ଷ କୋଟିରୁ ଅଧିକ ଟଙ୍କା ହରାଇଥିଲେ । ତେବେ ଏଥିପାଇଁ ପ୍ରଧାନମନ୍ତ୍ରୀ ମୋଦି ଏବଂ ଗୃହମନ୍ତ୍ରୀ ଅମିତ ଶାହଙ୍କୁ ଦାୟୀ କରିଛନ୍ତି କଂଗ୍ରେସ ନେତା ରାହୁଲ ଗାନ୍ଧୀ । ନିର୍ବାଚନ ଫଳ ବାହାରିବା ପୂର୍ବରୁ ବିଜେପି ବଡ ବିଜୟ ପାଇବା ନେଇ ବିଭ୍ରାନ୍ତିକର ଏକଜିଟ୍ ପୋଲ ପ୍ରକାଶ ପାଇଥିଲା । ପ୍ରଧାନମନ୍ତ୍ରୀଙ୍କ ଇସାରାରେ ଏହି ଭବିଷ୍ୟବାଣୀ କରାଯାଇଥିଲା । ଯାହାଫଳରେ ଫଳାଫଳ ଦିନ ମାର୍କେଟରେ ନିବେଶକ ୩୦ ଲକ୍ଷ କୋଟି ଟଙ୍କା କ୍ଷତି ସହିଥିଲେ ବୋଲି ସାଂଘାତିକ ଅଭିଯୋଗ ଆଣିଛନ୍ତି ରାହୁଲ ।

ରାହୁଲ ଦିଲ୍ଲୀରେ ସାମ୍ବାଦିକ ସମ୍ମିଳନୀରେ କହିଛନ୍ତି ଯେ, ଷ୍ଟକ ମାର୍କେଟରେ ନିବେଶ ପାଇଁ କାହିଁକି ପ୍ରଧାନମନ୍ତ୍ରୀ ଲୋକଙ୍କୁ ପରାମର୍ଶ ଦେଇଥିଲେ । କାହିଁକି ପ୍ରଧାନମନ୍ତ୍ରୀ ଏବଂ ଗୃହମନ୍ତ୍ରୀ ୫ କୋଟି ନିବେଶକଙ୍କୁ ଷ୍ଟକ କିଣିବାକୁ କହିଥିଲେ । ପ୍ରଥମ ଥର ପାଇଁ ଦେଶରେ ପ୍ରଧାନମନ୍ତ୍ରୀ, ଗୃହମନ୍ତ୍ରୀ ନିବେଶକଙ୍କୁ ଷ୍ଟକ କିଣିବା ଲାଗି ପରାମର୍ଶ ଦେଇଥିଲେ । ଜୁନ ୪ରେ ନିର୍ବାଚନ ଫଳାଫଳ ପ୍ରକାଶ ପାଇବା ପରେ ମାର୍କେଟ ସବୁ ରେକର୍ଡ ଭାଙ୍ଗିବ ବୋଲି କହିଥିଲେ । ହେଲେ ଜୁନ ୪ରେ ଭୋଟ ଗଣତି ଆରମ୍ଭ ପରେ ବିଜେପିର ପ୍ରଦର୍ଶନ ଭଲ ନ ରହିବା କାରଣରୁ ସେନସେକ୍ସ ଦ୍ରୁତଗତିରେ ତଳକୁ ଖସିଥିଲା । ଏଥିଯୋଗୁଁ ନିବେଶକ ୩୦ ଲକ୍ଷ କୋଟିରୁ ଅଧିକ ଟଙ୍କା କ୍ଷତି ସହିଥିଲେ । ଏହି ଘଟଣାର ଜେପିସି ତଦନ୍ତ ଦାବି କରି ରାହୁଲ ଗାନ୍ଧୀ କହିଛନ୍ତି ଯେ, ଆମର ପୁରା ବିଶ୍ବାସ ଷ୍ଟକ ବଜାରରେ ବଡ ଘୋଟାଲା ହୋଇଛି । ଭାରତୀୟ ଖୁଚୁରା ନିବେଶକଙ୍କ ମୂଲ୍ୟରେ କେହି ଜଣେ ହଜାର ହଜାର କୋଟି ଟଙ୍କା ରୋଜଗାର କରିଛି ।  ତେଣୁ ଏହାର ଜେପିସି ତଦନ୍ତ ହେବା ଦରକାର ବୋଲି କହିଛନ୍ତି ।


  • prameyanews
  • PrameyaOdia
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.