ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ରେଳବାଇର ବଡ଼ ଘୋଷଣା; ଏବେ ପ୍ରତିବର୍ଷ ଆସିବ ବମ୍ପର ନିଯୁକ୍ତି, ସରକାରୀ ଚାକିରି କ୍ଷେତ୍ରରେ ଯୁବଗୋଷ୍ଠୀଙ୍କ ପାଇଁ ଆସିବ ସ୍ବର୍ଣ୍ଣିମ ଅବସର

ନୂଆଦିଲ୍ଲୀ,୩୧/୦୧: ରେଳବାଇରେ ଚାକିରି କରିବାକୁ ସ୍ବପ୍ନ ଦେଖୁଥିବା ଯୁବକଙ୍କ ପାଇଁ ଖୁସି ଖବର। ଭାରତୀୟ ରେଳବାଇ ପ୍ରତିବର୍ଷ ନିଯୁକ୍ତି ବାହାର କରିବ। ରେଲଓ୍ବେରେ ଥିବା ଖାଲି ପଦବୀ ଗୁଡ଼ିକ ପୂର୍ଣ୍ଣ କରିବା ପାଇଁ ରେଳବାଇ ଏହି ନିଯୁକ୍ତି ବାହାର କରିବ। ପୂର୍ବ କେନ୍ଦ୍ରୀୟ ରେଳବାଇର ଜେନେରାଲ ମ୍ୟାନେଜର ଅନିଲ କୁମାର ଖଣ୍ଡେଲୱାଲ ନ୍ୟୁଜ୍ ଏଜେନ୍ସି ଏଏନ୍‌ଆଇକୁ ଏହି ସୂଚନା ଦେଇଛନ୍ତି। ସେ କହିଛନ୍ତି, ରେଳବାଇ ନିକଟରେ ୧.୫ ଲକ୍ଷ ପଦବୀ ପାଇଁ ନିଯୁକ୍ତି ପ୍ରକ୍ରିୟା ଶେଷ କରିଛି। 

ବର୍ତ୍ତମାନ ରେଳବାଇ ଏକ ନୂତନ ପ୍ରକ୍ରିୟା ଆରମ୍ଭ କରିଛି। ରେଳବାଇର ଭିତ୍ତିଭୂମି ଏବଂ କାର୍ଯ୍ୟ ବଢ଼ୁଥିବାରୁ ରେଳବାଇ ବର୍ତ୍ତମାନ ପ୍ରତିବର୍ଷ ନିୟମିତ ଖାଲି ପଦବୀ ଆଣିବାକୁ ଯୋଜନା କରିଛି। ଅନେକ ବର୍ଗରେ ପଦବୀ ପ୍ରତିବର୍ଷ ପୂରଣ ହେବ। ଏହି ଦିଗରେ ବର୍ତ୍ତମାନ ୫,୬୯୬ ଆସିଷ୍ଟାଣ୍ଟ ଲୋକୋ ପାଇଲଟ୍‌ ନିଯୁକ୍ତି ଆରମ୍ଭ ହୋଇଛି। ଏହା ସହିତ ଆବେଦନକାରୀମାନେ ପ୍ରତିବର୍ଷ ସୁଯୋଗ ପାଇବେ। ଯଦି କୌଣସି କାରଣରୁ ପ୍ରାର୍ଥୀମାନେ ଚଳିତ ବର୍ଷରେ ବିଫଳ ହୁଅନ୍ତି, ତେବେ ସେମାନେ ପରବର୍ତ୍ତୀ ବର୍ଷରେ ପୁନର୍ବାର ପରୀକ୍ଷା ଦେଇପାରିବେ। 

ରେଳବାଇ ଆର୍‌ଆର୍‌ବି ଆସିଷ୍ଟାଣ୍ଟ ଲୋକୋ ପାଇଲଟ୍ ନିଯୁକ୍ତି ପାଇଁ ଅନଲାଇନ୍ ଆବେଦନ ପ୍ରକ୍ରିୟା ଆରମ୍ଭ କରିଛି। ଏହି ନିଯୁକ୍ତି ଅଭିଯାନର ଲକ୍ଷ୍ୟ ହେଉଛି ଆସିଷ୍ଟାଣ୍ଟ ଲୋକୋ ପାଇଲଟଙ୍କ ମୋଟ ୫୬୯୬ ଟି ପଦବୀ ପୂରଣ କରିବା। ୧୯ ଫେବୃଆରୀରେ ରାତି ୧୧.୫୯ ପର୍ଯ୍ୟନ୍ତ ଅଫିସିଆଲ୍ ୱେବସାଇଟ୍ indianrailways.gov.in ରେ ପ୍ରାର୍ଥୀମାନେ ଆବେଦନ କରିପାରିବେ। ୨୦ ରୁ ୨୯ ଫେବୃଆରୀ ମଧ୍ୟରେ ଆପଣ ଆବେଦନରେ ସଂଶୋଧନ କରିପାରିବେ। 

ଏହାପୂର୍ବରୁ ରେଳବାଇ ଅନେକ ନିଯୁକ୍ତି ବିଜ୍ଞପ୍ତି ଜାରି କରିଛି। ଗତ ବର୍ଷ ରେଳବାଇ ଦଶମ, ଦ୍ୱାଦଶ, ଆଇଟିଆଇ ଏବଂ ଡିଗ୍ରୀ ପାସ୍ ଯୁବକମାନଙ୍କ ପାଇଁ ନିଯୁକ୍ତି ପ୍ରଦାନ କରିଥିଲା। ନିକଟରେ ଭାରତୀୟ ରେଳବାଇରେ ୧.୫ ଲକ୍ଷ ଖାଲି ପଦବୀ ନିଯୁକ୍ତି ପ୍ରକ୍ରିୟା ଶେଷ ହୋଇଛି। ରେଳବାଇ ନିଯୁକ୍ତି ବୋର୍ଡ ପ୍ରତିଦିନ ବିଭିନ୍ନ ଜୋନ୍ ପାଇଁ ନୂତନ ନିଯୁକ୍ତି ବିଜ୍ଞପ୍ତି ଜାରି କରିଆସୁଛି। 








News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.