ନୂଆଦିଲ୍ଲୀ,୦୧/୦୪:  ଆର୍‌ବିଆଇ ଏହାର ରେପୋ ରେଟ୍‌କୁ ଏପ୍ରିଲରେ ଅପରିବର୍ତ୍ତିତ ରଖିପାରେ ।  ଅର୍ଥନୈତିକ ଅଭିବୃଦ୍ଧି ୮% ଓ ମୁଦ୍ରାସ୍ଫୀତି  ଧାର୍ଯ୍ୟ ୪% ସ୍ତରରେ ରଖିବା ଉପରେ କେନ୍ଦ୍ରୀୟ ବ୍ୟାଙ୍କ ଫୋକସ କରିବ ବୋଲି ବଜାର ବିଶେଷଜ୍ଞ କହିଛନ୍ତି ।  

ଆମେରିକା ଏବଂ ବ୍ରିଟେନର କେନ୍ଦ୍ରୀୟ  ବ୍ୟାଙ୍କ ଭଳି ସୁଧହାର ଉପରେ ନଜର  ରଖିବା ସପକ୍ଷରେ ରହିଛି ଆର୍‌ବିଆଇ ।  ପ୍ରମୁଖ ଅର୍ଥନୀତିଗୁଡିକ ମଧ୍ୟରେ  କେବଳ ସ୍ୱିଜରଲ୍ୟାଣ୍ଡ ସୁଧହାର ହ୍ରାସ  କରିଛି । ସେହିଭଳି ଜାପାନ ଲଗାତାର  ୮ ବର୍ଷ ହେବ ନକାରାତ୍ମକ ସୁଧହାର  ସ୍ଥିତିରେ ରହିଛି । ଗଭର୍ଣ୍ଣର ଶକ୍ତିକାନ୍ତ  ଦାସଙ୍କ ଅଧ୍ୟକ୍ଷତାରେ ଏପ୍ରିଲ ୩ରୁ  ୫ ଯାଏ ରିଜର୍ଭ ବ୍ୟାଙ୍କର ମୁଦ୍ରା ନୀତି  କମିଟି(ଏମ୍‌ପିସି)ର ସମୀକ୍ଷା ବୈଠକ  ବସିବ । ଶୁକ୍ରବାର ଦିନ ସୁଧହାର ହ୍ରାସ  ସମ୍ପର୍କରେ ଘୋଷଣା ହେବ । ଆର୍ôଥକ  ବର୍ଷ ୨୦୨୪-୨୫ର ଏହା ହେବ ପ୍ରଥମ  ମୁଦ୍ରାନୀତି ସମୀକ୍ଷା ବୈଠକ ।