ନୂଆଦିଲ୍ଲୀ :  ଆଗାମୀ ଲୋକସଭାରେ ପୁଣି ବଡ଼ ଜନାଦେଶ ସହ ଫେରିବି । ଏମିତି କହିଛନ୍ତି ତୃଣମୂଳ କଂଗ୍ରେସର ଲୋକସଭା ସାଂସଦ ମହୁଆ ମୋଇତ୍ରା। ଏଥିକ୍ସ କମିଟି ଦ୍ୱାରା ୬:୪ ଭୋଟରେ ଗ୍ରହଣ କରାଯାଇ ଥିବା ୫୦୦ ପୃଷ୍ଠାର ରିପୋର୍ଟରେ ନିଜର ପ୍ରଥମ ପ୍ରତିକ୍ରିୟାରେ ମହୁଆ ମୋଇତ୍ରା ଏହି ସୁପାରିଶକୁ କଙ୍ଗାରୁ କୋର୍ଟ ଦ୍ୱାରା ଏକ ପୂର୍ବ ନିର୍ଦ୍ଧାରିତ ମ୍ୟାଚ ଭାବେ ଦର୍ଶାଇଛନ୍ତି। ମୋଇତ୍ରା କହିଛନ୍ତି , ଭାରତ ପାଇଁ,ଏହା ସଂସଦୀୟ ଗଣତନ୍ତ୍ରର ଏକପ୍ରକାର ମୃତ୍ୟୁ। 

କହି ରଖୁଛୁ କି , ମହୁଆ ମୋଇତ୍ରା ୨୦୧୯ରେ ପଶ୍ଚିମ ବଙ୍ଗର କୃଷ୍ଣାନଗର ନିର୍ବାଚନ କ୍ଷେତ୍ରରୁ ଜିତି ପ୍ରଥମ ଥର ସାଂସଦ ହୋଇଥିଲେ। ଏହା ପୂର୍ବରୁ ସେ କରିମପୁରରୁ ବିଧାୟକ ଥିଲେ। 

ଏଥିକ୍ସ କମିଟି ମହୁଆ ମୋଇତ୍ରାଙ୍କ ବିରୋଧରେ ଅଭିଯୋଗକୁ ଖୁବ୍‌ ଗୁରୁତର ଥିବା କହିଥିଲେ ଏବଂ ଦାବି କରିଥିଲେ କି, ତାଙ୍କୁ ଲୋକସଭାରୁ ବହିଷ୍କାର କରି ଦିଆ ଯାଉ , କାରଣ ତାଙ୍କୁ ନିଜର ସଂସଦ ଲଗିନ୍‌ ଉଦ୍ୟୋଗପତି ଦର୍ଶନ ହିରାନନ୍ଦାନୀଙ୍କ ସହ ସେୟାର କରିଥିଲେ , ଯିଏକି ଗୌତମ ଅଦାନୀଙ୍କ ବିରୋଧରେ ପ୍ରଶ୍ନ ପୋଷ୍ଟ କରିବା କଥା ସ୍ୱୀକାର କରିଥିଲେ। ରିପୋର୍ଟରେ କୁହାଯାଇ ଥିଲା କି, ଯେବେ ମହୁଆ ମୋଇତ୍ରା ସେଠାରେ ନଥିଲେ ତ ଦୁବାଇରୁ ୪୭ ଥର ଲଗିନ୍‌ର ବ୍ୟବହାର କରାଯାଇ ଥିଲା। 

ଏଥିକ୍ସ ପ୍ୟାନେଲ ବିଜେପି ସାଂସଦ ନିଶିକାନ୍ତ ଦୁବେ ଓ ଓକିଲ ଜୟ ଅନନ୍ତ ଦେହାଦ୍ରାଇଙ୍କ ବୟାନ ରୁଜୁ କରିଥିଲେ , ଯିଏ କି ମୂଳତଃ ନିଜର ପୂର୍ବ ସାଥି ମହୁଆଙ୍କ ବିରୋଧରେ ଅଭିଯୋଗ କରିଥିଲେ। ମହୁଆ ମୋଇତ୍ରାଙ୍କୁ ୨ ନଭେମ୍ୱରରେ ପଚରାପଚରି କରାଯାଇ ଥିଲା , ଯେଉଁଠି ସେ ଦାବି କରିଥିଲେ କି, ତାଙ୍କୁ ନିର୍ଯାତନାର ସାମନା କରିବାକୁ ପଡ଼ିଛି, କାରଣ ତାଙ୍କୁ ଅଭଦ୍ରୋଚିତ ଓ ବ୍ୟକ୍ତିଗତ ପ୍ରଶ୍ନ ପଚରା ଯାଇଥିଲା। 

ସେପଟେ ମହୁଆ ମୋଇତ୍ରାଙ୍କ ବିରୋଧରେ ପ୍ରଶ୍ନର ବଦଳରେ ଟଙ୍କା ନେଣଦେଣର ଅଭିଯୋଗ ମାମଲାରେ ତୃଣମୂଳ ନିରବତା ବଜାୟ ରଖିଛି। ଏମିତି କୁହାଯାଇଛି କି, ଏହି ମାମଲାରେ କୌଣସି ଟିପ୍ପଣୀ ଦେବ ନାହିଁ। ହେଲେ , ଗୁରୁବାର ଆଭିମୁଖ୍ୟରେ ପରିବର୍ତ୍ତନ ଆସିଛି, କାରଣ ତୃଣମୂଳର ରାଷ୍ଟ୍ରୀୟ ମହାସଚିବ ଅଭିଷେକ ବାନାର୍ଜୀ କହିଛନ୍ତି କି, ମହୁଆ ମୋଇତ୍ରା ପ୍ରତିଶୋଧର ରାଜନୀତିର ଶିକାର ହୋଇଛନ୍ତି। ଅଭିଷେକ ବାନାର୍ଜୀ କହିଛନ୍ତି , ଯେ କେହି ବି ଅଦାନୀ ମାମଲାରେ ସରକାରଙ୍କୁ ପ୍ରଶ୍ନ ପଚାରୁଛି , ତାକୁ ସମସ୍ୟାରେ ପକାଯାଇଛି।