ନୂଆଦିଲ୍ଲୀ, ୧୮/୯ : ପଞ୍ଜାବ କିଙ୍ଗ୍ସର ନୂଆ ମୁଖ୍ୟ କୋଚ୍ ହେଲେ ରିକି ପଣ୍ଟିଂ । ୨୦୨୫ଲାଗି ଅଷ୍ଟେ୍ରଲିଆର ଭେଟରାନ ଖେଳାଳୀ ରିକି ପଣ୍ଟିଂଙ୍କୁ ଦଳ ନୂଆ କୋଚ୍ ଭାବେ ନିଯୁକ୍ତ କରିଛି । ପଣ୍ଟିଂ ଏବେ ଟ୍ରେବର ବେଲିସଙ୍କ ସ୍ଥାନ ନେବେ । ଯିଏ ପୂର୍ବ କେତେ ବର୍ଷରୁ ପଞ୍ଜାବର କୋଚ୍ ଥିଲେ । ପଣ୍ଟିଂ ଦୁଇ ମାସ ପୂର୍ବରୁ ଦିଲ୍ଲୀ କ୍ୟାପିଟାଲ୍ସର ମୁଖ୍ୟ କୋଚ୍ ପଦରୁ ଇସ୍ତଫା ଦେଇଥିଲେ । ଏବେ ସେ ପଞ୍ଜାବ କିଙ୍ଗ୍ସ ପ୍ରାଞ୍ଚାଇଜ ସହ ୪ବର୍ଷର ଡିଲ୍ ସାଇନ୍ କରିଛନ୍ତି, ଯିଏ ୨୦୨୮ରେ ଯାଇ ଶେଷ ହେବ ।
ଅନୁମାନ କରାଯାଉଛି ଯେ ପଞ୍ଜାବ କିଙ୍ଗ୍ସର କୋଚ୍ ଏବଂ ସପୋର୍ଟ ଷ୍ଟାଫଙ୍କ ସମ୍ପୂର୍ଣ୍ଣ କଣ୍ଟେ୍ରାଲ ରିକି ପଣ୍ଟିଂଙ୍କ ହାତରେ ଦିଆଯାଇପାରେ । ମାତ୍ର ଏବେ ଏହି ବିଷୟ ଉପରେ କିଛି ସ୍ପଷ୍ଟ ହୋଇ ନାହିଁ କି ପୁରୁଣା କୋଚିଂ ଷ୍ଟାଫଙ୍କ ଉପରେ କ’ଣ ନିଷ୍ପତ୍ତି ନିଆଯିବ । ପଞ୍ଜାବର ପୁରୁଣା କୋଚିଂ ଷ୍ଟାଫରେ ଟ୍ରେବର ବେଲିସ (ମୁଖ୍ୟ କୋଚ୍), ସଞ୍ଜୟ ବାଙ୍ଗର( ହେଡ ଅଫ କ୍ରିକେଟ ଡେଭଲପମେଣ୍ଟ), ଚାର୍ଲ ଲ୍ୟାଗବେଲ୍ଟ(ଦ୍ରୁତ ବୋଲିଂ କୋଚ) ଏବଂ ସୁନୀଲ ଜୋଶୀ(ସ୍ପିନ ବୋଲିଂ କୋଚ)ସାମିଲ ଥିଲେ । ଏହା ବି ଗୁରୁତ୍ବପୂର୍ଣ୍ଣ ବିଷୟ କି ପଞ୍ଜାବ ଗତ ୭ସିଜନରେ ୬କୋଚ୍ ପରିବର୍ତ୍ତନ କରିଛି ।
