ହରଭଙ୍ଗା, ୦୬/୦୯ : ବହୁ ପୁରାତନ ଜଗନ୍ନାଥ ସଡ଼କ ଏବେ ଶୋଚନୀୟ। ନୂତନ ନିର୍ମାଣଧୀନ ଧଳପୁର-ଆଠମଲ୍ଲିକ ମହାନଦୀ ସେତୁକୁ ସଂଯୋଗ କରୁଥିବା ଅପ୍ରୋଚ ରାସ୍ତାକୁ ଲାଗି ସେତୁ ତଳେ ଦୀର୍ଘ ବର୍ଷ ଧରି ରାସ୍ତା ସମସ୍ୟା ଲାଗି ରହିଛି। ବହୁ ସମୟରେ ବ୍ଲକ ପ୍ରଶାସନ, ନେତା ମନ୍ତ୍ରୀ ଓ ପୂର୍ତ୍ତ ବିଭାଗକୁ ଗୁହାରି କରିବା ସତ୍ତ୍ଵେ ରାସ୍ତା ଅବସ୍ଥା ସୁଧୁରୁନି। ଏନେଇ ଗଣମାଧ୍ୟମରେ ଖବର ମଧ୍ୟ ପ୍ରକାଶ ପାଇଛି। ରାସ୍ତା ମରାମତି କିମ୍ବା ପୁନଃନିର୍ମାଣ ହୋଇ ପାରୁନି।

ଗୋଟିଏ ସପ୍ତାହ ହେଲା ଏହି ସ୍ଥାନରେ ବହୁ ମାଲବାହୀ ଟ୍ରକ୍ ଫସିବା, ଆମ୍ବୁଲାନ୍ସ ଯାଇ ନପରିବା, ଦୁର୍ଘଟଣା ଘଟିବା ଓ ସରକାରୀ ବସ୍ ଫେରିଯିବା ଭଳି ଘଟଣା ଘଟୁଛି। ଏହାର ପ୍ରତିବାଦରେ ଆଜି ସ୍ଥାନୀୟ ଅଞ୍ଚଳର ସାଧାରଣ ଜନତା ଓ ବିଜେପି କର୍ମୀ ତଥା ପୂର୍ବତନ ଜିଲ୍ଲପାରିଷଦ ପ୍ରାଥୀ ଅରୂପା ଦୀପ କାଦୁଅ ରାସ୍ତାରେ ଧାନ ତଳି ଲଗାଇ, ଜାତୀୟ ପତାକା ଧରି କାଦୁଅରେ ବସି ରହିଛନ୍ତି। ଯେତେଦିନ ପର୍ଯ୍ୟନ୍ତ ଏହି ସମସ୍ୟାର ସମାଧାନ ନହେବ ସେତେଦିନ ପର୍ଯ୍ୟନ୍ତ ପ୍ରତିବାଦ ଚାଲୁ ରହିବ ବୋଲି କହିଛନ୍ତି। ପ୍ରତିବାଦରେ ଯଦି କାହାର କଣ କ୍ଷତି ହୁଏ ଜିଲ୍ଲା ପ୍ରଶାସନ ଏହାର ଦାୟୀ ହେବେ ବୋଲି ବିଜେପି ନେତା ଅରୂପା ଦୀପ କହିଛନ୍ତି।