ସମ୍ବଲପୁର,୨୬/୦୧: ସମ୍ବଲପୁରରେ ଆସନ୍ତା ୨୭ ତାରିଖରେ ସମଲେଇ ପ୍ରକଳ୍ପ ଲୋକାର୍ପଣ ହେବ । ମୁଖ୍ୟ ମନ୍ତ୍ରୀ ନବୀନ ପଟ୍ଟନାୟକ ଏହାକୁ ଉଦ୍ଘାଟନ କରିବେ । ଏଥିପାଇଁ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର କାର୍ଯ୍ୟକ୍ରମ ରହିଛି । ଏହାକୁ ଦୃଷ୍ଟିରେ ଜିଲ୍ଲା ପୁଲିସ ପକ୍ଷରୁ ସ୍ୱତନ୍ତ୍ର ଟ୍ରାଫିକ୍ ବ୍ୟବସ୍ଥା କରାଯାଇଛି । ସହରର ଯେଉଁମାନେ ସମଲେଇ ମନ୍ଦିର ଦେଇ ଯିବା ଆସିବାର କରିବେ ସେମାଙ୍କୁ ଚାରି ଚକିଆ ବଦଳରେ ଦୁଇ ଚକିଆ ଯାନରେ ଯିବା ଆସିବା କରିବାକୁ ନିବେଦନ କରାଯାଇଛି ।
ଲୋକାର୍ପଣ ଦିନ ମୁଖ୍ୟମନ୍ତ୍ରୀଙ୍କ ସ୍ୱତନ୍ତ୍ର କାର୍ଯକ୍ରମ ରହିଛି । ଟ୍ରାଫିକ୍ ନିୟନ୍ତ୍ରଣ ପାଇଁ ସମ୍ପୁର୍ଣ୍ଣ ସହରକୁ ୬ଟି ସେକ୍ଟରରେ ଭାଗ କରାଯାଇଛି । ପ୍ରତି ସେକ୍ଟରରେ ଜଣେ ଲେଖାଏଁ ଟ୍ରାଫିକ ଇନ୍ସପେକ୍ଟର ଦାୟିତ୍ୱରେ ରହିବେ । ଏଠାକୁ କେବଳ ନିମନ୍ତ୍ରିତ ଅତିଥି ଆସୁଛନ୍ତି । ଏଥିରେ ଯୋଗ ଦେବାକୁ ଆସୁଥିବା ଆତିଥିଙ୍କ ଗାଡ଼ି ସବୁ ଏନ୍ଏଚ୍ରୁ ଦୁର୍ଗାପାଲି ଦେଇ ଆସିବ ।
କାନିଜୁରୀ ପାଖରେ କରାଯାଇଥିବା ୩ଟି ପଡ଼ିଆରେ ପାର୍କିଂ କରାଯିବ । ସେଠାରୁ ସେମାନଙ୍କୁ ଜିଲ୍ଲା ପ୍ରଶାସନ ଦ୍ୱାରା କରାଯାଇଥିବା ସ୍ୱତନ୍ତ୍ର ଗାଡ଼ିରେ ମନ୍ଦିର ପରିସରକୁ ଅଣାଯିବ । ଏଥିସହ ସମ୍ବଲପୁର ଟାଉନରୁ ନିମନ୍ତ୍ରିତ ଅତିଥିଙ୍କୁ ସମଲେଇ କଲେଜରେ ଗାଡ଼ି ପାର୍କିଂ କରିବାକୁ କୁୁହାଯାଇଛି । ଏଠାରୁ ସମଲେଇ ମନ୍ଦିର ପର୍ଯ୍ୟନ୍ତ ପ୍ରତି ୫ ମିନିଟରେ ଏକ ବସ ଯିବା ଆସିବା କରୁଥିବ । ସେଥିରେ ନିମନ୍ତ୍ରିତ ଭକ୍ତ, ଅତିଥି ଯିବାଆସିବା କରିପାରିବେ । ଏହାବାଦ୍ ୧୦୦ଟି ଭିଆଇପି ପାର୍କିଂ ମନ୍ଦିର ପାଖରେ କରାଯିବ ।
ନେଲସନ୍ ମାଣ୍ଡେଲା ଓ ଜେଲ ଛକ ଦେଇ ଚାରି ଚକିଆ ଯିବା ଆସିବା କରିପାରିବ ନାହିଁ । ମନ୍ଦିରକୁ ରିଂ ରୋଡ଼ ଦେଇ ଆସୁଥିବା ଲୋଙ୍କୁ ଏକ ପ୍ରକାର ବାରଣ କରାଯାଇଛି । ଏହି ରାସ୍ତା ଦେଇ କେବଳ ଜରୁରୀ ସମୟରେ ଦୁଇ ଚକିଆରେ ଗାଡ଼ି ଯିବା ଆସିବା କରିବ । ଯେଉଁମାନେ ବି ଆସୁଛନ୍ତି, ସେମାନଙ୍କ ଗାଡ଼ି ବାଲିବନ୍ଧା ପାରେ ହିଁ ରଖିବାକୁ କୁହାଯାଇଛି । ଏଥିସହ ସହରର ବିଭନ୍ନ୍ ଗଳି ଦେଇ ମନ୍ଦିରକୁ ଥିବା ରାସ୍ତାକୁ ବେରିଗେଟିଂ କରାଯିବା ନେଇ ପୁଲିସ ପକ୍ଷରୁ ସୂଚନା ଦିଆଯାଇଛି ।
