ପ୍ରମୁଖ ଖବର
  • କଂଗ୍ରେସ ସ୍କ୍ରିନିଂ କମିଟି ବୈଠକ, ୧୫ ସୁଦ୍ଧା ଘୋଷେଣା ହେବ ପ୍ରାର୍ଥୀ ତାଲିକା
  • ||
  • କ୍ୟାପିଟାଲ ହସ୍ପିଟାଲରେ ମହିଳାଙ୍କୁ ଦୁର୍ବ୍ୟବହାର, ଧାରଣାରେ ବସିଲେ ସିକ୍କ୍ୟୁରିଟ୍ ଓ ସଫୋଇ କର୍ମୀ
  • ||
  • ବିଜେଡି ଛାଡିଲେ ପୂର୍ବତନ ରାଜ୍ୟ ଯୁବ ଉପସଭାପତି ରାକେଶ ନାୟକ
  • ||
  • ଆଜି ଆସିବ ବିଜେପି ଦ୍ବିତୀୟ ପର୍ଯ୍ୟାୟ ପ୍ରାର୍ଥୀ ତାଲିକା, ଘୋଷଣା ହୋଇପାରେ ୨୫ ପ୍ରାର୍ଥୀଙ୍କ ନା
  • ||
  • ରୋଷେୟାକୁ ହାଣିଲା ହୋଟେଲ ମାଲିକ, ଅଭିଯୁକ୍ତଙ୍କୁ ବାନ୍ଧିଲା ପୋଲିସ
  • ||
  • ଅବକାରୀ ବିଭାଗ ହାଜତରେ ଥାର୍ଡ ଡିଗ୍ରୀ ! ମଦ ବ୍ୟବସାୟୀ ଗୁରୁତର, ହତ୍ୟା ଉଦ୍ୟମ ଅଭିଯୋଗ
  • ||
  • ବେଲଗାମ ବୟାନ ଉପରେ ଲାଗିବ ଅଙ୍କୁଶ, ନିର୍ବାଚନ କମିଶନ ଆଣିବେ ନୂଆ ମାର୍ଗଦର୍ଶିକା
  • ||
  • ମାର୍ଗଦର୍ଶିକା ଜାରି କଲେ କେନ୍ଦ୍ର ସରକାର ଇସ୍ରାଏଲ, ଇରାନକୁ ଯାତ୍ରା ବାରଣ
  • ||
  • ୭୭ବର୍ଷରେ ପାଦ ଦେଲା ସ୍ୱପ୍ନର ସହର ଭୁବନେଶ୍ୱର, ୧୯୪୮ ମସିହାରେ ହୋଇଥିଲା ଗଠନ
  • ||
  • IPL 2024: ପଞ୍ଜାବ କିଙ୍ଗ୍‌ସ- ରାଜସ୍ଥାନ ରୟାଲ୍ସ ମୁକାବିଲା, ମୁଲନପୁରରେ ହେବ ପେସ୍‌ ଟେଷ୍ଟ୍‌
  • ||
  • ଶନିବାରଠୁ ୬ ଦିନ ଜଳାଇବ ତାତି, ୬ରୁ ୮ ଡିଗ୍ରୀ ବଢ଼ିଯିବ ତାପମାତ୍ରା;୧୪ରୁ ପୁଣି ନିର୍ଘାତ ଖରା
  • ||

ସତ୍ୟବାଦୀ ନିର୍ବାଚନମଣ୍ଡଳୀ ପାଇଁ ରଣନୀତି: ଟିକେଟ୍ ରେସ୍‌ରେ ବିଜେପିର ତିନି ଆଶାୟୀ

କଣାସ,୩୦/୦୩: ପ୍ରଥମ ପର୍ଯ୍ୟାୟ ପ୍ରାର୍ଥୀ ତାଲିକା ଘୋଷଣା କରିଛି ବିଜେଡି । ବ୍ରହ୍ମଗିରିର ପୂର୍ବତନ  ବିଧାୟକ ସଞ୍ଜୟ ଦାସବର୍ମାଙ୍କୁ ସତ୍ୟବାଦୀ ଆସନରୁ ଛିଡ଼ା କରାଇଛି ଦଳ । ସେହିପରି ସତ୍ୟବାଦୀ ବିଧାୟକ ଉମାକାନ୍ତ ସାମନ୍ତରାୟଙ୍କୁ ବ୍ରହ୍ମଗିରି ନିର୍ବାଚନ ମଣ୍ଡଳୀରୁ ଭାଗ୍ୟ ପରୀକ୍ଷା କରିବେ । ପ୍ରାର୍ଥୀ ଘୋଷଣା ପରେ ବିଜେଡି ଶିବିରରେ ଉତ୍ସାହ ପରିଲକ୍ଷିତ ହୋଇଛି । ମଇଦାନକୁ ଓହ୍ଲାଇଲେଣି ନେତା । ହେଲେ ଏହି ରେସ୍‌ରେ ବିଜେପି ଓ  କଂଗ୍ରେସ ପଛେଇ ଯାଇଥିବା ଚର୍ଚ୍ଚା ହେଉଛି । ବିଜେପିରେ ଏକାଧିକ ଆଶାୟୀ ଚିନ୍ତା ବଢ଼ାଇଥିବାବେଳେ ନିଷ୍ପତ୍ତି ନେଇପାରୁନାହାନ୍ତି ଦଳୀୟ କର୍ମକର୍ତ୍ତା । 

ସତ୍ୟବାଦୀ ବିଜେପି ବିଧାୟକ ପ୍ରାର୍ଥୀ ରେସ୍‌ରେ  ଅଛନ୍ତି ଗତଥରର ପରାଜିତ ପ୍ରାର୍ଥୀ ଓମ୍‌ପ୍ରକାଶ ମିଶ୍ର,  ପୂର୍ବତନ ବିଧାୟକ ରମାରଞ୍ଜନ ବଳିଆରସିଂହ ଓ  ଯୁବନେତା କାମାକ୍ଷା ପ୍ରସାଦ ପ୍ରଧାନ । ଗତ ନିର୍ବାଚନରେ  ଏହି ଆସନ ପଡ଼ିଥିଲା ବିଜେଡି ଖାତାରେ । ଉମାକାନ୍ତ  ସାମନ୍ତରାୟ ୮୦ ହଜାରରୁ ଊଦ୍ଧ୍ୱର୍ ଭୋଟ ପାଇ ବିଜୟୀ  ହୋଇଥିଲେ । ବିଜେପିର ଓମ୍‌ପ୍ରକାଶ ଶାସକ ଦଳକୁ  କଡ଼ା ଟକ୍କର ଦେଇଥିଲେ ହେଁ ତାଙ୍କୁ ପରାଜୟର ସମ୍ମୁଖୀନ  ହେବାକୁ ପଡ଼ିଥିଲା । ତାଙ୍କୁ ୬୨ ହଜାର ୫୦୦ରୁ ଅଧିକ  ଭୋଟ ମିଳିଥିଲା । କଂଗ୍ରେସର ହେଭିୱେଟ ପ୍ରସାଦ  ହରିଚନ୍ଦନ ମାତ୍ର ୧୧ ହଜାର ଭୋଟ ପାଇ ତୃତୀୟ  ସ୍ଥାନରେ ରହିଥିଲେ । ଗତ ନିର୍ବାଚନରେ ଅସନ୍ତୁଷ୍ଟ  ଗୋଷ୍ଠୀ ବିଜେଡିର ଚିନ୍ତା ବଢ଼ାଇଥିଲେ । ଏହାର ଫାଇଦା  ନେଇଥିଲେ ଓମ୍‌ପ୍ରକାଶ । ହେଲେ ଚଳିତଥର ସ୍ଥିତି  ବଦଳିଯାଇଛି । ଗତଥର ଯେଉଁମାନଙ୍କ ଭରସାରେ ନିର୍ବାଚନ ମଇଦାନକୁ ଓହ୍ଲାଇଥିଲେ ସେମାନେ ଏବେ  ବିଜେଡିରେ । ବ୍ଲକ ଅଧ୍ୟକ୍ଷାଙ୍କ ସମେତ ସତ୍ୟବାଦୀ ଓ  କଣାସର ପ୍ରାୟ ୧୫ ସରପଞ୍ଚ, ୧୪ ସମିତିସଭ୍ୟଙ୍କ  ସମେତ ଆଗଧାଡ଼ିର ନେତା ଓମ୍‌ପ୍ରକାଶଙ୍କ ହାତ ଛାଡ଼ି  ଦେଇଛନ୍ତି । ତୃଣମୂଳରେ ବିଜେପି ସଙ୍ଗଠନ ପୂର୍ବାପେକ୍ଷା ଦୁର୍ବଳ ହୋଇଯାଇଛି । ତଥାପି ମୋଦିଙ୍କ ଗ୍ୟାରେଣ୍ଟିକୁ  ନେଇ ଦଳ ରଣନୀତି ପ୍ରସ୍ତୁତ କରୁଛି । 

ସେପଟେ ରମାରଞ୍ଜନ ତାଙ୍କ ପୁଅଙ୍କୁ ପଞ୍ଚାୟତ  ନିର୍ବାଚନରେ ଜିଲ୍ଲା ପରିଷଦ ପ୍ରାର୍ଥୀ କରି ମାତ୍ର ୨୦୦  ଭୋଟରେ ହାରିଥିଲେ । ନିର୍ବାଚନ ମଣ୍ଡଳୀର ପୁରୁଣା  ସଙ୍ଗଠନକୁ ଧରି ସେ ପ୍ରାର୍ଥୀ ହେବାକୁ ଅଣ୍ଟା ଭିଡ଼ିଛନ୍ତି ।  ଦୁଇ ନେତାଙ୍କୁ ନେଇ ଚର୍ଚ୍ଚା ଲାଗି ରହିଥିବାବେଳେ  ଯୁବନେତା କାମାକ୍ଷା ପ୍ରାର୍ଥୀ ଦୌଡ଼ରେ ସାମିଲ ହୋଇଛନ୍ତି ।  ଗତ ଦୁଇବର୍ଷ ହେଲା ସେ ସାଙ୍ଗଠନିକ କାର୍ଯ୍ୟକ୍ରମରେ  ସକ୍ରିୟ ଭାବେ ଭାଗ ନେଉଛନ୍ତି । ପରିବର୍ତ୍ତନ  ଶୋଭାଯାତ୍ରା, ଜନସମ୍ପର୍କ ପଦଯାତ୍ରା ମାଧ୍ୟମରେ ଶକ୍ତି  ପ୍ରଦର୍ଶନ କରୁଛନ୍ତି । ଘରକୁ ଘର ବୁଲି ଲୋକଙ୍କୁ ଭେଟି  ଆଶୀର୍ବାଦ ଲୋଡୁଛନ୍ତି । କାମାକ୍ଷାଙ୍କ ପ୍ରାର୍ଥୀ ହେବା ଦୃଢ଼ୋକ୍ତି  ବିଜେପି ରାଜ୍ୟ ନେତୃବୃନ୍ଦଙ୍କ ଚିନ୍ତା ବଢ଼ାଇଛି । ଯଦି  ଜଣକୁ ପ୍ରାର୍ଥୀ କରାଯାଏ, ତେବେ ବିଦ୍ରୋହ ଆଶଙ୍କକୁ  ଏଡ଼ାଇ ଦିଆଯାଇପାରୁନାହିଁ । ଏଭଳି ଦ୍ୱନ୍ଦ୍ୱ ମଧ୍ୟରେ  ସମସ୍ତଙ୍କ ନଜର ଅଟକିଛି ପ୍ରାର୍ଥୀ ଚୟନ ଉପରେ ।

  • prameyanews
  • PrameyaOdia
  • prameya
  • General Election 2024
  • Odisha election 2024
  • lok sabha election 2024
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.