ନୂଆଦିଲ୍ଲୀ ୧୧/୯: ଯଦି ଆପଣ ଏଫଡିରେ ସେଭିଂ କରିବାକୁ ଚାହୁଁଛନ୍ତି ଏବଂ ଏହା ମଧ୍ୟ ଚାହୁଁଛନ୍ତି କି ଏଥିରେ କୌଣସି ଲକ୍ ଇନ୍ ପିରିୟଡ ନଥାଉ ଅର୍ଥାତ୍ ଆପଣ ଯେବେ ଚାହିଁବେ ବିନା କୌଣସି ଫାଇନରେ ପଇସା ଉଠାଇ ପାରିବେ । ତେବେ ଷ୍ଟେଟ୍ ବ୍ୟାଙ୍କ ଅଫ୍ ଇଣ୍ଡିଆର ସ୍ପେଶାଲ ମଲ୍ଟି ଅପ୍ସନ ଡିପୋଜିଟ୍ ସ୍କିମ୍ ଆପଣଙ୍କ ପାଇଁ ସବୁଠାରୁ ଭଲ ଅପ୍ସନ । 

ଏହି ସ୍କିମର ୨ଟି ବଡ ଫାଇଦା ରହିଛି । ପ୍ରଥମଟି ଆପଣଙ୍କୁ ଏଫଡି ଭଳି ସମାନ ସୁଧ ମିଳିଥାଏ । ଦ୍ୱିତୀୟଟି ଏଥିରେ ଆପଣଙ୍କ ପଇସା ସବୁବେଳେ ଲିକ୍ୱିଡ୍ ରହିଥାଏ ଅର୍ଥାତ୍ ଆପଣ ଏଫଡିର ମାଚ୍ୟୁରିଟି ପୂର୍ବରୁ ମଧ୍ୟ ବିନା କୌଣସି ପେନାଲ୍ଟିରେ ପଇସା ଉଠାଇ ପାରିବେ । ଏଥିରେ ଆପଣ ସେଭିଂ ଆକାଉଣ୍ଟ ଭଳି ଏଟିଏମ୍, ଚେକ୍ ବା ବ୍ରାଞ୍ଚକୁ ଯାଇ ପଇସା ଉଠାଇ ପାରିବେ । ଏହା ଏମିତି ଏକ ଟର୍ମ ଡିପୋଜିଟ୍, ଯାହାକୁ ଆପଣ ନିଜ ସେଭିଂ ଆକାଉଣ୍ଟ ବା କରେଣ୍ଟ ଆକାଉଣ୍ଟ ସହିତ ଲିଙ୍କ୍ କରି ଓପନ କରିପାରିବେ । 

ମଲ୍ଟି ଅପ୍ସନ ଡିପୋଜିଟ୍ ସ୍କିମ୍ ସମ୍ପର୍କିତ କିଛି ଖାସ୍ 

ଏହି ସ୍କିମରେ ଆପଣ ନିଜ ଡିପୋଜିଟରୁ ୧୦୦୦ ଟଙ୍କାର ମଲ୍ଟିପଲ ଅର୍ଥାତ୍ ୧୦୦୦, ୨୦୦୦, ୫୦୦୦, ୧୦୦୦୦ ଟଙ୍କାରେ ପଇସା ବାହାର କରିପାରିବେ । ଉଠାଣ ହୋଇଥିବା ରାଶି ପରେ ବଳକା ରାଶିରେ ଆପଣଙ୍କୁ ଏଫଡି ଭଳି ସୁଧ ମିଳିବା ଜାରି ରହିବ । ଏହି ସ୍କିମରେ ଆପଣ ଯେବେ ଚାହିଁବେ, ଯେତେ ରାଶି ଚାହିଁବେ ଉଠାଇ ପାରିବେ । ଏହା ସହିତ ଏଥିରେ ପଇସା ଉଠାଣର କୌଣସି ସୀମା ମଧ୍ୟ ନାହିଁ । ଅର୍ଥାତ୍ ଆପଣ ଯେତେ ଥର ଚାହିଁବେ ପଇସା ଉଠାଇ ପାରିବେ । 

ଏହି ସ୍କିମରେ ପଇସା ଏକ ବର୍ଷଠୁ ଆରମ୍ଭ କରି ୫ ବର୍ଷ ପର୍ଯ୍ୟନ୍ତ ଜମା କରାଯାଇହେବ । ଏଥିରେ ମିଳୁଥିବା ସୁଧର ରାଶିରେ ଆପଣଙ୍କୁ ପ୍ରଚଳିତ ହାରରେ ଟ୍ୟାକ୍ସ ଡିଡକ୍ସନ ନୂଆ ସୋର୍ସ(TDS) ଦେବାକୁ ହେବ । ଏହି ସ୍କିମରେ ନୋମିନେସନର ଫ୍ୟାସିଲିଟି ମଧ୍ୟ ରହିଛି ଅର୍ଥାତ୍ ଆପଣ ଏହି ସ୍କିମ ପାଇଁ ନୋମିନିକୁ ଯୋଡିପାରିବେ । ତେବେ ଏହି ସ୍କିମକୁ ନେଲେ ଆପଣଙ୍କୁ ସେଭିଂ ଆକାଉଣ୍ଟରେ ଆଭରେଜ୍ ମାସିକ ବାଲାନ୍ସ ମେଣ୍ଟେନ୍ କରିବା ଜରୁରି । 

ଅଟୋ ସ୍ୱିପ୍ ଫ୍ୟାସିଲିଟି

MOD ଆକାଉଣ୍ଟରେ ଅଟୋ ସ୍ୱିପର ସୁବିଧା ମଧ୍ୟ ରହିଛି । ଏହା ଅର୍ଥ ଆପଣଙ୍କୁ ଏଥିରୁ ଏକ ଲିମିଟ୍ ନିର୍ଦ୍ଧାରିତ କରିବାକୁ ହେବ । ଯେମିତି ଆପଣଙ୍କ ଜମା ରାଶି ସେହି ଲିମିଟ ଉପରକୁ ଯିବ, ବ୍ୟାଙ୍କ ସେହି ଅତିରିକ୍ତ ଫଣ୍ଡକୁ ସ୍ୱିପ୍ ଜରିଆରେ ଏଫଡିରେ ଜମା କରିଦେବ ।