ଜଗତସିଂହପୁର,୦୫/୦୮: ସହରରେ କାୟା ମେଲାଇଛି  ସେକ୍ସ ର‌୍ୟାକେଟ୍‌ । ନିକଟରେ ଚର୍ଚ୍ଚିକା ବଜାର ପାଖରେ ସେକ୍ସ  ର‌୍ୟାକେଟ୍‌ ଚାଲୁଥିବାର ଚର୍ଚ୍ଚା ମଧ୍ୟ ହୋଇଥିଲା । ଏବେ କିନ୍ତୁ  ଠିକଣା ବଦଳିଛି । ସହର ଉପକଣ୍ଠ ପୁରୋହିତପୁର ନିକଟ ଏକ  ୩ ମହଲା କୋଠାରେ ଏବେ ଦେହଜୀବୀ ଏବଂ ଗ୍ରାହକଙ୍କ ଭିଡ଼  ଲାଗିଛି । ଫୋନ୍‌ ନମ୍ବର ମଧ୍ୟ ଜାରି ହୋଇଛି । ତେବେ କୋଡ୍‌ ୱାର୍ଡ ନ କହିଲେ ଅପରପକ୍ଷରୁ କୌଣସି ଉତ୍ତର ମିଳୁନାହିଁ ।  କୋଡ୍‌ ୱାର୍ଡ ହେଉଛି ‘ଡ୍ରାଇଭର୍‌ ବାବୁ ନମ୍ବର ଦେଇଥିଲେ’ ।  ଏହି ଦୁଇ ପଦ କହିବା ମାତ୍ରେ ସେପଟୁ ରାତିକ ଦର ଛିଡ଼ିବ ।  ଆବଶ୍ୟକ ସ୍ଥଳେ ଗ୍ରାହକ ଚାହିଁଲେ ତାଙ୍କ ହ୍ୱାଟସ୍‌ଆପ୍‌ ନମ୍ବରକୁ  ସୁନ୍ଦରୀ ତରୁଣୀମାନଙ୍କ ଫଟୋକୁ ଛଡ଼ି ଦିଆଯିବ ।

ବେଶ କିଛି ଦିନ ଧରି ଏହି କୋଠାରେ ସେକ୍ସ ଆଡ୍ଡା ଚାଲୁଥିବା କୁହାଯାଉଛି ।  ସନ୍ଧ୍ୟା ପରେ ଅଧିକ ଗହଳି ପରିଲକ୍ଷିତ ହେଉଛି । ଜଣେ ମଧ୍ୟବୟସ୍କା ମହିଳା ଏହି ର‌୍ୟାକେଟ୍‌ର ମୁଖ୍ୟ ସାଜିଛନ୍ତି ।  ପାଖାପାଖି ୫ରୁ ଊଦ୍ଧ୍ୱର୍ ବଂଗୀୟ ଯୁବତୀ ଏଠାକୁ ଆସିଛନ୍ତି ।  କୁହାଯାଉଛି କି କୋଠାର ମାଲିକ ଏଠାରେ ରହୁନଥିବାରୁ ବେଶ  ସହଜରେ ଉକ୍ତ ର‌୍ୟାକେଟ୍‌ ନିଜର ବ୍ୟବସାୟ ଚଲାଉଛନ୍ତି ।  ନିକଟରେ ଚର୍ଚ୍ଚିକା ବଜାର ଅଞ୍ଚଳରେ ଉକ୍ତ ର‌୍ୟାକେଟ୍‌ ସକ୍ରିୟ  ଥିଲା । ତେବେ ଗଣମାଧ୍ୟମରେ ଖବର ପ୍ରକାଶ ପାଇବା ପରେ  ପୁଲିସ ତନାଘନା କରିବା ଭୟରେ ଏହି ର‌୍ୟାକେଟ୍‌ ଏବେ  ପୁରୋହିତପୁର ଅଞ୍ଚଳକୁ ଉଠି ଯାଇଥିବା ଚର୍ଚ୍ଚା ହେଉଛି ।