ସମ୍ବଲପୁର,୦୬/୦୬: ପ୍ରସିଦ୍ଧ ଶୀତଳ ଷଷ୍ଠୀ ଯାତ୍ରା ପାଇଁ ଜୁନ୍‌ ୧୨ ତାରିଖକୁ ସମ୍ବଲପୁର ଉତ୍ତରାଞ୍ଚଳର ରାଜସ୍ୱ ଆୟୁକ୍ତ(ଆର୍‌ଡିସି) ଆଞ୍ଚଳିକ ଛୁଟି ଭାବେ ଘୋଷଣା କରିଛନ୍ତି । ପୂର୍ବରୁ ୧୩ ତାରିଖ ଛୁଟି ଘୋଷଣା  କରାଯାଇଥିଲା । ହେଲେ ଏହାକୁ ବଦଳାଇ ଜୁନ୍‌ ୧୨  ତାରିଖ କରାଯାଇଛି । ଏନେଇ ଆର୍‌ଡିସି ବୁଧବାର  ସମ୍ବଲପୁର, ଅନୁଗୁଳ, ବରଗଡ଼, ବଲାଙ୍ଗିର, ବୌଦ୍ଧ,  ଦେବଗଡ଼, ଢେଙ୍କାନାଳ, ଝାରସୁଗୁଡ଼ା, ନୂଆପଡ଼ା,  ସୁବର୍ଣ୍ଣପୁର, ସୁନ୍ଦରଗଡ଼ର ଜିଲ୍ଲାପାଳଙ୍କୁ ଚିଠିଲେଖି  ଜଣାଇଛନ୍ତି । ବିଭିନ୍ନ ବିଭାଗକୁ ମଧ୍ୟ ଏନେଇ ଅବଗତ  କରାଇଛନ୍ତି । ପ୍ରତିବର୍ଷ ଶୀତଳ ଷଷ୍ଠୀକୁ ଆଞ୍ଚଳିକ  ଛୁଟି ଘୋଷଣା କରାଯାଇଥାଏ । ଏଥିପାଇଁ ଚଳିତ ବର୍ଷ ମଧ୍ୟ ଛୁଟି ଘୋଷଣା କରାଯାଇଥିବା ଆର୍‌ଡିସିଙ୍କ ଚିଠିରୁ ସ୍ପଷ୍ଟ ହୋଇଛି।