ପ୍ରମୁଖ ଖବର
  • ବୌଦ୍ଧ : ବାଇକ୍କୁ ଧକ୍କା ଦେଲା ରେଲୱେ ବିଭାଗର ବୋଲେରୋ, ବାଇକ୍ ଆରୋହୀ ମୃତ
  • ||
  • ଖରସ୍ରୋତାରେ ୨ ଭାଇ ନିଖୋଜ ଘଟଣା, ବଡ଼ଭାଇର ମୃତଦେହ ଉଦ୍ଧାର
  • ||
  • ବରଗଡ଼: ଡ଼ଭା ଛକରେ ପୋଲିସର ଚେକିଂ ବେଳେ ୬ ଲକ୍ଷ ୫୨ ହଜାର ୮୦୦ଟଙ୍କା ଜବତ, ୨ ଜଣ ଅଟକ
  • ||
  • ନନ୍ଦନକାନନରେ ଆଖିବୁଜିଲା ଧଳା ବାଘୁଣୀ ସ୍ନେହା, ଗୁରୁତର ଅବସ୍ଥାରେ ଚାଲିଥିଲା ଚିକିତ୍ସା
  • ||
  • ନିର୍ଘାତ ତାତି: ସାଢ଼େ ୮ଟା ସୁଦ୍ଧା ୩୫ ଡିଗ୍ରୀ ଉପରେ ତାଳଚେର ତାପମାତ୍ରା, ୩୦ ଡିଗ୍ରୀ ଉପରେ ୧୪ ସହର ପାରଦ
  • ||
  • ସୁନା ଦରରେ ଲାଗିଲା ବ୍ରେକ୍‌, ୨୪ କ୍ୟାରେଟ୍‌ ସୁନା ଦର ୩୩୦ ଟଙ୍କା ହ୍ରାସ
  • ||
  • ବିଦ୍ରୋହୀ ବିଗାଡ଼ିବେ ଅଙ୍କ, ଚିନ୍ତାରେ ବିଜେପି: ପ୍ରଥମ ଦଫା ଭୋଟ ପାଇଁ ନାମାଙ୍କନ ଆରମ୍ଭ,ଜୟପୁର ପାଇଁ ପ୍ରାର୍ଥୀ ପାଉନି ଦଳ
  • ||
  • ନିୟମଗିରିରେ ମ୍ୟାଲେରିଆ ଆତଙ୍କ: ବହୁସଂଖ୍ୟାରେ ଡଙ୍ଗରିଆ ପୀଡ଼ିତ, ପହଞ୍ଚିଲା ଡାକ୍ତରୀ ଟିମ୍
  • ||
  • ବିଜେଡି ଛାଡ଼ି ବିଜେପି ଯିବେ ପ୍ରସନ୍ନ ପାଟ୍ଟଶାଣୀ ! ଆଜି ହୋଇପାରେ କିଛି ବଡ଼ ଘୋଷଣା
  • ||
  • IPL 2024 : ସୁପର ଜାଏଣ୍ଟସ୍‌କୁ ଭେଟିବ ସୁପରକିଙ୍ଗସ୍, ଏକାନ୍ନା ଷ୍ଟାଡ଼ିୟମ୍‌ର ଦେଖିବାକୁ ମିଳିବ ସଂଘର୍ଷପୂର୍ଣ୍ଣ ମ୍ୟାଚ୍‌
  • ||
  • ଗଣତନ୍ତ୍ରର ମହାପର୍ବ: ପ୍ରଥମ ପର୍ଯ୍ୟାୟରେ ୧୭ ରାଜ୍ୟ ଓ ୪ କେନ୍ଦ୍ରଶାସିତ ଅଞ୍ଚଳର ୧୦୨ ଆସନରେ ମତଦାନ
  • ||
  • ବିପଜ୍ଜନକ ଖରା: ଆଜି ଅତି ଭୀଷଣ ଗ୍ରୀଷ୍ମ ପ୍ରବାହ ସମ୍ଭାବନା, ଆହୁରି ୩ ଦିନ ଜଳାଇବ, ୨୨ରୁ ହାଲୁକା ଆଶ୍ୱସ୍ତ
  • ||

ଶ୍ରୀଲଙ୍କାର କଡ଼ା ନିର୍ଦ୍ଦେଶ; ଦୁଇ ସପ୍ତାହ ମଧ୍ୟରେ ଦେଶ ଛାଡ଼ନ୍ତୁ ଋଷ-ୟୁକ୍ରେନ ଶରଣାର୍ଥୀ

Image source:

କଲମ୍ବୋ,୨୫/୦୨: ଗତ ଦୁଇ ବର୍ଷ ଧରି ଋଷ ଏବଂ ୟୁକ୍ରେନ ମଧ୍ୟରେ ଯୁଦ୍ଧ ଚାଲିଛି। ପରିସ୍ଥିତି ଭୟଙ୍କର, କୁଢ଼କୁଢ଼ ଶବର ପାହାଡ଼ ଆଉ ନିମିଷକେ ବଳୀପଡ଼ିଯାଉଛି ଜୀବନ। ଯେଉଁଠାରେ ପୂର୍ବରୁ ଜନବସତି ଥିଲା, ଆଜି ସେଠାରେ ରକ୍ତ ମାଂସ ଖିନ୍‌ଭିନ୍‌ ହୋଇ ପଡ଼ିଛି। ଏହି ଯୁଦ୍ଧ ଅନେକଙ୍କୁ କରିିଛି ବାସହରା...ଆଉ ଅନେକେ ଦେଶାନ୍ତର ହୋଇଛନ୍ତି। ଏମାନଙ୍କ ମଧ୍ୟରୁ ଅନେକ ଶ୍ରୀଲଙ୍କାରେ ମଧ୍ୟ ଶରଣ ନେଇଥିଲେ। ତେବେ ବର୍ତ୍ତମାନ ଶ୍ରୀଲଙ୍କାରେ ରହୁଥିବା ଏହି ଶରଣାର୍ଥୀମାନଙ୍କ ପାଇଁ ଏକ ନୂଆ ସମସ୍ୟା ଉପୁଜିଛି।

ଯୁଦ୍ଧ ହେତୁ ଶ୍ରୀଲଙ୍କାରେ ରହୁଥିବା ହଜାର ହଜାର ଋଷ ଏବଂ ୟୁକ୍ରେନୀୟଙ୍କୁ ଦୁଇ ସପ୍ତାହ ମଧ୍ୟରେ ଶ୍ରୀଲଙ୍କା ଛାଡ଼ିବାକୁ କୁହାଯାଇଛି। ଅଧିକାରୀମାନେ କହିଛନ୍ତି ଯେ, ଇମିଗ୍ରେସନ କଣ୍ଟ୍ରୋଲର ପର୍ଯ୍ୟଟନ ମନ୍ତ୍ରଣାଳୟକୁ ଏକ ବିଜ୍ଞପ୍ତି ଜାରି କରିଛନ୍ତି ଯେ ଭିସା ସମାପ୍ତ ହୋଇଥିବାରୁ ଋଷ ଏବଂ ୟୁକ୍ରେନୀୟ ପର୍ଯ୍ୟଟକଙ୍କୁ ଦୁଇ ସପ୍ତାହ ମଧ୍ୟରେ ଦେଶ ଛାଡ଼ିବାକୁ ପଡ଼ିବ।

ଯାଞ୍ଚ ନିର୍ଦ୍ଦେଶ ଦେଲେ ରାଷ୍ଟ୍ରପତି ବିକ୍ରମାସିଙ୍ଘେ: 

ଏହି ଖବର ପରେ ସେଠାରେ ରହୁଥିବା ଶରଣାର୍ଥୀମାନଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଛି, ସେମାନେ ବର୍ତ୍ତମାନ କେଉଁଠାକୁ ଯିବେ ସେନେଇ ଚିନ୍ତାରେ ରହିଛି କାରଣ ହୋଇଛି। ତେବେ ରାଷ୍ଟ୍ରପତି ରାନିଲ ବିକ୍ରମାସିଙ୍ଘେଙ୍କ କାର୍ଯ୍ୟାଳୟ ଏକ ବିଜ୍ଞପ୍ତି ଜାରି କରି କହିଛି ଯେ 'ଭିସା ବଢ଼ାଇବା ନିଷ୍ପତ୍ତି ଉପରେ ପରାମର୍ଶ ନ ଦେଇ ଲୋକଙ୍କୁ କିପରି ନୋଟିସ ଜାରି କରାଯାଇଛି ସେ ସମ୍ପର୍କରେ ତଦନ୍ତ ନିର୍ଦ୍ଦେଶ ଦିଆଯାଇଛି। ରାଷ୍ଟ୍ରପତିଙ୍କ ମିଡିଆ ବିଭାଗ କହିଛି ଯେ ଏହି ପର୍ଯ୍ୟଟକମାନଙ୍କୁ ପୂର୍ବରୁ ଦିଆଯାଇଥିବା ଭିସା ସମ୍ପ୍ରସାରଣକୁ ବାତିଲ କରିବାକୁ ଶ୍ରୀଲଙ୍କା ସରକାର ଆନୁଷ୍ଠାନିକ ଭାବେ ନିଷ୍ପତ୍ତି ନେଇ ନାହାଁନ୍ତି। ବର୍ତ୍ତମାନ ଶ୍ରୀଲଙ୍କାରେ ବର୍ଦ୍ଧିତ ଭିସା ଉପରେ କେତେ ଲୋକ ନିର୍ଭରଶୀଳ, ସେ ସମ୍ବନ୍ଧରେ କୌଣସି ସରକାରୀ ତଥ୍ୟ ନାହିଁ, କିନ୍ତୁ ଏହା ନିଶ୍ଚିତ ଯେ ଦେଶରୁ ବାହାରିବା ନିର୍ଦ୍ଦେଶ ପରେ ଲୋକମାନଙ୍କ ମଧ୍ୟରେ ଏକ ଚିନ୍ତା ସୃଷ୍ଟି ହୋଇଛି। 

ଇମିଗ୍ରେସନ ଅଧିକାରୀଙ୍କୁ ମିଳିଛି ଅଭିଯୋଗ: 

ଦୁଇ ୟୁରୋପୀୟ ଦେଶ ମଧ୍ୟରେ ଯୁଦ୍ଧ ଆରମ୍ଭ ହେବା ପରେ ଋଷ ଏବଂ ୟୁକ୍ରେନ ଶରଣାର୍ଥୀଙ୍କୁ ଦେଶରେ ବିସ୍ତାରିତ ଭିସା ଦିଆଯାଇଥିଲା। ୨୦୨୨ରେ ଯୁଦ୍ଧ ଆରମ୍ଭ ହେବା ପରଠାରୁ ପ୍ରାୟ ୩ ଲକ୍ଷ ଏବଂ ୨୦ ହଜାର ୟୁକ୍ରେନୀୟ ଶ୍ରୀଲଙ୍କାରେ ପହଞ୍ଚିଛନ୍ତି। ଯଦିଓ ଏହା ଏକ ସରକାରୀ ଆକଳନ ନୁହେଁ, ଅଧିକାରୀମାନେ କହିଛନ୍ତି ଯେ ବିମାନ ଅଭାବ ହେତୁ ସେମାନଙ୍କୁ ଦୀର୍ଘ ସମୟ ରହିବାକୁ ଅନୁମତି ଦିଆଯାଇଥିଲା। ଇମିଗ୍ରେସନ ଅଧିକାରୀ କହିଛନ୍ତି ଯେ ଋଷ ଏବଂ ୟୁକ୍ରେନ ନାଗରିକମାନେ ବେଆଇନ ବ୍ୟବସାୟ ଚଳାଉଛନ୍ତି, ବିଦେଶୀମାନଙ୍କୁ ନିୟୋଜିତ କରୁଛନ୍ତି ଏବଂ ସ୍ଥାନୀୟ ବ୍ୟବସ୍ତାକୁ ଅତିକ୍ରମ କରି ସେବା ପାଇଁ ଦେୟ ପଦ୍ଧତି ନିୟୋଜିତ କରିଛନ୍ତି। ଭିସାର ଅପବ୍ୟବହାର କରାଯାଉଥିବା ଭଳି ଅଭିଯୋଗ ଗ୍ରହଣ କରିଥିଲେ ଇମିଗ୍ରେସନ୍‌ ଅଧିକାରୀ। 

You can also read: ଦ୍ୱାରକାରେ ସମୁଦ୍ର ତଳେ ପ୍ରଧାନମନ୍ତ୍ରୀ କଲେ ପୂଜା , ଭଗବାନ କୃଷ୍ଣଙ୍କୁ ମୋଦି ପ୍ରଦାନ କଲେ ତାଙ୍କର ପ୍ରିୟ ଜିନିଷ


 

 

 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.