ପୁରୀ ୦୫/୦୨: ଶ୍ରୀମନ୍ଦିର ଉତ୍ତର ଦ୍ୱାର ଗୁମୁଟର ଡାହାଣ ପାର୍ଶ୍ବର ବିରାଟ ଫାଟ ସୃଷ୍ଟି ହୋଇଛି । କିଛି ସ୍ଥାନରୁ ପଥର ଭାଙ୍ଗି ତଳେ ପଡ଼ିଛି । ଉତ୍ତରଦ୍ୱାର ବାହାର ପାର୍ଶ୍ବର ତାଟିରେ ସୃଷ୍ଟି ଏହି ଫାଟକୁ ନେଇ ବିଭିନ୍ନ ମହଲରେ ଉଦ୍ବେଗ ପ୍ରକାଶ ପାଇଛି । ଏହା ଜଣାପଡ଼ିବା ପରେ ଏଏସ୍ଆଇ ଯନ୍ତ୍ରୀମାନେ ସ୍ଥିତି ନିରୀକ୍ଷଣ କରିଛନ୍ତି ।
ଏଏସ୍ଆଇ ଯନ୍ତ୍ରୀଙ୍କ କହିବା ମୁତାବକ, ଦୀର୍ଘଦିନ ଧରି ଏହି ସ୍ଥାନ ୩ରୁ ୪ ଫୁଟ ପୋତି ହୋଇ ରହିଥିଲା । ମାଟି ହଟା ଯିବା ପରେ ଏହି ଫାଟ ନଜର ଆସିଛି । ଏହାକୁ ମରାମତି କରାଯିବ । ଠଣା ପଥର ଓ ତାଟି ପଥର ନଷ୍ଟ ହୋଇଥିଲେ ଏଠାରେ ନୂଆ ପଥର ଲଗାଯିବ । ଉତ୍ତର ଦ୍ୱାର ମରାମତି ଓ କେମିକାଲ ୱାର୍ସ ଚାଲିଛି । ତେଣୁ ଉକ୍ତ ଫାଟ ସୃଷ୍ଟି ସ୍ଥାନକୁ ମଧ୍ୟ ମରାମତି କରି କେମିକାଲ ୱାର୍ସ କରାଯିବ । ଏଠାରେ କୌଣସି ଗୁରୁତର ଫାଟ ସୃଷ୍ଟି ହୋଇଥିବା ନଜର ଆସୁନି।