ମିଦନାପୁର – ପଶ୍ଚିମବଙ୍ଗର ମିଦନପୁର ସହରରେ ଅଭିନେତାରୁ ବିଜେପି ନେତା ହୋଇଥିବା ମିଥୁନ ଚକ୍ରବର୍ତ୍ତୀଙ୍କର ରୋଡ୍ ଶୋ ବେଳେ କିଛି ଲୋକେ ପଥର ମାଡ଼ କରିଛନ୍ତି , ଯାହା ପରେ ସଂଘର୍ଷ ହୋଇଛି। ପୁଲିସ ମଙ୍ଗଳବାର ଏହି ସୂଚନା ଦେଇଛି। ମିଦନାପୁର ଲୋକସଭା ଆସନରେ ୨୫ ମେ’ରେ ମତଦାନ ହେବ। ଏଠାରୁ ବିଜେପି ପ୍ରାର୍ଥୀ ଅଗ୍ନିମିତ୍ରା ପଲ୍ ତୃଣମୂଳ କଂଗ୍ରେସ(ଟିଏମସି) କାର୍ଯ୍ୟକର୍ତ୍ତାଙ୍କ ଉପରେ ଅଭିଯୋଗ ଲଗେଇଛନ୍ତି କି, ସେ ଶୋଭାଯାତ୍ରା ବେଳେ କାଚ ବୋତଲ ଓ ପଥର ପିଙ୍ଗି ଥିଲେ।
ହେଲେ ରାଜ୍ୟର କ୍ଷମତାଧାରୀ ପାର୍ଟି ଅଭିଯୋଗକୁ ଖଣ୍ଡନ କରିଛନ୍ତି। ଏହି ଘଟଣାରେ ମିଥୁନ ଚକ୍ରବର୍ତ୍ତୀ ଓ ଅଗ୍ନିମିତ୍ରା ପଲ୍ଙ୍କୁ କୌଣସି ଆଘାତ ଆସି ନାହିଁ। ରୋଡ୍ ଶୋ ଆରମ୍ଭ ହେଲା ଓ କେରାନିଟୋଲା ଆଡ଼କୁ ବଢୁଥିଲା, ଯେଉଁଥିରେ ଶହ ଶହ ବିଜେପି ସମର୍ଥକ ନାରା ଲଗାଉ ଥିଲେ। ଏହି ସମୟରେ ମିଥୁନ ଚକ୍ରବର୍ତ୍ତୀ, ଅଗ୍ନିମିତ୍ରା ପଲ୍ଙ୍କ ସହ, ଏକ ଗାଡ଼ିରେ ଠିଆ ହୋଇ ଭିଡ଼ ଆଡ଼କୁ ହାତ ହଲାଉ ଥିଲେ।
ହେଲେ , ଯେମିତି ରୋଡ୍ ଶୋ ଶେଖପୁରା ମୋଡ଼ରେ ପହଞ୍ଚିଲା , ସେତେବେଳେ ସଡ଼କ ପାର୍ଶ୍ୱରେ ଠିଆ ହୋଇଥିବା କିଛି ଲୋକ ଶୋଭାଯାତ୍ରା ଉପରକୁ ପଥର ଓ ବୋତଲ ଫିଙ୍ଗି ଥିଲେ , ଏହାପରେ ବିଜେପି କାର୍ଯ୍ୟକର୍ତ୍ତା ମାନେ ତାଙ୍କ ଉପରକୁ ହମଲା କରି ଦେଲେ, ସଂଘର୍ଷ ଆରମ୍ଭ ହୋଇଗଲା । ଜଣେ ପୁଲିସ ଅଧିକାରୀ କହିଛନ୍ତି ସ୍ଥିତିକୁ ତୁରନ୍ତ ନିୟନ୍ତ୍ରଣ କରିନିଆ ଯାଇଛି।
ପଲ କହିଛନ୍ତି , ଟିଏମସି ବିଜେପି ପ୍ରତି ସମର୍ଥନ ବଢିବାରେ ଡ଼ରୁଛି ଏବଂ ଏହି ପ୍ରକାରର ଗୁଣ୍ଡାଗର୍ଦ୍ଦିର ସାହାରା ନେଉଛି। ସେ ମିଥୁନ ଚକ୍ରବର୍ତ୍ତୀଙ୍କ ଭଳି ମହାନ ଅଭିନେତାଙ୍କର ଅପମାନ କରିବାକୁ ଏତେ ତଳକୁ ଖସି ପାରନ୍ତି ।
