ଫିରିଙ୍ଗିଆ ,୨।୯ : କନ୍ଧମାଳ ଜିଲ୍ଲା ଫିରିଙ୍ଗିଆ ଠାରେ ଚାଲିଥିବା ଚତୁର୍ଥ   ସୁଜିତ ସ୍ମାରକୀ ରାଜ୍ୟସ୍ତରୀୟ ଫୁଟବଲ ପ୍ରତିଯୋଗିତା ଉଦଯାପିତ ହୋଇଯାଇଛି I ଦୁଇଦିନ ଧରି ଚାଲିଥିବା ଏହି ପ୍ରତିଯୋଗିତାରେ ରାଜ୍ୟର  ଆଠଟି ଫୁଟବଲ ଟିମ ଭାଗ ନେଇଥିଲେ I

କ୍ଳବର ସଭାପତି ଭବାନୀ ଶଙ୍କର ବେହେରା ଓ ବରିଷ୍ଠ ସଦସ୍ୟ ବିଭୁଦତ୍ତ ମୁଖିଙ୍କ ପ୍ରତ୍ୟକ୍ଷ ତତ୍ୱାବଧାନରେ ଅନୁଷ୍ଠିତ ହୋଇଥିବା ଏହି ପ୍ରତିଯୋଗିତାରେ ଉଦଯାପନୀ ଉତ୍ସବରେ ଫିରିଙ୍ଗିଆ ଗୋଷ୍ଠି ଉନ୍ନୟନ ଅଧିକାରୀ ଅନୁପ ଅଭିଷେକ ବେହେରା ମୁଖ୍ୟଅତିଥି ଭାବେ ଯୋଗ ଦେଇଥିଲେ। ତହସିଲଦାର ଅନାମିକା ପାଣ୍ଡେ, ଜିଲ୍ଲା କ୍ରୀଡା ଅଧିକାରୀ ସମୀର କୁମାର ନାଏକ, ଅତିରିକ୍ତ ତହସିଲଦାର ଅଭିନାଶ ମିଶ୍ର, ଫିରିଙ୍ଗିଆ ଷ୍ଟେଟ ବ୍ୟାଙ୍କ ଓ ୟୁକୋ ବ୍ୟାଙ୍କ ମ୍ୟାନେଜର, ବରିଷ୍ଠ କ୍ରୀଡ଼ାବିତ ତଥା କ୍ରୀଡା ସଂଗଠକ ଶୁକଦେବ ମୁଖି, କ୍ରୀଡା ସଂଗଠକ ପ୍ରଦୀପ କୁମାର ପ୍ରଧାନ, ଏପିଓ ସୁମନ୍ତ କୁମାର ଉଠାଣ ସିଂ,ବରିଷ୍ଠ ଶିକ୍ଷକ ଉମେଶ କୁମାର ବେହେରା, କ୍ରୀଡାବିତ ସରୋଜ ମୁନି ପ୍ରମୁଖ ସମ୍ମାନିତ ଅତିଥି ଭାବରେ ଯୋଗ ଦେଇଥିଲେ I 

ଫିରିଙ୍ଗିଆ ସୁଜିତ ଫୁଟବଲ କ୍ଳବ ଓ ସୁରଜ ଫୁଟବଲ କ୍ଲବ ଫୁଲବାଣୀ ମଧ୍ୟରେ ଫାଇନାଲ ମ୍ୟାଚ ଅନୁଷ୍ଠିତ ହୋଇଥିଲା I ସୁଜିତ ଏଫସିକୁ  ଦୁଇ ଏକ ଗୋଲରେ ହରାଇ  ସୁରଜ ଏଫସି ଫୁଲବାଣୀ ବିଜୟଲାଭ କରିଥିଲେ I ରେଫରୀ ସୁଜିତ ରାଜହଂସ ଙ୍କ ସହ ବିଶ୍ଵରଞ୍ଜନ କହଁର, ପ୍ରଫୁଲ୍ଲ କହଁର, ସୁଶାନ୍ତ ଜୁଣ୍ଡି, ଜଗନ୍ନାଥ କହଁର ପ୍ରମୁଖ ଖେଳ ପରିଚାଳନା କରିଥିଲେ I ସୁଜିତ ଫୁଟବଲ କ୍ଳବର ସଭାପତି ଓ ସମ୍ପାଦକଙ୍କ ସହ ରାଜେଶ କୁମାର ଦିଗାଳ, ରଂଜିତ ଦିଗାଲ, ଚନ୍ଦନ ଦିଗାଲ, ଶ୍ରୀତମ କୁମାର ପଣ୍ଡା, ଅନନ୍ତ କହଁରଙ୍କ ସହ ସମସ୍ତ ସଦସ୍ୟ ଉପସ୍ଥିତ ଥିଲେ I ଉଭୟ ବିଜେତା ଓ ଉପବିଜେତା ଦଳ ସହ ଉତ୍ତମ ଖେଳ ପ୍ରଦର୍ଶନ କରିଥିବା ଖେଳାଳି ମାନଙ୍କୁ ଉପସ୍ଥିତ ଅତିଥିମାନେ ଟ୍ରଫି ସହ ଆର୍ଥିକ ରାଶି ଦେଇ ପୁରସ୍କୃତ କରିଥିଲେ।