ଚେନ୍ନାଇ,୨୭/୦୫: ଦୀର୍ଘ ପ୍ରତୀକ୍ଷାର ଅନ୍ତ ଘଟାଇ ଶେଷରେ କୋଲକାତା ନାଇଟ  ରାଇଡର୍ସ (କେକେଆର) ଆଇପିଏଲ ଫାଇନାଲରେ ରବିବାର ୮ ୱିକେଟ୍‌ରେ ସନ୍‌ରାଇଜର୍ସ ହାଇଦ୍ରାବାଦକୁ ହରାଇ ଚାମ୍ପିଅନ ହୋଇଛି ।  ଏଥିସହ ସନ୍‌ରାଇଜର୍ସର ଟାଇଟଲ ସ୍ୱପ୍ନ ଧୂଳିସାତ ହୋଇଥିଲା ।

ଆଇପିଏଲ୍‌ ଫାଇନାଲ୍‌ରେ କୋଲକାତା  ନାଇଟ୍‌ ରାଇଡର୍ସଠୁ ଶୋଚନୀୟ ଭାବେ ପରାଜିତ ହେବା ପରେ ସନ୍‌ରାଇଜର୍ସ  ହାଇଦ୍ରାବାଦର ମାଲିକାଣୀ ତଥା ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ କାବ୍ୟା ମାରନ କୋହ ସମ୍ଭାଳି ନପାରି କାନ୍ଦି  ପକାଇଥିଲେ । ଟାଇଟଲ୍‌ ହାତଛଡ଼ା କରିବାର ଦୁଃଖକୁ ସହଜରେ ଗ୍ରହଣ କରିପାରି ନଥିଲେ । ଆଇପିଏଲ୍‌  ସିଜନରେ ସେ ପ୍ରତି ମ୍ୟାଚ୍‌ରେ  ଷ୍ଟାଡିୟମରେ ଉପସ୍ଥିତ ରହି ଦଳୀୟ ଖେଳାଳିଙ୍କୁ ଉତ୍ସାହିତ କରିଥିଲେ ।  ବିଜୟକୁ ନେଇ ଖୁସିରେ ଝୁମି ଉଠୁଥିଲେ  ତ କେତେବେଳେ ପରାଜୟରେ ଭାଙ୍ଗି  ପଡ଼ୁଥିଲେ । ସମ୍ପୂର୍ଣ୍ଣ ସିଜନରେ ତାଙ୍କର ଭାବନାତ୍ମକ ଅଙ୍ଗଭଙ୍ଗୀର  ଭିଡିଓ ସୋସିଆଲ୍‌ ମିଡିଆରେ ବେଶ ଭାଇରାଲ୍‌ ହୋଇଥିଲ।