ନୂଆଦିଲ୍ଲୀ,୩୧।୧: ଆମ୍ ଆଦମୀ ପାର୍ଟି (ଆପ୍) ନେତା ତଥା ଦିଲ୍ଲୀ ମହିଳା କମିଶନର ପୂର୍ବତନ ଅଧ୍ୟକ୍ଷା ସ୍ୱାତି ମାଲିୱାଲ ବୁଧବାର ରାଜ୍ୟସଭା ସାଂସଦ ଭାବରେ ଶପଥ ଗ୍ରହଣ କରିଛନ୍ତି, କିନ୍ତୁ ତାଙ୍କୁ ଦୁଇଥର ଶପଥ ଗ୍ରହଣ କରିବାକୁ ପଡିଥିଲା।
मैं स्वाति मालीवाल… pic.twitter.com/NXVpRuaPIz
— Swati Maliwal (@SwatiJaiHind) January 31, 2024
ନ୍ୟୁଜ୍ ଏଜେନ୍ସି ପିଟିଆଇର ସୂଚନା ଅନୁଯାୟୀ, ସ୍ୱାତି ମାଲିୱାଲଙ୍କୁ ଦୁଇଥର ଶପଥ ନେବାକୁ ପଡିଥିଲା କାରଣ ଚେୟାରମ୍ୟାନ୍ ତଥା ଉପରାଷ୍ଟ୍ରପତି ଜଗଦୀପ ଧନଖର ପ୍ରଥମ ଥର ଶପଥ ଗ୍ରହଣକୁ ବିଚାରକୁ ନେଇନଥିଲେ। ପୁନର୍ବାର ତାଙ୍କ ନାଁ ଡାକିଥିଲେ। ସେ କିଛି ଶବ୍ଦ ବ୍ୟବହାର କରିଥିଲେ ଯାହା ଶପଥର ଅଂଶ ନୁହେଁ। ଉଲ୍ଲେଖନୀୟ ଯେ, ବୁଧବାର ସ୍ୱାତି ମାଲିୱାଲଙ୍କ ସହ ୩ ନୂଆ ସାଂସଦ ଶପଥ ଗ୍ରହଣ କରିଥିଲେ। ସେମାନେ ହେଲେ ସତନାମ ସିଂହ ସନ୍ଧୁ ଓ ନାରାୟଣ ଦାସ ଗୁପ୍ତା। ଶପଥ ଗ୍ରହଣ ପରେ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖର ନୂତନ ସଦସ୍ୟମାନଙ୍କୁ ସ୍ୱାଗତ କରିଥିଲେ।
ସତନାମ ସିଂହ ସାନ୍ଧୁ ମନୋନୀତ ସଦସ୍ୟ ହୋଇଥିବାବେଳେ ନାରାୟଣ ଦାସ ଗୁପ୍ତା ଏବଂ ସ୍ବାତୀ ମାଲିୱାଲ ଦିଲ୍ଲୀରୁ ନିର୍ବିରୋଧ ନିର୍ବାଚିତ ହୋଇଥିଲେ। ଗୁପ୍ତାଙ୍କୁ ଆମ୍ ଆଦମୀ ପାର୍ଟି ପକ୍ଷରୁ ରାଜ୍ୟସଭା ସଦସ୍ୟ ଭାବେ ମନୋନୀତ ହୋଇଥିବାବେଳେ ସୁଶୀଲ ଗୁପ୍ତାଙ୍କ ସ୍ଥାନରେ ମାଲିୱାଲଙ୍କୁ ଦଳ ମନୋନୀତ କରାଯାଇଛି। ଚଣ୍ଡିଗଡ଼ ବିଶ୍ୱବିଦ୍ୟାଳୟର ପ୍ରତିଷ୍ଠାତା-କୁଳପତି ସାନ୍ଧୁଙ୍କୁ ରାଷ୍ଟ୍ରପତି ଦ୍ରୌପଦୀ ମୁର୍ମୁ ରାଜ୍ୟସଭାକୁ ମନୋନୀତ କରିଥିଲେ।
