ନୂଆଦିଲ୍ଲୀ,୨୦/୦୫: ରବିବାର ଆଇପିଏଲର ଲିଗ୍ ପର୍ଯ୍ୟାୟ ଶେଷ ହୋଇ ଯାଇଛି । ୨୧ ତାରିଖରୁ ପ୍ଲେ-ଅଫ୍ ରାଉଣ୍ଡ ଆରମ୍ଭ ହୋଇ ୨୪ରେ ଶେଷ ହେବ ଏବଂ ୨୬ରେ ଫାଇନାଲ ରହିଛି । ତେଣୁ ଟି-ଟ୍ୱେଣ୍ଟି ବିଶ୍ୱକପ୍ ପାଇଁ ପ୍ରଥମ ପର୍ଯ୍ୟାୟରେ ଭାରତୀୟ ଦଳର ଅଧିକାଂଶ ଖେଳାଳି ୨୫ ତାରିଖରେ ନ୍ୟୁୟର୍କ ଯାତ୍ରା କରିବାର କାର୍ଯ୍ୟକ୍ରମ ରହିଛି ବୋଲି ବିସିସିଆଇର ଜଣେ ଅଧିକାରୀ ଜାତୀୟ ଗଣମାଧ୍ୟମକୁ ସୂଚନା ଦେଇଛନ୍ତି ।
ଅଧିକାରୀ ଜଣଙ୍କ କହିଛନ୍ତି, ‘ରୋହିତ ଶର୍ମା, ହାର୍ଦ୍ଦିକ ପାଣ୍ଡ୍ୟା, ସୂର୍ଯ୍ୟକୁମାର ଯାଦବ, ହାର୍ଦ୍ଦିକ ପାଣ୍ଡ୍ୟା, ରିଷଭ ପନ୍ତ, ଅକ୍ଷର ପଟେଲ ଓ ଅର୍ଶଦୀପ ସିଂ ପ୍ରମୁଖ ଖେଳାଳି ଆସନ୍ତା ୨୫ ତାରିଖରେ ନ୍ୟୁୟର୍କ ଯିବେ । କିନ୍ତୁ ପୂର୍ବରୁ ୨୧ ତାରିଖ ଧାର୍ଯ୍ୟ କରାଯାଇଥିଲା । କିନ୍ତୁ ବାଂଲାଦେଶ ବିପକ୍ଷରେ ୱାର୍ମଅପ୍ ମ୍ୟାଚ୍ ଜୁନ ୧ ତାରିଖରେ ରହିଥିବାରୁ ଯାତ୍ରା ସୂଚୀରେ ପରିବର୍ତ୍ତନ କରାଯାଇଥିଲା । ଅବଶିଷ୍ଟ ଖେଳାଳି ଆଇପିଏଲ ଫାଇନାଲ ପରେ ଯିବାର କାର୍ଯ୍ୟକ୍ରମ ଅଛି ।