ନୂଆଦିଲ୍ଲୀ,୧୪।୫: ଟି-୨୦ ବିଶ୍ବକପ୍ର ଦ୍ବିତୀୟ ସେମିଫାଇନାଲ ପାଇଁ ରିଜର୍ଭ ଡେ’ ନହେବାର ମାମଲା ଏବେ ବିବାଦୀୟ ହୋଇପଡିଛି। ଏହାପରେ ଏବେ ତା’ର ବାଟ ଖୋଜାଯାଉଛି। ଆଇସିସି ଓ କ୍ରିକେଟ ଓ୍ବେଷ୍ଟଇଣ୍ଡିଜ୍ ଏଥିପାଇଁ ସ୍ବତନ୍ତ୍ର ବନ୍ଦୋବସ୍ତ କରିଛି। ଏହା ଅନୁସାରେ, ଟି-୨୦ ବିଶ୍ବକପ୍ର ଦ୍ବିତୀୟ ସେମିଫାଇନାଲ ଯଦି ବର୍ଷା ଯୋଗୁଁ ପ୍ରଭାବିତ ହୁଏ, ତେବେ ଏହାକୁ ପୁରା କରିବା ପାଇଁ ୪ ଘଣ୍ଟା ୧୦ ମିନିଟ୍ର ଅତିରିକ୍ତ ସମୟ ଲାଗିବ। ଏହାଛଡା ଯଦି ବର୍ଷା ଯୋଗୁଁ ପୁରା ମ୍ୟାଚ୍ ଖରାପ ହୋଇଯାଏ ତେବେ ସୁପର ଏଇଟ୍ରେ ଟପ୍ରେ ଥିବା ଟିମ୍ ପ୍ଲେଇଂ କଣ୍ଡିସନ୍ ଅନୁସାରେ, ଫାଇନାଲରେ ଖେଳିବାର ହକଦାର ହେବ। ଉଲ୍ଲେଖନୀୟ ଯେ, ଦ୍ବିତୀୟ ସେମିଫାଇନାଲ ପାଇଁ କୌଣସି ରିଜର୍ଭ ଡେ’ ରଖାଯାଇ ନାହିଁ। ଏଭଳି ସ୍ଥିତିରେ ଆଇସିସି ଓ କ୍ରିକେଟ ଓ୍ବେଷ୍ଟ ଇଣ୍ଡିଜ୍ ଏହି ବନ୍ଦୋବସ୍ତ କରିଛି।
ଟି-୨୦ ଓ୍ବାର୍ଲ୍ଡକପ୍ ୨୦୨୪ର ଦ୍ବିତୀୟ ସେମିଫାଇନାଲ ପାଇଁ ୨୫୦ ମିନିଟର ଅତିରିକ୍ତ ସମୟ ମିଳିବା ଫଳରେ ଅମ୍ପାୟରଙ୍କ ପାଖରେ ଏହି ସୁବିଧା ମିଳିବ ଯେ,ସେ ଦିନ ମ୍ୟାଚ୍ ଶେଷ ହୋଇପାରିବ। ଏହାଫଳରେ ଜିତିଥିବା ଟିମ୍କୁ ଫାଇନାଲ ପୂର୍ବରୁ ଦିନକ ପୂର୍ବରୁ ସମୟ ମିଳିଯିବ ଓ ତାକୁ ଲଗାତାର ଦ୍ବତୀୟ ଦିନ ମ୍ୟାଚ୍ ଖେଳାଯିବନି। ବିଶ୍ବକପ୍ର ପ୍ରଥମ ସେମିଫାଇନାଲ ୨୬ ଜୁନ୍ରେ ଟ୍ରିନିଦାଦ୍ରେ ଖେଳାଯିବ। ଏହା ସ୍ଥାନୀୟ ସମୟାନୁସାରେ ରାତି ୮ଟା ୩୦ ମିନିଟ୍ରେ ଆରମ୍ଭ ହେବ। ଏଥିପାଇଁ ରିଜର୍ଭ ଡେ’ ରଖାଯାଇଛି। ଅର୍ଥାତ ବର୍ଷା ହେବାପରେ ମ୍ୟାଚ୍ ୨୭ ଜୁନ୍ରେ ଶେଷ ହୋଇଯିବ।
ସେଭଳି ଗୁଏନାରେ ଖେଳଯାଉଥିବା ଦ୍ବିତୀୟ ସେମିଫାଇନାଲ ପାଇଁ ପ୍ଲେଇଂ କଣ୍ଡିଂସନ୍ ପୁରା ଅଲଗା। ଏହି ମ୍ୟାଚ୍ ୨୭ ଜୁନ୍ରେ ସ୍ଥାନୀୟ ସମୟ ସକାଳ ୧୦ଟା ୩୦ ମିନିଟରେ ହେବ। ଯଦି ବର୍ଷା ହୁଏ ତେବେ ଏଥିପାଇଁ ୨୫୦ ମିନିଟ୍ର ଅତିରିକ୍ତ ସମୟ ଦିଆଯାଇଛି। ଅର୍ଥାତ ଅମ୍ପାୟରଙ୍କ ପାଖରେ ୮ ଘଣ୍ଟାର ସମୟ ରହିବ ସେ ମ୍ୟାଚ୍କୁ ଶେଷ କରିବେ। ଏହାପରେ ୨୮ ଜୁନ୍ ଟ୍ରାଭେଲିଂ ପାଇଁ ରହିବ ଓ ଫାଇନାଲ ୨୯ ଜୁନ୍ରେ ଖେଳାଯିବ।