ପ୍ରମୂଖ ଖବର
  • T-20 ବିଶ୍ୱକପ୍ ସୁପର ୮ ରାଉଣ୍ଡ, ୨୧ ରନ୍‌ରେ କଙ୍ଗାରୁ ବାହିନୀ ଚିତ୍ ପଟାଙ୍ଗ, ଆଫଗାନିସ୍ତାନ ପ୍ରଥମ ବିଜୟ
  • ||
  • ଯୌନ ନିର୍ଯାତନା ମାମଲା, ପ୍ରଜ୍ବଳଙ୍କ ଭାଇ ସୂରଜ ରେଭାନ୍ନାକୁ ବାନ୍ଧିଲା ପୋଲିସ
  • ||
  • ମାଲକାନଗିରି ସହରର ଡିଏନ୍‌କେ ଛକରେ ମର୍ମନ୍ତୁଦ ସଡ଼କ ଦୁର୍ଘଟଣା, ଜଣେ ମହିଳା ମୃତ
  • ||
  • ସାଲେପୁର: ବାଇକ୍‌ ସହ ପୋଲରୁ ଖସି ପଡ଼ିଲେ ୨ ଆରେହୀ, ଜଣେ ମୃତ ,ଜଣେ ଗୁରୁତର
  • ||
  • ରବିବାରଠୁ ୨ ଦିନିଆ କେନ୍ଦୁଝର ଗସ୍ତରେ ଯିବେ ମୁଖ୍ୟମନ୍ତ୍ରୀ, ମା’ ତାରିଣୀଙ୍କୁ ଦର୍ଶନ ପରେ ଜନସମାବେଶରେ ହେବେ ସାମିଲ
  • ||
  • ଶ୍ରୀମନ୍ଦିରରେ ପଟିଦିଅଁ ବିଜେ, ଜ୍ୱରରୁ ମୁକ୍ତି ପାଇଁ ମହାପ୍ରଭୁଙ୍କ ଗୁପ୍ତ ଅନବସର ସେବା ଆରମ୍ଭ
  • ||
  • ଆସନ୍ତା ଦୁଇ ଦିନ ବିକ୍ଷିପ୍ତ ସ୍ଥାନରେ ବର୍ଷା ସମ୍ଭାବନା, ୨୫ରୁ ରାଜ୍ୟରେ ପ୍ରବଳ ଛେଚିବ
  • ||

ଦିଲ୍ଲୀର ଏକାଧିକ ସ୍ଥାନରେ ତାପମାତ୍ରା ୫୦ ନିକଟତର, ପାକ୍‌ର ମହେଞ୍ଜୋଦାରୋରେ ପାରଦ ୫୨ ପାର୍‌

ନୂଆଦିଲ୍ଲୀ/ଇସ୍‌ଲାମାବାଦ, ୨୯/୦୫ : ଭାରତର ଅଧିକାଂଶ ରାଜ୍ୟରେ ଗ୍ରୀଷ୍ମ ପ୍ରକୋପରେ ଲୋକମାନେ ଛଟପଟ ହେଉଥିବା ବେଳେ ପୂର୍ବୋତ୍ତର ରାଜ୍ୟରେ ବାତ୍ୟା ରେମାଲ ପ୍ରଭାବରେ ବର୍ଷା ବିତ୍ପାତ ଜନଜୀବନକୁ ଅସ୍ତବ୍ୟସ୍ତ କରିଦେଇଛି । ଗ୍ରୀଷ୍ମ ପ୍ରବାହରେ ରାଜସ୍ଥାନରେ ଏପର୍ଯ୍ୟନ୍ତ ୪୮ ଜଣଙ୍କ ଜୀବନ ଯାଇଛି ଏବଂ ବର୍ଷା ବିତ୍ପାତ ଯୋଗୁ ମିଜୋରାମରେ ୨୭ ଜଣ ପ୍ରାଣ ହରାଇଛନ୍ତି ଏବଂ ଆହୁରି ଅନେକ ନିଖୋଜ ଅଛନ୍ତି । ରାଜସ୍ଥାନର ଚୁରୁ ମଙ୍ଗଳବାର ଲଗାତର ଦେଶର ସବୁଠୁ ଗରମ ସହର ହୋଇଛି । ଏଠାରେ ତାପମାତ୍ରା ୫୦.୫ ଡିଗ୍ରୀ ସେଲ୍‌ସିୟସ ରେକର୍ଡ କରାଯାଇଛି । ରବିବାର ଫଲୋଦିରେ ତାପମାତ୍ରା ୫୦ ଡିଗ୍ରୀରେ ପହଞ୍ଚିଥିଲା । 

ମେ ୩୦ ପରେ ଗରମରୁ ଆଶ୍ୱସ୍ତି ମିଳିପାରେ ବୋଲି ପାଣିପାଗ ବିଭାଗ ପୂର୍ବାନୁମାନ କରିଛି । ଦିଲ୍ଲୀର ଏକାଧିକ ଅଞ୍ଚଳରେ ତାପମାତ୍ରା ୫୦ ଡିଗ୍ରୀ ନିକଟତର ହୋଇଛି । ମୁଙ୍ଗେସପୁର ଏବଂ ନରେଲାରେ ତାପମାତ୍ରା ୪୯.୯ ଡିଗ୍ରୀ ରେକର୍ଡ କରାଯାଇଛି । ସଫଦରଜଙ୍ଗରେ ତାପମାତ୍ରା ୪୮.୫ ଡିଗ୍ରୀ ରହିଥିଲା । ସୋମବାର ପଞ୍ଜାବରେ ୪୬ ବର୍ଷର ରେକର୍ଡ ଭାଙ୍ଗିଥିଲା । ପଞ୍ଜାବର ବଠିଣ୍ଡାରେ ସର୍ବାଧିକ ତାପମାତ୍ରା ୪୮.୪ ଡିଗ୍ରୀ ସେଲ୍‌ସିୟସ ରେକର୍ଡ କରାଯାଇଥିଲା । ଏହା ପୂର୍ବରୁ ୧୯୭୮ରେ ରାଜ୍ୟର ଅମୃତସରରେ ତାପମାତ୍ରା ୪୭.୭ ଡିଗ୍ରୀ ରେକର୍ଡ କରାଯାଇଥିଲା । ଝାନ୍ସିରେ ୧୩୨ ବର୍ଷ ପରେ ସୋମବାର ତାପମାତ୍ରା ୪୮.୧ ଡିଗ୍ରୀ ସେଲ୍‌ସିୟସ ରହିଥିଲା । ୧୮୯୨ରେ ଏଠାରେ ତାପମାତ୍ରା ୪୮.୧ ଡିଗ୍ରୀ ରେକର୍ଡ କରାଯାଇଥିଲା । ସେହିପରି ଆଗ୍ରାରେ ପାରଦ ୪୭.୮ ଡିଗ୍ରୀ ରହିଥିଲା । ୨୬ ବର୍ଷ ପୂର୍ବେ ଆଗ୍ରାରେ ସର୍ବାଧିକ ତାପମାତ୍ରା ୪୮.୬ରେ ପହଞ୍ଚିଥିଲା । ଉତ୍ତରପ୍ରଦେଶରେ ପ୍ରବଳ ଗ୍ରୀଷ୍ମପ୍ରବାହ ଯୋଗୁ ସୋମବାର ୧୦ ଜଣଙ୍କ ମୃତ୍ୟୁ ଘଟିଥିଲା । ରାଜସ୍ଥାନରେ ଗତ ସପ୍ତାହରୁ ୪୮ ଜଣଙ୍କ ଜୀବନ ଯାଇଥିବା ଜଣାପଡ଼ିଛି । 

ପାକିସ୍ତାନରେ ମଧ୍ୟ ଭୀଷଣ ଗ୍ରୀଷ୍ମପ୍ରବାହ ଯୋଗୁ ସ୍ଥିତି ବେକାବୁ ହୋଇଛି । ସିନ୍ଧ ପ୍ରଦେଶର ମହେଞ୍ଜୋଦାରୋରେ ସୋମବାର ତାପମାତ୍ରା ୫୨ ଡିଗ୍ରୀ ସେଲ୍‌ସିୟସ ଟପିଥିଲା । ଫଳରେ ଏହା ପାକିସ୍ତାନର ଚଳିତବର୍ଷର ସବୁଠୁ ଗରମ ଦିନର ରେକର୍ଡ କରିଛି । ଗ୍ରୀଷ୍ମ ପ୍ରବାହ ଭିତରେ ଏଠାରେ ବିଦ୍ୟୁତ୍‌କାଟ ସ୍ଥିତିକୁ ଆହୁରି ଦୟନୀୟ କରିଛି । ପ୍ରବଳ ଗରମ ଯୋଗୁ ଏଠାରେ ଥିବା ଦୋକାନ ବଜାର ବି ବନ୍ଦ କରାଯାଇଛି । ଲୋକେ ବି ଘରୁ ବାହାରି ଦୋକାନକୁ ଯାଇପାରୁନାହାନ୍ତି । ଆହୁରି କିଛି ଦିନ ପାକିସ୍ତାନରେ ଏଭଳି ଗ୍ରୀଷ୍ମପ୍ରବାହ ଜାରି ରହିବ ବୋଲି ଏଠାକାର ପାଣିପାଗ ବିଭାଗ ପୂର୍ବାନୁମାନ କରିଛି । ମହେଞ୍ଜୋଦାରୋରେ ସାଧାରଣତଃ ଅଧିକ ଗରମ, ହାଲୁକା ଥଣ୍ଡା ଏବଂ କମ୍‌ ବର୍ଷା ହୋଇଥାଏ । ସୋମବାରର ତାପମାତ୍ରା ପାକିସ୍ତାନ ଇତିହାସରେ ସବୁଠୁ ଉତ୍ତପ୍ତ ତୃତୀୟ ଦିନ ଭାବେ ରେକର୍ଡ କରିଛି । ଏହା ପୂର୍ବରୁ ୨୦୧୭ରେ ପାକିସ୍ତାନରେ ପାରଦ ୫୪ ଡିଗ୍ରୀ ସେଲ୍‌ସିୟସରେ ପହଞ୍ଚିଥିଲା । ଲଗାତର ତୃତୀୟ ବର୍ଷ ପାଇଁ ଏସିଆରେ ଘାତକ ଗ୍ରୀଷ୍ମପ୍ରବାହ ଜାରି ରହିଛି । ଏଲ୍‌ ନିନୋ ଯୋଗୁ ଏପରି ହୋଇଥିବା କୁହାଯାଉଛି ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.