ମାଲକାନଗିରି,୩/୬ : ମାଲକାନଗିରି ଥାନା ପକ୍ଷରୁ ଶନିବାର ଗିରଫ ହୋଇ ଥିବା ନକଲି ଆଇଏଏସ ଅଫିସର ମନୋଜ ସୁତାରଙ୍କ ବିରୋଧରେ ଅଭିଯୋଗର ଫର୍ଦ୍ଦ ଦିନକୁ ଦିନ ବଢ଼ି ଚାଲିଛି । ତାଙ୍କ ଠକାମୀ ବିରୋଧରେ ମାଲକାନଗିରି, କୋରକୁଣ୍ଡା, କାଲିମେଳା ଥାନା ସହିତ ଅନ୍ୟାନ ଥାନାରେ ଇତିମଧ୍ୟରେ ୩୦ ରୁ ଊର୍ଦ୍ଧ୍ବ ମାମଲା ରୁଜୁ ହୋଇ ସାରିଲାଣି। ବିଶେଷ କରି ଗତ ଶନିବାର ଓ ରବିବାର ମାଲକାନଗିରି ଥାନରେ ନକଲି ଆଇଏଏସ ଭୋଇଙ୍କ ବିରୋଧରେ ୭ଟି ଏତଲା ଦାୟର ହୋଇଛି।
ସେଥିମଧ୍ୟରୁ ମାଲକାନଗିରି ଏମପିଭି ୪ଗ୍ରାମର କୁମାରେସଙ୍କୁ ଜିପିଓ ଚାକିରୀରେ ନିଯୁକ୍ତି କରିଦେବା ପାଇଁ ୧୧ଲକ୍ଷ ଟଙ୍କା, ଏମଭି୧୨ ଗ୍ରାମର ଅନୁପ କୁମାର ମଣ୍ଡଳଙ୍କୁ ସିଜିଏଲ ଚାକିରୀ କରାଇ ଦେଵା ପାଇଁ ୧୧ଲକ୍ଷ ଟଙ୍କା, ଏମଭି ୬୮ଗ୍ରାମର ସାଗର ଦୀପ ମଣ୍ଡଳ ଙ୍କୁ ଷ୍ଟାଫନର୍ସ ଚାକିରୀ ଦେଵା ପାଇଁ ୫ଲକ୍ଷ ଟଙ୍କା,ଏମଭି ୨୨ଗ୍ରାମର ଲିପିକା ବିଶ୍ୱାସ ଙ୍କୁ ଷ୍ଟାଫ ନର୍ସ ଚାକିରୀ ଦେଵା ପାଇଁ ୩ଲକ୍ଷ ୫୦ହଜାର ଟଙ୍କା, ମାଲକାନଗିରି ଜେଲ ସାହି ର ଅଭିଜିତ ଗୌରବ କ୍ଷେତ୍ରୀୟ ଙ୍କୁ ଷ୍ଟାଫ ନର୍ସ ଚାକିରୀ ଦେଵା ପାଇଁ ୫ଲକ୍ଷ ଟଙ୍କା, ଭାଟିଶାଳ ଗୁଡା ଗ୍ରାମର ସମିରିନ ପାତ୍ରଙ୍କୁ ପିଇଓ ଚାକିରୀ ଦେଵା ପାଇଁ ୧୧ଲକ୍ଷ ଟଙ୍କା, ବେଜାଙ୍ଗ ୱାର୍ଡ ଗ୍ରାମର ସୁଭଦ୍ରା ବାଇନ ଙ୍କୁ ଷ୍ଟାଫନର୍ସ ଚାକିରୀ ଦେଵା ପାଇଁ କହି ୪ଲକ୍ଷ ଟଙ୍କା ନେଇ ଥିଲେ। ବର୍ଷ ବର୍ଷ ବିତିଗଲା ପରେ ମଧ୍ୟ ସେମାନଙ୍କୁ ଚାକିରୀ ନ ମିଳିବାରୁ ଟଙ୍କା ଫେରସ୍ତ ନକରିବାରୁ ପିଲା ମାନେ ଥାନା ରେ ଅଭିଯୋଗ କରିଛନ୍ତି। ନକଲି ଆଇ ଏଏସ ଙ୍କ ବିରୋଧ ରେ ଦିନ କୁ ଦିନ ଅଭିଯୋଗ ଫର୍ଦ ବଢ଼ି ଚାଲିଥିବାରୁ ତାଙ୍କୁ ଖୁବ ଶୀଘ୍ର ଅଦାଲରୁ ରିମାଣ୍ଡ ରେ ଅଣାଯାଇ ପଚରା ଉଚରା କରାଯିବ ବୋଲି ମାଲକାନଗିରି ଆଦର୍ଶ ଥାନା ଆଇ ଆଇ ସି ରିଗନ କିଣ୍ଡୋ ସୂଚନା ଦେଇଛନ୍ତି।
ସୂଚନାଯୋଗ୍ୟ ଯେ, ନିଜକୁ ଜଣେ ଆଇଏଏସ ଅଫିସର ପରିଚୟ ଦେଇ ମାଲକାନଗିରି ଜିଲ୍ଲାର ଶିକ୍ଷିତ ଯୁବକ ଓ ଯୁବତୀମାନଙ୍କ ଠାରୁ ୨କୋଟି ରୁ ଉର୍ଦ୍ଧ ଟଙ୍କା ଠକି ନେଇଥିବା ଭଦ୍ରକ ଜିଲ୍ଲାର ମନୋଜ ସୁତାରଙ୍କୁ ମାଲକାନଗିରି ଥାନା ପୁଲିସ ଗିରଫ କରି ଶନିବାର କୋର୍ଟ ଚାଲାଣ କରି ଥିଲେ।