ବାଙ୍କୀ, ୧୨/୦୪ : କଟକ ଜିଲ୍ଲା ବାଙ୍କୀ ଥାନା ଅନ୍ତର୍ଗତ ହରିରାଜପୁର ଗ୍ରାମ ପଞ୍ଚାୟତର ନୂଆସାହି ତ୍ରିନାଥ ମଣ୍ଡପ କୋଠାଘରୁ ଯୁବକଙ୍କ ରକ୍ତାକ୍ତ ମୃତଦେହ ଉଦ୍ଧାର। ମୃତ ଯୁବକ ଜଣଙ୍କ ହେଉଛନ୍ତି ଶୀତଲ ସାହୁ। ପୂଜା କରିବାକୁ ସ୍ଥାନୀୟ ଲୋକେ ମନ୍ଦିର କବାଟ ଖୋଲିବାରୁ ଯୁବକଙ୍କ ମୃତଦେହ ଉଦ୍ଧାର ହୋଇଥିଲା। ଘଟଣାସ୍ଥଳରେ ବାଙ୍କି ପୋଲିସ ପହଞ୍ଚି ମୃତଦେହ ଉଦ୍ଧାର କରି ତଦନ୍ତ ଆରମ୍ଭ କରିଛି।
ସୂଚନାନୁଯାୟୀ, ଘରର କବାଟରେ ରକ୍ତ ଛିଟା ଲାଗିଥିବା ବେଳେ ଭିତର ପଟୁ କବାଟ ବନ୍ଦ ରହିଥିଲା। କୋଠ ଘର ଠାରୁ ଶହେ ମିଟର ଦୂରରେ ଯୁବକଙ୍କ ଚପଲ, ମୋବାଇଲ ଓ ଖଣ୍ଡା ପଡ଼ିଛି। ନିକଟରେ ପଡିଥିବା ପଥର ଓ ଇଟାରେ ରକ୍ତ ଛିଟା ଲାଗିଛି। ତେଣୁ କେହି ଖଣ୍ଡାରେ ଆକ୍ରମଣ କରି ପଥରରେ ଛେଚି ହତ୍ୟା କରି ଥାଇପାରେ ବୋଲି ସନ୍ଦେହ କରାଯାଉଛି। ଘଟଣା ସ୍ଥଳରେ ବାଙ୍କୀ ଏସଡିପିଓ ଓ ଥାନା ଆଇଆଇସି ପହଞ୍ଚିଛନ୍ତି। ସେପଟେ ଏନେଇ ବାଙ୍କୀ ଏସଡିପିଓଙ୍କୁ ପଚାରିବାରୁ ସେ କହିଛନ୍ତି ଯେ, ତଦନ୍ତ ଚାଲିଛି। ଘଟଣା ସ୍ଥଳରେ ସାଇଣ୍ଟିଫିକ୍ ଟିମ୍ ପହଞ୍ଚିଛି। ତଦନ୍ତ ପରେ ପ୍ରକୃତ ସତ ଜଣା ପଡିବ।