ଭୁବନେଶ୍ୱର, ୭।୬: ହଂସପାଳ ମୁଖ୍ୟ କେନାଲରୁ ଯୁବକଙ୍କ ମୃତ ଦେହ ଉଦ୍ଧାର । ଯୁବକ ଜଣକ ୨୪ ବର୍ଷୀୟ ସୌମ୍ୟ ରଞ୍ଜନ ଦାସ ବୋଲି ଜଣାପଡ଼ିଛି । ମୃତ ଯୁବକ ଜଣକ ଜଗତସିଂହପୁର ଅଞ୍ଚଳର ବୋଲି ଜଣାପଡ଼ିଛି । ଗତକାଲି ଶୌଚ ପାଇଁ ଯାଇଥିବା ବେଳେ ସେ ହଂସପାଳ ମୁଖ୍ୟ କେନାଲରେ ଭାସି ଯାଇଥିଲେ । ଅଗ୍ନିଶମ ବାହିନୀ ଶୁକ୍ରବାର ତାଙ୍କ ମୃତଦେହ ଉଦ୍ଧାର କରିଛି । ମୃତଦେହକୁ ଶବ ବ୍ୟବଚ୍ଛେଦ ପାଇଁ ମଞ୍ଚେଶ୍ୱର ଥାନା ପୋଲିସ କ୍ୟାପିଟାଲ ହସ୍ପିଟାଲ ପଠାଇଛି । 

ତେବେ ହଂସପାଳ ନିକଟରେ ପୁରୀ ମେନ୍‌ କେନାଲରେ ବୁଡ଼ି ଯୁବକ ଜଣକ ନିଖୋଜ ଥିଲେ । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି କେନାଲରେ ଖୋଜାଖୋଜି ଜାରି ରଖିଥିଲେ । ଅଗ୍ନିଶମ ବାହିନୀ ପକ୍ଷରୁ ମିଳିଥିବା ସୂଚନା ଅନୁଯାୟୀ, ସନ୍ଧ୍ୟା ସାଢ଼େ ୮ଟା ବେଳେ  ସୌମ୍ୟରଞ୍ଜନ ପୁରୀ ମେନ୍‌ କେନାଲକୁ ଶୌଚ ହେବା ପାଇଁ ଯାଇଥିଲେ । ତେବେ ଅସାବଧାନତା ବଶତଃ ତାଙ୍କ ଗୋଡ଼ ଖସିଯିବାରୁ ସେ ଗଭୀର ପାଣିରେ ବୁଡ଼ି ଯାଇଥିଲେ । ସ୍ଥାନୀୟ ଲୋକେ ଦେଖି ଅଗ୍ନିଶମ ବାହିନୀକୁ ଖବର ଦେଇଥିଲେ । ଅଗ୍ନିଶମ ବାହିନୀ ପହଞ୍ଚି  ବୋଟ ସହାୟତାରେ କେନାଲରେ ଖୋଜାଖୋଜି କରିବା ପରେ ତାଙ୍କ ଶୁକ୍ରବାର ମୃତଦେହ ଉଦ୍ଧାର ହୋଇଛି ।