ମାଲକାନଗିରି,୧୪/୫ : ସୋମବାର ରାତ୍ର ପର୍ଯ୍ୟନ୍ତ କେତକ ବୁଥ ରେ ଭୋଟଙ୍ଗି ଚାଲି ଥିବାରୁ ବିଳମ୍ବିତ ରାତ୍ର ରେ ପୁଲିଙ୍ଗ ପାର୍ଟି ପଲିଟେକ୍ନିକ କଲେଜ ବିତରଣ କେନ୍ଦ୍ର ଠାରେ ପହଁଚି ଥିଲେ। ଆଜି ସମସ୍ତ ରାଜନୈତିକ ଦଳର ସଭାପତି ତଥା ପ୍ରାର୍ଥୀ ଙ୍କ ଉପସ୍ଥିତି ରେ ଇଭିଏମ ଗୁଡିକ ସିଲ କରାଯାଇ ତ୍ରିସ୍ତରୀୟ କଡା ସୁରକ୍ଷା ମଧ୍ୟରେ ପଲିଟେକ୍ନିକ କଲେଜ ପରିସର ଷ୍ଟ୍ରଙ୍ଗ ରୁମ ମଧ୍ୟରେ ସୁରକ୍ଷିତ ଭାବେ ରଖାଯାଇଛି।
ଇଭିଏମ ସିଲ ସମୟରେ ନିର୍ବାଚନ ପର୍ଯ୍ୟବେକ୍ଷକ,ଜିଲ୍ଲା ନିର୍ବାଚନ ଅଧିକାରୀ ତଥା ଜିଲ୍ଲା ପାଳ ସଚିନ ପାୱାର,ଏସପି ନିତେଶ ୱାଧାନୀ,ଅତିରିକ୍ତ ଜିଲ୍ଲାପାଳ ବେଦ ବର ପ୍ରଧାନ, ଚିତ୍ରକୋଣ୍ଡା ନିର୍ବାଚନ ମଣ୍ଡଳୀ ରିଟର୍ଣ୍ଣିଂ ଅଫିସର ତଥା ଅତିରିକ୍ତ ଜିଲ୍ଲାପାଳ ସୋମନାଥ ପ୍ରଧାନ,ମାଲକାନଗିରି ନିର୍ବାଚନ ମଣ୍ଡଳୀ ରିଟର୍ଣ୍ଣିଂ ଅଫିସର ତଥା ଉପଜିଲ୍ଲାପାଳ ଦୁର୍ଯ୍ୟଧନ ଭୋଇ ସହିତ ଅନ୍ୟାନ୍ୟ ଅଧିକାରୀ ମାନେ ଉପସ୍ଥିତ ଥିଲେ।ଏହି ଷ୍ଟ୍ରଙ୍ଗ ରୁମ ସମ୍ମୁଖରେ ବାଲି ବସ୍ତା ପାଚେରୀ କରି ବିଏସଏଫ ଜବାନ ଓ ଅନ୍ୟାନ୍ୟ ସୁରକ୍ଷା କର୍ମୀ ମାନେ ଦିନ ରାତି ୨୪ଘଣ୍ଟିଆ ପ୍ରହରା ଦେଉଛନ୍ତି ।
ମାଲକାନଗିରି ଜିଲ୍ଲାର ଦୁଇଟି ବିଧାନସଭା ନିର୍ବାଚନ ମଣ୍ଡଳୀ ର ୧୫ଜଣ ବିଧାୟକ ପ୍ରାର୍ଥୀ ଓ ନବରଙ୍ଗପୁର ଲୋକସଭା ଆସନର ୪ଜଣ ସାଂସଦ ପ୍ରାର୍ଥୀ ଙ୍କ ଭାଗ୍ୟ ଇଭିଏମ ମେସିନରେ ସିଲ ହୋଇରହିଛି। ୧୪୭ମାଲକାନଗିରି ବିଧାନସଭା ନିର୍ବାଚନ ମଣ୍ଡଳୀ ଆସନ ରୁ ୬ଜଣ ଓ ୧୪୭ଚିତ୍ରକୋଣ୍ଡା ଆସନରୁ ୯ଜଣ ଓ ନବରଙ୍ଗପୁର ଲୋକସଭା ଆସନ ପାଇଁ ୪ ଜଣ ପ୍ରାର୍ଥୀ ନିର୍ବାଚନରେ ପ୍ରତିଦ୍ୱନ୍ଦିତା କରିଥିଲେ।