ଭୁବନେଶ୍ବର, ୧୦।୧୨: ଗୁଡ଼ି ଉଡ଼ାଉଥିବା ବେଳେ ଅଘଟଣ । ଟ୍ରେନ୍ରେ ଧକ୍କାହେଇ ଜଣେ ନାବାଳକଙ୍କ ଜୀବନ ଚାଲିଯାଇଥିବା ସୂଚନା । ଶହୀଦନଗର ଶାନ୍ତିପଲ୍ଲୀ ବସ୍ତିର ତପନ ପାତ୍ରଙ୍କ ୧୪ ବର୍ଷୀୟ ପୁଅ ସୂର୍ଯ୍ୟକାନ୍ତ ପାତ୍ର ଶନିବାର ଅପରାହ୍ନ ସମୟରେ ଟ୍ରେନ୍ ଲାଇନ୍ ପାର୍ଶ୍ଵରେ ସାଙ୍ଗ ସହ ଗୁଡ଼ି ଉଡ଼ାଉଥିଲେ । ଗୁଡ଼ିର ସୂତା କଟିଯିବାରୁ ଟ୍ରେନ୍ ଲାଇନ୍ ଅପର ପାର୍ଶ୍ୱକୁ ଗୁଡ଼ି ଆଣିବା ପାଇଁ ଯାଉଥିବା ବେଳେ ଟ୍ରେନ୍ ଧକ୍କା ଦେଇଥିଲା ।
ସେହିଠାରେ ହିଁ ନାବାଳକ ଜଣଙ୍କର ମୃତ୍ୟୁ ଘଟିଥିଲା । ସୂର୍ଯ୍ୟ ନବମ ଶ୍ରେଣୀରେ ପଢ଼ୁଥିବା ବେଳେ ଘଟଣାସ୍ଥଳରେ ଜିଆର୍ପି ପୋଲିସ ପହଞ୍ଚି ବ୍ୟବଚ୍ଛେଦ ପାଇଁ ମୃତଦେହକୁ କ୍ୟାପିଟାଲ ହସ୍ପିଟାଲକୁ ପଠାଇଛି ।