ଭୁବନେଶ୍ଵର, ୨୩/୦୩ : ପୋଲିସ ଗାଡି ଦେଖି ଭାବିଲେ ଚେକିଂ ଚାଲିଛି। ଭୟରେ ମାରିଦେଲେ ୟୁ ଟର୍ଣ୍ଣ। ରଙ୍ଗ୍ ରୁଟ୍ରେ ଯିବା ବେଳେ ଚାପିଦେଲା ଗ୍ୟାସ୍ ବୋଝେଇ ଟ୍ରକ୍। ଡମଣା ପଟିଆ ରାସ୍ତା ଷ୍ଟେଟ୍ ବ୍ୟାଙ୍କ୍ ସମ୍ମୁଖରେ ଘଟିଛି ଏଭଳି ମର୍ମନ୍ତୁଦ ଦୁର୍ଘଟଣା। ଘଟଣାସ୍ଥଳରେ ଯୁବକଙ୍କ ମୃତ୍ୟୁ ଘଟିଛି।
ସୂଚନାନୁଯାୟୀ, ଡମଣା ପଟିଆ ରାସ୍ତାରେ ପୋଲିସ ଗାଡି ଦେଖି ଜଣେ ଯୁବକ ଭୟଭୀତ ହୋଇଯାଇଥିଲେ। ଚେକିଂ ଚାଲିଛି ଭାବି ଭୟରେ ୟୁ ଟର୍ଣ୍ଣ ମାରି ଦେଇଥିଲେ। ରଙ୍ଗ୍ ରୁଟ୍ରେ ଯିବା ବେଳେ ଷ୍ଟେଟ୍ ବ୍ୟାଙ୍କ୍ ସମ୍ମୁଖରେ ଯୁବକଙ୍କୁ ଏକ ଗ୍ୟାସ୍ ବୋଝେଇ ଟ୍ରକ୍ ଚାପି ଦେଇଥିଲା। ଫଳରେ ଘଟଣାସ୍ଥଳରେ ଯୁବକଙ୍କ ମୃତ୍ୟୁ ଘଟିଥିଲା। ଖବର ପାଇ ଘଟଣା ସ୍ଥଳରେ ଦୁଇଟି ପିସିଆର ସହ ଚନ୍ଦ୍ରଶେଖରପୁର ଥାନା ପୋଲିସ ପହଞ୍ଚି ମୃତଦେହ ଉଦ୍ଧାର କରି କ୍ୟାପିଟାଲ ହସ୍ପିଟାଲ ପଠାଇଥିଲା। ସ୍ଥାନୀୟ ପୁଲିସ୍ ତଦନ୍ତ ଚଳାଇଛି। ସେପଟେ ବାରମ୍ବାର ଡମଣାରୁ ପଟିଆ ରାସ୍ତାରେ ମର୍ମନ୍ତୁଦ ଦୁର୍ଘଟଣା ହେଉଥିବାରୁ ସ୍ପିଡ ବ୍ରେକର ପାଇଁ ଦାବି କରିଛନ୍ତି ସ୍ଥାନୀୟ ଜନତା।
