ଡେରାଦୁନ/ ଉତ୍ତରକାଶୀ – ଗଡୱାଲ ହିମାଳୟରେ ୧୦ ହଜାର ଫୁଟରୁ ଅଧିକ ଉଚ୍ଚତାରେ ଥିବା ଯମୁନୋତ୍ରୀ ଧାମ ଯାତ୍ରା ବେଳେ ଅଘଟଣ। ଏଠାକୁ ଆସିଥିବା ୩ଜଣ ଶ୍ରଦ୍ଧାଳୁଙ୍କ ହୃଦଘାତରେ ମୃତ୍ୟୁ ହୋଇଛି। ପୁଲିସ କହିଛି କି, ହୃଦଘାତରେ ମୃତ୍ୟୁ ହୋଇଥିବା ତୀର୍ଥଯାତ୍ରୀଙ୍କ ମଧ୍ୟରୁ ଦୁଇ ଜଣ ମଧ୍ୟ ପ୍ରଦେଶର ଓ ଜଣେ ଉତ୍ତର ପ୍ରଦେଶର। ଯମୁନୋତ୍ରୀ ଧାମର ଯାତ୍ରା ଅକ୍ଷୟ ତୃତୀୟା ଦିନ ଶୁକ୍ରବାର ଠାରୁ ଆରମ୍ଭ ହୋଇଛି।
ପୁଲିସ କହିଛି କି, ଯମୁନୋତ୍ରୀ ଧାମର ଦର୍ଶନ କରିବାକୁ ଯାଇଥିବା ମଧ୍ୟପ୍ରଦେଶର ନିମଚରେ ରହୁଥିବା ସମ୍ପତ୍ତିବାଇ (୬୨) ,ଯମୁନୋତ୍ରୀର ଆଧାର ଶିବିର ଜାନକୀଚଟ୍ଟିର ନିକଟରେ ଚେତା ହରାଇଲେ। ତାଙ୍କ ସହ ଥିବା ଅନ୍ୟ ତୀର୍ଥ ଯାତ୍ରୀମାନେ ତାଙ୍କୁ ତତ୍କାଳ ହସ୍ପିଟାଲ ନେଇ ଯାଇଥିଲେ, ଯେଉଁଠି ଡାକ୍ତରମାନେ ତାଙ୍କୁ ମୃତ ଘୋଷିତ କରିଥିଲେ। ଆଉ ଏକ ଘଟଣାରେ ସାଗର ଜିଲ୍ଲାର ରାମଗୋପାଳ (୭୧) ଓ ଉତ୍ତର ପ୍ରଦେଶର ଉନ୍ନାଭ ଜିଲ୍ଲାର ବିମଳା ଦେବୀ (୬୯)ଙ୍କର ମଧ୍ୟ ହୃଦଘାତରେ ମୃତ୍ୟୁ ହୋଇଛି।
ରହି ରହି ଯାତ୍ରା କରିବାକୁ ଦିଆଯାଉଛି ପରାମର୍ଶ –
ଯମୁନୋତ୍ରୀ ଧାମର କଠିନ ପଦଯାତ୍ରା ବେଳେ ଅନେକ ଥର ଅକ୍ସିଜେନର ହ୍ରାସ ଓ ଥଣ୍ଡା କାରଣରୁ ତୀର୍ଥଯାତ୍ରୀଙ୍କର ସ୍ୱାସ୍ଥ୍ୟ ବିଗିଡ଼ି ଯା । ପୁଲିସ କହିଛି କି କଠିନ ପାହାଡିଆ ଯାତ୍ରାକୁ ଦେଖି ଲୋକଙ୍କୁ ରହି ରହି ଯାତ୍ରା କରିବାକୁ ପରାମର୍ଶ ଦିଆଯାଉଛି।