ଭୁବନେଶ୍ୱର,୦୪/୦୫: ପାଖେଇ ଆସୁଛି ସାଧାରଣ  ନିର୍ବାଚନ । ତାରିଖ ଯେତେ ପାଖେଇ ଆସୁଛି ପ୍ରଚାରମଇଦାନରେ ହେଭି ୱେଟ୍‌ ନେତାଙ୍କୁ ଦେଖିବାକୁ ମିଳୁଛି । ଭାରତୀୟ ଜନତା ପାର୍ଟିର କେନ୍ଦ୍ରୀୟ ନେତୃତ୍ୱଙ୍କର ଘନ ଘନ  ଓଡ଼ିଶା ଗସ୍ତ ହେଉଛି । ନିକଟରେ ଅମିତ ଶାହ ସୋନପୁର,  ଜେପି ନଡ୍ଡା ବ୍ରହ୍ମପୁର ଆସିଥିଲେ । 

ଶନିବାର  କେନ୍ଦ୍ର ବୈଦଶିକ ବ୍ୟାପାର ମନ୍ତ୍ରୀ ଏସ୍‌ ଜୟଶଙ୍କର ଓଡ଼ିଶା  ଗସ୍ତରେ ଆସୁଛନ୍ତି । ୨ ଦିନିଆ ଗସ୍ତରେ ଆସୁଥିବା ଜୟଶଙ୍କର ରବିବାର ଭୁବନେଶ୍ୱରରେ ଏକ ସାମ୍ବାଦିକ ସମ୍ମିଳନୀରେ  ବୁଦ୍ଧିଜୀବୀଙ୍କୁ ସମ୍ବୋଧନ କରିବେ । ୫ ତାରିଖରେ କଟକରେ  ହେବାକୁ ଥିବା ଦଳୀୟ କାର୍ଯ୍ୟକ୍ରମରେ ଯୋଗଦେବେ । 

ସେହିପରି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ଆସନ୍ତା ୫ ତାରିଖ ପୁନର୍ବାର ଓଡ଼ିଶା ଗସ୍ତରେ ଆସୁଛନ୍ତି ।  ଏହି ଅବସରରେ ଭୁବନେଶ୍ୱର ଓ କଟକରେ ହେବାକୁ ଥିବା  ଦଳୀୟ କାର୍ଯ୍ୟକ୍ରମରେ ଯୋଗଦେବେ । ଏନେଇ ବିଜେପି  ରାଜ୍ୟ ଉପସଭାପତି ଗୋଲକ ମହାପାତ୍ର ସୂଚନା ଦେଇଛନ୍ତି । ଶ୍ରୀ ମହାପାତ୍ର କହିଛନ୍ତି, ବିଜେପି ମା’, ମାଟି,  ମାତୃଭାଷା, ଓଡ଼ିଆ ଅସ୍ମିତାକୁ ପ୍ରସଙ୍ଗ କରି ନିର୍ବାଚନ ଲଢ଼େଇ  କରିବ । ଓଡ଼ିଶା ପାଇଁ ପରିବର୍ତ୍ତନର ନିର୍ବାଚନ ହେବ ।