ପ୍ରମୁଖ ଖବର
  • ଭୁବନେଶ୍ଵର : ଲୁମ୍ବିନୀ ବିହାର ମା' ମଙ୍ଗଳା ବସ୍ତିରେ ବିଲ୍ ଗେଟ୍‌ସ, ଲୋକମାନଙ୍କୁ ଭେଟି ବିଭିନ୍ନ ମୌଳିକ ସୁବିଧା ସମ୍ପର୍କରେ ପଚାରି ବୁଝିଲେ
  • ||
  • ଭୁବନେଶ୍ଵର : ଓଡ଼ିଶା ଆସୁଛନ୍ତି ମହାମହିମ, ମା' କିଚକେଶ୍ଵରୀଙ୍କ ଦର୍ଶନ ସହ ବିଭିନ୍ନ କାର୍ଯ୍ୟକ୍ରମରେ ଦେବେ ଯୋଗ
  • ||

ଟେକଅଫ୍‌ ପୂର୍ବରୁ ହଠାତ୍ ବିମାନର ଏମର୍ଜେନ୍ସି ଡୋର୍‌ ଖୋଲି ଦେଲେ ଯାତ୍ରୀ, ବିମାନ ଭିତରେ ଥିବା ଲୋକେ ହୋଇଗଲେ ଭୟଭୀତ

ନୂଆଦିଲ୍ଲୀ,୧୦।୨: ଅନେକ ଥର, ବିମାନ ଉଡାଣ ସମୟରେ କିଛି ଯାତ୍ରୀଙ୍କ ମୂର୍ଖାମୀ ହେତୁ ଏପରି କିଛି ଘଟେ ଯାହା ଅନ୍ୟ ଲୋକଙ୍କ ଜୀବନକୁ ବିପଦରେ ପକାଇଥାଏ।ଏହିପରି ଅନେକ ଘଟଣା ଦେଖିବାକୁ ମିଳିଛି। ନିକଟରେ ଏଭଳି ଏକ ଥାଇଲ୍ୟାଣ୍ଡରୁ ଆସିଛି। ଏଠାରେ ଜଣେ ଯାତ୍ରୀ ଚିଆଙ୍ଗ ମାଇ ବିମାନ ବନ୍ଦରରୁ ଉଡାଣ ଆରମ୍ଭ କରିବା ପୂର୍ବରୁ ଏମର୍ଜେନ୍ସି ଡୋର ଖୋଲି ଦେଇଥିଲେ। ରଏଟର୍ସ ରିପୋର୍ଟ ଅନୁଯାୟୀ, ବୁଧବାର ରାତିରେ ଏହି ଘଟଣା ଘଟିଛି, ଯାହାଫଳରେ ବିମାନର ଇନଫ୍ଲେଟେବଲ୍ ସ୍ଲାଇଡ୍ ସକ୍ରିୟ ହୋଇ ଯାଇଥିଲା। ଯାହାଫଳରେ ବିମାନ ଚଳାଚଳ ବିଳମ୍ବ ହୋଇଥିଲା। 

ଜଣେ କାନଡୀୟ ବ୍ୟକ୍ତିକୁ ସ୍ଥାନୀୟ ପୋଲିସ କଷ୍ଟଡିରେ ନେଇଛି। ଯାତ୍ରୀଙ୍କ ଓକିଲର କହିବା ଅନୁସାରେ, ସେ ହାଲୁସିନେସନ୍ ବା ମତିଭ୍ରମ ଯୋଗୁଁ ଏଭଳି ଭବରେ ଏମର୍ଜେନ୍ସି ଏକ୍ସିଟ୍‌କୁ ଖୋଲି ଦେଇଥିଲେ। ଘଟଣା ସମ୍ପର୍କରେ ଚିୟାଙ୍ଗ ମାଇ ବିମାନ ବନ୍ଦରର ନିର୍ଦେଶକ ରୋନାକର୍ନ ଚାର୍ଲେମେସେନ୍ୟାକୋର୍ନ କହିଛନ୍ତି, ଏହି ଘଟଣା କାରଣରୁ ବିମାନ ବନ୍ଦରରେ ଅନେକ ବିମାନ ଚଳାଚଳ ପ୍ରଭାବିତ ହୋଇଥିଲା।

ଜଣେ ଯାତ୍ରୀଙ୍କ କହିବା ଅନୁସାରେ, ଯେତେବେଳେ ବ୍ୟକ୍ତିଜଣକ ଏମର୍ଜେନ୍ସି ଏକଜିଟ୍ ଖୋଲିଥିଲେ, ବିମାନ ଭିତରେ ଥିବା ଲୋକେ ଭୟଭୀତ ହୋଇଯାଇଥିଲେ। ଯଦି ଆମେ ସମୁଦ୍ର ପତ୍ତନଠାରୁ ୩୦,୦୦୦ ଫୁଟ୍ ଉପରେ ରହିଥାନ୍ତୁ ତେବେ କ’ଣ ହୋଇଥାନ୍ତା ? ଉଲ୍ଲେଖନୀୟ ଯେ, ଗତ ମାସ ମେକ୍ସିକୋରେ ଜଣେ ବ୍ୟକ୍ତିଙ୍କୁ ବିମାନର ଏମର୍ଜେନ୍ସି ଡୋର ଖୋଲି ଓ୍ବିଙ୍ଗରେ ଚାଲିବା ପରେ ଗିରଫ କରାଯାଇଥିଲା।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.