ପ୍ରମୂଖ ଖବର
  • ଜନ୍ମବେଦିରୁ ବାହୁଡ଼ିଲେ ଦାରୁବ୍ରହ୍ମ,ବୁଧବାର ସୁନାବେଶ, ଗୁରୁବାର ଅଧରପଣା, ଶୁକ୍ରବାର ନୀଳାଦ୍ରି ବିଜେ
  • ||
  • ଝାରସୁଗୁଡ଼ା: ଧାର ଟଙ୍କା ଫେରସ୍ତକୁ ନେଇ ଗୁଳିକାଣ୍ଡ, ଜଣେ ଆହତ
  • ||
  • ବିଶ୍ୱ ସର୍ପ ଦିବସ: ବର୍ଷା ଦିନେ ସତର୍କତା ଜରୁରି, ୫ ବର୍ଷରେ ଗଲାଣି ୫୨୧୯ ଜୀବନ
  • ||
  • ବାରିପଦା : ସ୍କୁଟିକୁ ଧକ୍କା ଦେଲା ଟ୍ରକ୍, ୨ ମୃତ
  • ||
  • ମୁମ୍ବାଇ ଏକ୍ସପ୍ରେସ ହାଇୱେରେ ବସ୍-ଟ୍ରାକ୍ଟର ମୁହାଁମୁହିଁ ଧକ୍କା, ୫ମୃତ, ୪୨ ଆହାତ
  • ||
  • ସଇଁନ୍ତଳା ରାଇସମିଲ ନିକଟରେ ହାଇୱା ଟ୍ରକକୁ ପିଟିଲା ଯାତ୍ରୀବାହୀ ବସ୍‌, ଏକାଧିକ ଯାତ୍ରୀ ଆହତ
  • ||
  • ରାଜ୍ୟରେ ଲଘୁଚାପ ସକ୍ରିୟ: ୧୭ରୁ ବଢ଼ିବ ବର୍ଷା, ଉତ୍ତର ଓ ଦକ୍ଷିଣ ଓଡ଼ିଶାରେ ଅଧିକ ବର୍ଷିବ
  • ||

ଦୁଇ ବନ୍ଧୁଙ୍କ ଅସାଧାରଣ କାମ, ନିର୍ମାଣ କଲେ ୨୫ ଫୁଟର ଚଳନ୍ତା ବାଇସାଇକେଲ

ନୂଆଦିଲ୍ଲୀ ୧୬/୦୬: ଫ୍ରାନ୍ସରେ ଦୁଇ ବନ୍ଧୁ ଏକସଙ୍ଗେ ଏକ ଅସାଧାରଣ କାମ କରିଛନ୍ତି । ଏଥିପାଇଁ ସମ୍ମାନିତ ମଧ୍ୟ ହୋଇଛନ୍ତି । ନିକୋଲାସ ବାରିଓଜ ଓ ଡେଭିଡ୍‌ ପେରୋ ବିଶ୍ୱର ସର୍ବୋଚ୍ଚ ଚଳନ୍ତା ବାଇସାଇକେଲ ନିର୍ମାଣ କରିଛନ୍ତି । ଏଥିପାଇଁ ଉଭୟ ଗିନିଜ୍‌ ବିଶ୍ୱ ରେକର୍ଡସ୍‌ ଦ୍ୱାରା ସମ୍ମାନିତ ହୋଇଛନ୍ତି । ସେମାନେ ଏହି ବାଇସାଇକେଲର ନାମ ଦେଇଛନ୍ତି ‘ଷ୍ଟାର୍‌ବାଇକ୍‌’ । ଏହାର ଉଚ୍ଚତା ୨୫.୫ ଫୁଟ । ପୂର୍ବର ସମସ୍ତ ରେକର୍ଡ ଏହା ଭାଙ୍ଗିଛି । 

ଦୁଇ ବନ୍ଧୁ ଏକ ପବ୍‌ରେ ବସି କଥା ହେବା ସମୟରେ ଷ୍ଟାର୍‌ବାଇକ୍‌ ନିର୍ମାଣ ବିଚାର ସେମାନଙ୍କ ମନକୁ ଆସିଲା । ତା’ପରେ ସେମାନେ ଏହାକୁ ବାସ୍ତବତାର ରୂପ ଦେବାକୁ ନିଷ୍ପତ୍ତି ନେଲେ । ପୂର୍ଣ୍ଣ ସମର୍ପଣଭାବ ସହିତ କାମ ଆରମ୍ଭ କଲେ । ସାଇକେଲ ନିର୍ମାଣରେ ତାଙ୍କର ୨ ବର୍ଷ ବିତିଗଲା । ଶେଷରେ ବିଶ୍ୱର ସର୍ବୋଚ୍ଚ ଚଳନ୍ତା ବାଇସାଇକେଲ ନିର୍ମାଣର ଶ୍ରେୟ ଉଭୟଙ୍କୁ ମିଳିଲା । ସାଇକେଲରେ ଲାଗିଥିବା ଟାୟାରକୁ ମିଶେଲିନ୍‌ କମ୍ପାନି ମାଗଣା ପ୍ରଦାନ କରିଛି । କ୍ଲେରମଣ୍ଟ୍‌-ଫରାଣ୍ଡ୍‌ଠାରେ ଅବସ୍ଥିତ ମିଶେଲିନ୍‌ର ମୁଖ୍ୟାଳୟରେ ଡେଭିଡ୍‌ ଓ ନିକୋଲାସ ସାଇକେଲର ଉନ୍ମୋଚନ କରିଥିଲେ । 

ଗିନିଜ୍‌ ପକ୍ଷରୁ ସର୍ବୋଚ୍ଚ ସାଇକେଲର ଏକ ଭିଡିଓ ଶେୟାର କରାଯାଇଛି । ଏଥିରେ ଡେଭିଡ୍‌ ବିଶ୍ୱର ସର୍ବୋଚ୍ଚ ବାଇସାଇକେଲ ଟାଇଟଲ ହାସଲ କରିବା ଲାଗି କାହାର ସାହାଯ୍ୟ ବିନା ଏଥିରେ ୧୦୦ ମିଟରରୁ ଅଧିକ ଦୂର ଯାତ୍ରା କରିଥିଲେ । ତାହା ଘଣ୍ଟା ପ୍ରତି ୧୫-୨୦ କିମି ବେଗରେ ଗତି କରିଥିଲା । ଆଲଏ, ଷ୍ଟିଲ୍‌ ଓ ଅଧିକାଂଶ ପୁନଃଚକ୍ରଣ ଆସବାବପତ୍ରରୁ ନିଆଯାଇଥିବା କାଠରେ ସାଇକେଲ ନିର୍ମିତ ହୋଇଛି । ନିକୋଲାସ ଓ ଡେଭିଡ୍‌ ଏବେ ବିଶ୍ୱର ସବୁଠୁ ଛୋଟ ଚଳନ୍ତା ବାଇସାଇକେଲ ନିର୍ମାଣ କରି ଆଉ ଏକ ବିଶ୍ୱ ରେକର୍ଡ ଲାଗି ବିଚାର କରୁଛନ୍ତି ।

News7 Is Now On WhatsApp Join And Get Latest News Updates Delivered To You Via WhatsApp

Rath Yatra

Copyright © 2024 - Summa Real Media Private Limited. All Rights Reserved.