ରାଉରକେଲା ୧୩/୧୧: ଦୀପ ନିଆଁରୁ ଜଳିଲା ଦୁଇ ମହଲା ବିଲ୍ଡିଂ। ଦେଖୁ ଦେଖୁ ଜଳିଗଲା ଆସବାବ ପତ୍ର। ଧୂଆଁମୟ ହୋଇଗଲା ଅଞ୍ଚଳ। ଏଭଳି ଭୟଙ୍କର ଅଗ୍ନିକାଣ୍ଡ ରାଉକେଲା କୋଏଲ ନଗର ଅଞ୍ଚଳରେ ଘଟିଛି। ଘଟଣାସ୍ଥଳରେ ସ୍ଥାନୀୟ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ୟମ ଜାରି ରଖିଛି।

ସୂଚନା ମୁତାବକ, ସୋମବାର ରାଉରକେଲା କୋଏଲ ନଗରରେ ଏକ ଦୁଇ ମହଲା ଘର ନିଆଁ ଲାଗିଯାଇଥିଲା । ଦୀପ ନିଆଁରୁ ଅଗ୍ନିକାଣ୍ଡ ହୋଇଥିବା ଜଣାପଡିଛି । ଘରର ସବୁ ଆସବାବପତ୍ର ନିଆଁରେ ପୋଡ଼ି ନଷ୍ଟ ହୋଇଛି । ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି ଥିଲେ। ଘର ଭିତରକୁ ସିଡି ପକାଇବା ପରେ ଭିତକୁ ପାଣି ମାଡ଼ କରିଥିଲେ ଅଗ୍ନିଶମ କର୍ମଚାରୀ। ତେବେ ନିଆଁକୁ ସମ୍ପୂର୍ଣ୍ଣ ଆୟତ କରିବାକୁ ଉଦ୍ୟମ ଜାରି ରଖିଛନ୍ତି।