ଭୁବନେଶ୍ବର,୪/୬ : ଦାଦାଙ୍କ ଆସନ ବଞ୍ଚାଇବାରେ ସଫଳ ହେଲେ ଝିଆରୀ ଉପାସନା ମହାପାତ୍ର । ଚଳିତ ସାଧାରଣ ନିର୍ବାଚନରେ ବ୍ରହ୍ମଗିରିରୁ ବିଜେପି ପ୍ରାର୍ଥୀ ହୋଇଥିବା ଉପାସନା ମହାପାତ୍ର ପାଇଛନ୍ତି ୯୫୭୮୩ଭୋଟ୍ । ଅନ୍ୟପଟେ ବିଜେଡି ପ୍ରାର୍ଥୀ ଉମାକାନ୍ତ ସାମନ୍ତରାୟ ପାଇଛନ୍ତି ୮୫୯୫୩ଭୋଟ୍ । ସେହିଭଳି କଂଗ୍ରେସ ପକ୍ଷରୁ ପ୍ରାର୍ଥୀ ହୋଇଥିବା ମିତ୍ରଭାନୁ ମହାପାତ୍ରଙ୍କୁ ୧୯୧୦ଭୋଟ୍ ମିଳିଛି ।

ସୂଚନା ଅନୁସାରେ , କ୍ରମାଗତ ଭାବେ ଉପାସନା ମହାପାତ୍ରଙ୍କ ବାପା ଲଲାଟେନ୍ଦୁ ବିଦ୍ୟାଧର ମହାପାତ୍ର ୧୯୯୫ରୁ ଏହି ସିଟରେ ବିଜୟୀ ହୋଇ ଆସୁଥିଲେ । ଏହାପରେ ୨୦୦୯ ଏବଂ ୨୦୧୪ରେ ବିଜେଡିର ସଞ୍ଜୟ ଦାସ ବର୍ମା ଏଠାରୁ ବିଜୟ ଲାଭ କରିଥିଲେ । କିନ୍ତୁ ୨୦୧୯ରେ ଏଠାରୁ ଲଳିତେନ୍ଦୁ ବିଦ୍ୟାଧର ମହାପାତ୍ର ବିଜୟ ଲାଭ କରିଥିଲେ । ଚଳିତ ବର୍ଷ ଏହି ଆସନରୁ ଉପସନା ଏଠୁ ବିଜୟ ଲାଭ କରି ପାରମ୍ପରିକ ଆସନକୁ ନିଜ ହାତରେ ରଖିଛନ୍ତି ।