ପ୍ୟାରିସ୍‌,୬।୮: ହରିୟାଣାର ରେସଲର ଭିନେଶ ଫୋଗାଟ ପ୍ୟାରିସ୍ ଅଲିମ୍ପିକ୍ସର ପ୍ରି-କ୍ବାର୍ଟର ଫାଇନାଲ ମ୍ୟାଚ୍‌ ଜିତି ଯାଇଛନ୍ତି। ସେ ଜାପାନ ଅଲିମ୍ପିକ୍ସ ଓ ଓ୍ବାର୍ଲ୍ଡ ଚମ୍ପିଆନ୍ସ ୟୁଇ ସୁସାକିଙ୍କୁ ହରାଇଛନ୍ତି। ଭିନେଶ ଆଜି ହିଁ କ୍ବାଟର ଫାଇନାଲ ଖେଳିବେ। ଉଲ୍ଲେଖନୀୟ ଯେ, ଭିନେଶ ଫୋଗାଟ୍‌ ଗତ ଟୋକିଓ ଅଲିମ୍ପିକ୍ସର ସ୍ବର୍ଣ୍ଣ ପଦକ ବିଜେତା ଓ ଚତୁର୍ଥ ଥର ବିଶ୍ବ ଚମ୍ପିଆନସିପ୍‌ ଜାପାନର ୟୁଇ ସୁସାକିଙ୍କୁ ରାଉଣ୍ଡ ୧୬ ରେ ୩-୨ ରେ ହରାଇଛନ୍ତି।

ଭିନେଶ ଶେଷ ୫ ସେକେଣ୍ଡ ପର୍ଯ୍ୟନ୍ତ ୦-୨ରେ ପଛରେ ଚାଲିଥିଲେ ଓ ସେ ଶେଷ ତିନି ପଏଣ୍ଟକୁ ନେଇ ଅଲିମ୍ପିକ୍ସ ଓ ବିଶ୍ବ ଚମ୍ପିଆନ୍‌ସିପକୁ ହରାଇଛନ୍ତି। ଭିନେଶଙ୍କ ପାଇଁ ଅଲିମ୍ପିକ୍ସ ଖେଳିବା ବଡ କଥା। ଯିଏକି ଦୀର୍ଘ ସମୟ ପର୍ଯ୍ୟନ୍ତ ଜନ୍ତର ମନ୍ତରରେ ଭାରତୀୟ କୁସ୍ତର ମହାସଂଘ ବିରୋଧରେ ଲଢେଇ କରିଥିଲେ।