ନୂଆଦିଲ୍ଲୀ,୨୫/୦୮: ବହୁପ୍ରତିକ୍ଷୀତ  ଭିସ୍ତାରା ଏବଂ ଏୟାର୍‌ ଇଣ୍ଡିଆ ମିଶ୍ରଣ ଖୁବ୍‌ଶୀଘ୍ର  ହେବାକୁ ଯାଉଛି । ଭିସ୍ତାରାରେ ସିଙ୍ଗାପୁର ଏୟାର୍‌ଲାଇନ୍ସର ୪୯% ଅଂଶଧନ ରହିଛି । ମିଶ୍ରଣ  ପରେ ଗଠନ ହେବାକୁ ଥିବା ଏୟାର୍‌ଲାଇନ୍ସରେ ଏହା ୨୫.୧% ଅଂଶଧନ ହାସଲ କରିବା ପାଇଁ  ୨୦୫୯ କୋଟି ଟଙ୍କା ନିବେଶ କରିବ । ଅବଶିଷ୍ଟ  ୭୪.୯% ଅଂଶଧନ ଟାଟା ଗ୍ରୁପ୍‌ ଅଧୀକୃତ ଏୟାର୍‌  ଇଣ୍ଡିଆ ନିକଟରେ ରହିବ । 

ଗଣମାଧ୍ୟମ ରିପୋର୍ଟ  ଅନୁସାରେ, ସମସ୍ତ ନିୟାମକଙ୍କଠାରୁ ଆବଶ୍ୟକୀୟ  ମଞ୍ଜୁରି ମିଳିସାରିଛି । ଭାରତୀୟ ପ୍ରତିସ୍ଫର୍ଦ୍ଧା  ଆୟୋଗ(ସିସିଆଇ) ଏବଂ ବେସାମରିକ ବିମାନ  ଚଳାଚଳ ମହାନିର୍ଦ୍ଦେଶାଳୟ(ଡିଜିସିଏ) ପକ୍ଷରୁ  ମଞ୍ଜୁରି ମିଳିସାରିଛି । ସରକାରଙ୍କ ଏଫ୍‌ଡିଆଇ ମଞ୍ଜୁରି  ମିଳିବା ପରେ ଏହାକୁ ନେଇ ଘୋଷଣା କରାଯିବ ।