ନୂଆଦିଲ୍ଲୀ, ୭/୯ : ପାକିସ୍ତାନର ପୂର୍ବତନ କ୍ରିକେଟର ଓ୍ବାସିମ ଆକରମ ସୋସିଆଲ ମିଡ଼ିଆରେ ଏକ ପୋଷ୍ଟ ସେୟାର କରିଛନ୍ତି ଯେଉଁଥିରେ ସେ ପାକିସ୍ତାନର ଜଣେ ପୂର୍ବତନ କ୍ରିକେଟରଙ୍କୁ ମନେ ପକାଇ ଦେଇଛନ୍ତି । ସେ ମନେ ପକାଇଥିବା କ୍ରିକେଟର ଜଣଙ୍କ ହେଲେ ବିଶ୍ବର ମହାନ କ୍ରିକେଟରଙ୍କ ମଧ୍ୟରୁ ଜଣେ । ପ୍ରକାଶ ଯେ, ୬ସେପ୍ଟେମ୍ବରରେ ପାକିସ୍ତାନର ପୂର୍ବତନ କ୍ରିକେଟର ସଇଦ ଅନଓ୍ବରଙ୍କ ଜନ୍ମଦିନ ଥିଲା। ଜନ୍ମଦିନ ଅବସରରେ ଓ୍ବାସିମ ଏକ୍ସରେ ପୋଷ୍ଟ ସେୟାର କରିଥିଲେ ଏବଂ ସଇଦ ଅନଓ୍ବରଙ୍କୁ ଲେଖିଥିଲେ କି, ମହାନ କ୍ରିକେଟରଙ୍କ ମଧ୍ୟରୁ ଜଣଙ୍କୁ ଜନ୍ମଦିନର ଶୁଭକାମନା... ଏହି ପିଢୀ ଜାଣିନାହାନ୍ତି ସେ କେତେ ଭଲ ଥିଲେ’ । ଓ୍ବାସିମ ଏହି ପୋଷ୍ଟ ସେୟାର କରି ଆଜିର ପିଢୀଙ୍କୁ ଏହା କହିବାକୁ ପ୍ରୟାସ କରିଛନ୍ତି କି ସଇଦ ନିଜ ସମୟରେ ଯେଉଁ ଭଳି ଅନ୍ଦାଜରେ ବ୍ୟାଟିଂ କରୁଥିଲେ ତାହା ଅଦଭୁତ ଥିଲା । ହୁଏତ ଆଜି ତାଙ୍କ ବିଷୟରେ କଥା ହେଉ ନାହିଁ କିନ୍ତୁ ସେ ମହାନ କ୍ରିକେଟରଙ୍କ ମଧ୍ୟରେ ସାମିଲ ଅଛନ୍ତି । ଓ୍ବାସିମଙ୍କ ଏହି ପୋଷ୍ଟ ସୋସିଆଲ ମିଡ଼ିଆରେ ଏବେ ଖୁବ୍ ଭାଇରାଲ ହେବାରେ ଲାଗିଛି ।
Happy birthday to one of the greats . This generation doesn't know how good he was #Saeedanwar #whatatalent #legend https://t.co/nC3vr2xypD
— Wasim Akram (@wasimakramlive) September 6, 2024
