ପୁରୀ, ୨୯/୦୩ : ବ୍ରହ୍ମଗିରିରେ ୨୦୧୯ ନିର୍ବାଚନରେ ବିଜେଡି ପ୍ରାର୍ଥୀ ତଥା ବରିଷ୍ଠ ନେତା ସଞ୍ଜୟ କୁମାର ଦାସବର୍ମାଙ୍କୁ ପରାଜିତ କରିଥିଲେ ବିଜେପିର ଲଳିତେନ୍ଦୁ। ଲଳିତେନ୍ଦୁ ହେଲେ ସ୍ୱର୍ଗତ ଲୁଲୁ ମହାପାତ୍ରଙ୍କ ଭାଇ। ବିଜେଡି ଏଥର ଉମାକାନ୍ତ ସାମନ୍ତରାୟଙ୍କୁ ପ୍ରାର୍ଥୀ ଘୋଷଣା କରିସାରିଛି । ବିଜେପି ପକ୍ଷରୁ କିଏ ପ୍ରାର୍ଥୀ ହେବ ତାହାକୁ ନେଇ ଲୁଲୁଙ୍କ ପରିବାର ମଧ୍ୟରେ ଅଙ୍କକଷା ଆରମ୍ଭ ହୋଇଛି ।
ବିଧାୟକ ଲଳିତେନ୍ଦୁ ବିଦ୍ୟାଧର ମହାପାତ୍ରଙ୍କୁ ଦଳ ପୁଣି ଥରେ ପ୍ରାର୍ଥୀ କରିବ ନା ତାଙ୍କ ଝିଆରୀ ତଥା (ଲୁଲୁ)ଙ୍କ ଏକମାତ୍ର କନ୍ୟା ଉପାସନା ମହାପାତ୍ର ମଇଦାନକୁ ଓହ୍ଲାଇବେ ତାହାକୁ ନେଇ ଟଣାଓଟରା ଲାଗିଛି । ବିଜେପିର ଗୋଟିଏ ଗୋଷ୍ଠୀ ଲଳିତେନ୍ଦୁଙ୍କ ପାଇଁ ଲବି କରୁଥିବା ବେଳେ ଅନ୍ୟ ଏକ ଗୋଷ୍ଠୀ ଝିଆରୀ ଉପାସନାଙ୍କୁ ପ୍ରାର୍ଥୀ କରାଯିବାକୁ ଦାବି କରୁଛନ୍ତି । ଦଳ କାହାକୁ ପ୍ରାର୍ଥୀ କରୁଛି ତାହା ଉପରେ ସମସ୍ତଙ୍କ ନଜର ।