ଖଜୁରିପଡା,୨୪/୨ :   ଖଜୁରିପଡା ଥାନା ଅନ୍ତର୍ଗତ ଡିମିରିଖୋଲ ଗ୍ରାମର ପୋଖରୀରେ ଜଣେ ଯୁବକ ଗାଧୋଇବା ବେଳେ ପାଣିରେ ବୁଡି ଯିବାରୁ ଜଣେ ଯୁବକର ମୃତ୍ୟୁ ହୋଇଛି। ମୃତକ ଜଣକ ହେଲେ ଫୁଲବାଣୀ ଶଗଡ଼ିଆ ସାହିର ମୃତୁଞ୍ଜୟ ସାହୁ(୩୬) । 

ସୂଚନା ଅନୁଯାୟୀ, ସେ ଶୁକ୍ରବାର ଖଜୁରୀପଡା ସ୍ଥିତ ତାଙ୍କ ମାମୁଁ ଘରକୁ ଯାଇଥିଲେ । ଆଜି ସକାଳ ୧୦ ଟା ବେଳେ ଗାଧୋଇବା ପାଇଁ ଗାଁ ମୁଣ୍ଡରେ ଥିବା ପୋଖରୀକୁ ଯାଇଥିଲେ । ଗାଧୋଇବା ସମୟରେ ଅସାବଧାନତା ବଶତଃ ଗୋଡ଼ ଖସି ଯିବାରୁ   ପାଣିରେ ବୁଡି ଯାଇଥିଲେ। ଦୀର୍ଘ ସମୟ ଧରି ସେ ଘରକୁ ନ ଫେରିବାରୁ ମାମୁଁ ଘର ଲୋକେ ଖୋଜା ଖୋଜି କରିଥିଲେ। ପରେ କିଛି ଲୋକ ସେ ପାଣିରେ ଭାସୁଥିବା ଦେଖି ଖବର ଦେବାପରେ ପୁଲିସ ଓ ଦମକଳ ବାହିନୀକୁ ସୂଚନା ଦିଆଯାଇଥିଲା। ଖଜୁରିପଡା ପୋଲିସ ଓ ଦମକଳ ବାହୀନ ମିଶି ମୃତଦେହକୁ ଉଦ୍ଧାର କରି ଫୁଲବାଣୀ ମୁଖ୍ୟ ଚିକିତ୍ସାଳୟକୁ  ବ୍ୟବଚ୍ଛେଦ ପାଇଁ ପଠାଇଥିଲେ। ଏ ନେଇ ଖଜୁରିପଡା ଥାନାରେ ଏକ ଅପମୃତ୍ୟୁ ମାମଲା ରୁଜ୍ଜୁ ହୋଇଥିବା ସବ ଇନସ୍ଫେକ୍ଟର ଶିଶିର କୁମାର ପ୍ରଧାନ କହିଛନ୍ତି। ମୃତ ଯୁବକ ଜଣକ ଫୁଲବାଣୀ ପରିବହନ କାର୍ଯ୍ୟାଳୟ ନିକଟରେ ଦୋକାନ କରିଥିବା ଜଣାପଡିଛି।

ଆହୁରି ପଢନ୍ତୁ : ମଦନ ନାୟକ ହତ୍ୟା ଘଟଣା : ୬ ଅଭିଯୁକ୍ତଙ୍କୁ ଆଜୀବନ କାରାଦଣ୍ଡ