ମଞ୍ଚେଶ୍ଵର,୦୯/୦୮: ପୁଣି ମାତିଲେ ଚେନ୍‌ ସ୍ନାଚର୍ । ଜିଜିପି କଲୋନୀରେ ହେଲା ଛିନତାଇ । ଯୁବତୀଙ୍କୁ ପିଛା କରି ଝାମ୍ପି ନେଲା ସୁନା ଚେନ୍ ସହ ଲକେଟ୍ । ନିରାଶ ହୋଇ ମଞ୍ଚେଶ୍ଵର ଥାନାରେ ଅଭିଯୋଗ କଲେ ସନ୍ତୋଶିନୀ ଦାଶ । ମଞ୍ଚେଶ୍ଵର ଥାନା ପୋଲିସର ତଦନ୍ତ ଆରମ୍ଭ ।

ସୂଚନା ଅନୁଯାୟୀ, ଗୁରୁବାର ରାତିରେ ଜିଜିପି କଲୋନୀରେ ଯୁବତୀଙ୍କୁ ପିଛା କରିଥିଲା ଜଣେ ଯୁବକ । କିଛି ସମୟ ପିଛା କରିବା ପରେ ଝାମ୍ପି ନେଇଥିଲା ସୁନା ଚେନ୍ ସହ ଲକେଟ୍ । ଏ ବିଷୟରେ ଯୁବତୀ ତାଙ୍କ ପରିବାର ଲୋକଙ୍କୁ ଜଣାଇଥିଲେ । ନିରାଶ ହୋଇ ମଞ୍ଚେଶ୍ଵର ଥାନାରେ ଅଭିଯୋଗ କରିଥିଲେ  ଯୁବତୀ । ଖବର ପାଇ  ପୋଲିସ ଏବଂ ପରିବାର ଲୋକେ ସ୍ନାଚରର ପିଛା କରିଥିଲେ ।  କିନ୍ତୁ ଏପର୍ଯ୍ୟନ୍ତ ସ୍ନାଚରର କୌଣସି  ପତ୍ତା ମିଳନାହିଁ । ସ୍ପଟ୍ ଭିଜିଟ୍ ସହ ସିସିଟିଭି ଯାଞ୍ଚ୍ ପରେ ମଞ୍ଚେଶ୍ଵର ଥାନା ପୋଲିସ ତଦନ୍ତ ଆରମ୍ଭ କରିଛି । ଏହି ଘଟଣାର ଦୃଶ୍ୟ ସିସିଟିଭିରେ କଏଦ ହୋଇଛି ।