ଫିରିଙ୍ଗିଆ,୨୩।୮   ପାରିବାରିକ କଳହକୁ ନେଇ କନ୍ଧମାଳ ଜିଲ୍ଲା ଫିରିଙ୍ଗିଆ ଥାନା ଅଂଚଳରେ ବିଷ ଖାଇ ଜଣେ ଯୁବକ ଆତ୍ମହତ୍ୟା କରିଛି। ମୃତ ବ୍ୟକ୍ତି ଜଣକ ଫିରିଙ୍ଗିଆ ଥାନା କାସିନିପଦର ପଂଚାୟତ ମାଝିପଡ଼ା ଗାଁର  ଘନଶ୍ୟାମ ଦିଗାଲ I 

ଗତ ୧୯ ତାରିଖ ରାଖୀ ପୂର୍ଣ୍ଣିମାରେ  କୌଣସି କାରଣକୁ ନେଇ ଘନଶ୍ୟାମଙ୍କ ତାଙ୍କ ପରିବାର ମଧ୍ୟ୍ୟରେ ବଚସା ହୋଇଥିଲାI ଏହାକୁ ନେଇ ଯୁବକ ଜଣକ ବିଷ ପିଇ ଦେଇଥିଲେ  I ପରେ ପରିବାର ଲୋକେ ତାଙ୍କୁ ପ୍ରଥମେ ଫିରିଙ୍ଗିଆ ଗୋଷ୍ଠି ସ୍ୱାସ୍ଥ୍ୟକେନ୍ଦ୍ରକୁ ନେଇଥିଲେ । ଅବସ୍ଥା ଗୁରୁତର ହେବାରୁ ତାଙ୍କୁ ଫୁଲବାଣୀ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା I ତେବେ ଶୁକ୍ରବାର ବିଳମ୍ବିତ ରାତିରେ ଫୁଲବାଣୀ ମେଡିକାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଥିଲା I ତେବେ  ଖବର ପାଇ ପାଇ ଫିରିଙ୍ଗିଆ ଥାନା ଅଧିକାରୀଙ୍କ ନିର୍ଦେଶ କ୍ରମେ ଏଏସଆଇ ଶ୍ରୀକାନ୍ତ ପାତ୍ର ମେଡିକାଲରେ ପହଂଚି ମୃତଦେହକୁ ଜବତ କରିବା ସହ ବ୍ୟବଚ୍ଛେଦ ପାଇ ପଠେଇଛନ୍ତି I ଅନ୍ୟପଟେ ଘଟଣାକୁ ନେଇ ଫିରିଙ୍ଗିଆ ଥାନାରେ ଏକ ଅପମୃତ୍ୟୁ ମାମଲା ରୁଜୁ କରାଯାଇଥିବା ଥାନା ଅଧିକାରୀ ଗୋପୀନାଥ ପ୍ରଧାନ ସୂଚନା ଦେଇଛନ୍ତିI