ବଣାଇ,୦୪/୦୯: ଗାଁରୁ ହାତୀକୁ ଘଉଡ଼ାଇବା ବେଳେ ହାତୀ ଆକ୍ରମଣରେ ପ୍ରାଣ ହରାଇଲେ ଯୁବକ । ମୃତକ ଜଣକ ଗୋବିନ୍ଦ ମୁଣ୍ଡା ବୋଲି ଜଣାପଡ଼ିଛି । ବଣାଇ ରେଞ୍ଜ ଅଧୀନ କୁଳୁକୁତା ଗ୍ରାମରେ ଏଭଳି ଅଘଟଣ ଘଟିଛି ।

ସୂଚନା ଅନୁଯାୟୀ, କୁଳୁକୁତା ଗ୍ରାମରେ ଏକ ହାତୀ ପଶି ଲୋକଙ୍କ ଫସଲ ନଷ୍ଟ କରୁଥିଲା । ଏହି ସମୟରେ ସେହି ଗାଁର ଗୋବିନ୍ଦ ମୁଣ୍ଡା ନାମକ ବ୍ୟକ୍ତି ହାତୀକୁ ଘଉଡ଼ାଇବାକୁ ଚେଷ୍ଟା କରିଥିଲେ । ଏହି ସମୟରେ ଉକ୍ତ ହାତୀଟି ଗୋବିନ୍ଦଙ୍କ ଉପରେ ଆକ୍ରମଣ କରିଥିଲା । ଫଳରେ ହାତୀ ଆକ୍ରମଣରେ ପ୍ରାଣ ହରାଇଲେ ଗୋବିନ୍ଦ । ଏହା ଦେଖି ଗ୍ରାମବାସୀ ପୋଲିସକୁ ଖବର ଦେଇଥିଲେ ଖବର ପାଇ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିଛି ପୋଲିସ । ମୃତଦେହକୁ ବ୍ୟବଚ୍ଛେଦ ପାଇଁ ପଠାଇ ଘଟଣାର ତଦନ୍ତ ଚଳାଇଛି ପୋଲିସ ।