ରାଉରକେଲା, ୧୩/୦୨ : ଯୁବକଙ୍କୁ ପିଟିପିଟି ହତ୍ୟା। ରାଉରକେଲାର ବନ୍ଧମୁଣ୍ଡା ଥାନା ଅନ୍ତର୍ଗତ ରେଳବାଇ କଲୋନୀର ଏକ ପରିତ୍ୟକ୍ତ ଘରେ ଯୁବକଙ୍କୁ ପିଟିପିଟି ହତ୍ୟା କରାଯାଇଛି। ଘଟଣାସ୍ଥଳରେ ପୋଲିସ ପହଞ୍ଚି ମୃତଦେହ ଜବତ କରିଛି।
ସୂଚନାନୁଯାୟୀ, ସୋମବାର ବିଳମ୍ବିତ ରାତିରେ ବନ୍ଧମୁଣ୍ଡା ଥାନା ଅନ୍ତର୍ଗତ ରେଳବାଇ କଲୋନୀର ଏକ ପରିତ୍ୟକ୍ତ ଘରେ ହତ୍ୟାକାଣ୍ଡ ଘଟିଛି। ଜଣେ ଯୁବକଙ୍କୁ ପିଟିପିଟି ହତ୍ୟା କରାଯାଇଛି। ମୃତ ଯୁବକ ଜଣକ ହେଲେ ସ୍ଥାନୀୟ ଅଞ୍ଚଳର ଅମର ତନ୍ତୀ। ଅମର ଓ ତାଙ୍କ ସାଙ୍ଗ ସୁରଜ ତନ୍ତୀଙ୍କ ମଧ୍ୟରେ ନିଶା ସେବନକୁ ନେଇ ଝଗଡ଼ା ହୋଇଥିଲା। ଏଥିରେ ରାଗି ଯାଇ ସୁରଜ ଏକ ଲୁହା ରଡ଼ରେ ଅମରଙ୍କୁ ପିଟିପିଟି ହତ୍ୟା କରିବା ପରେ ସୁରଜ ସେଠାରୁ ଫେରାର ହୋଇଯାଇଛି। ପୋଲିସ ଘଟଣା ସ୍ଥଳରେ ପହଞ୍ଚି ତଦନ୍ତ ଚଳାଇଛି।
